AYUB 1:5 - BALA LUK DO'

⁵ Kareb anid irau ineh pangeh, Ayub megéi' kulat muka pekak idi maré baré ku ngeligan anakneh. Ieh megéi' nganau' kudeng ineh. Ngaceku ieh ngerawé kian seburur rat arangdeh lek pangeh nenganau' sala' idi nenguyo Allah dengan na kali'.

AYUB 1:5 Iomraidhean Croise

PUDUT 22:3

Idi pekak uka-uka, Ibrahim nengapak kayuh ku ngeseb baré luun bubpun. Idi ieh nenganau' amung-amung luk itenneh luun keted keladaineh. Idi ieh nenguit Isak dengan dueh demulunneh, idi nenalan iné' su luk pangeh bila Allah kuanneh.

PUDUT 6:5

Kareb Tuhan nenier sala' lemulun luk bang tana' ini pelaba ula', pad ieh ngerawé idi geregan ku luk dat mo' kidi-kidi,

PUDUT 8:20

Idi Noh nenganau' aceh bubpun kuan Tuhan. Idi ieh nengalap ratnan amung-amung pung idi suit luk meligan, idi ieh nengeseb baré luk sabpen luun bubpun ineh.

RACA'-RACA' LUK PUN-PUN 18:31

Idi ieh nengalap pulu' dueh batu maya' kinula' amung inul pupu Yakub. Ngaceku bala Tuhan pangeh nacing ni Yakub, kebalaNeh, “Idi Israil mangun ku ngadanmu.”

RACA'-RACA' LUK PUN-PUN 21:10

Idi ngecuk dueh burur lun dat tudo pa atunneh, pelé didueh mangun ku lun nekali' luk mebalih rat neneh. Idi do' didueh pebala, ‘Iko pangeh nenguyo inan Allah idi inan raca' pana'.’ Idi nguit neneh remuat idi mitung neneh ku batu pad ieh maté.”

RACA'-RACA' LUK PUN-PUN 21:13

Idi dueh burur luk dat ineh netudo pa atunneh. Idi didueh nengadu' ni Nabot pa kiung lun mula', kebala didueh, “Nabot ini pangeh nenguyo inan Allah idi inan raca' pana'.” Idi ideh nenguit neneh remuat rat bang bawang, idi ideh nemitung neneh ku batu pad ieh naté.

NEHEMIA 12:30

Amung imam idi lun Liwi nengeligan bururdeh sebuleng idi lun mula' pana'. Idi ideh nesembayang kuan amung tanga' bawang idi teh libung bawang.

AYUB 1:11

Iamo' kudeng Iko ngalap amung binawehneh, kali' rungen ieh ngediman Namu.”

AYUB 1:4

Idi anak-anakneh luk deléi pelibal-pelibal nganau' irau, idi lun baken miak amé', idi ideh megéi' neteng teluh kinanakdeh luk decur ineh.

AYUB 2:9

Idi kebala awan Ayub neneh, “Lutepké iko macing nekini teh? Ngudehké iko na nguyo Allah idi maté?”

AYUB 27:10

Petulu ideh pian ku awang luk barén Allah, idi teh petulu ideh megéi' sembayang.

AYUB 41:25

Kareb ieh tumui amung lalud pana' matot pad ideh melaya'.

AYUB 42:8

Do' nguit kuan Ayub tudu' sapi' deléi' idi tudu' dumba deléi' barén meteluh ku baré luk sabpen kuan burur meteluh sebuleng. Idi Ayub miak sembayang kuan meteluh, idi Ui miak ngor sembayangneh idi na Ui ngigu' nemeteluh maya' ukum luk petulu. Meteluh na nemala luk matu ratnan Ui, mepad kudeng Ayub.”

AYUB 6:14

Sagan tu pana' ui belén lun necan Allah, petulu inan lun rurum luk ngedengan negku bang susa'.

AYUB 8:4

Kali' rungen anakmu nenganau' sala' pa kiung Allah, idi ini punneh Tuhan nengukum nedeh kudeng ineh.

NANI UBUR 5:3

kareb pekak Iko ninger arodku, kareb masat aco ui megéi' sembayang, idi nginulat ua' putuhku.

PURA' 18:12

Idi Yitro nemaré luk sabpen idi luk barén kuan Allah. Idi Arun dengan amung lun rayeh Israil pana' nacing idi nekuman peruyung dengan iban Musa pa kiung Allah.

PURA' 19:10

Idi kebala Tuhan ni Musa, “Amé' iko nelun mula' ineh. Do' ideh temina' aco sini idi nebpa teh, idi mupu' ayungdeh,

PURA' 24:5

Idi ieh nengecuk tuda'-tuda' anak adi' lun Israil idi ideh nengeseb baré kuan Tuhan, idi ngeret tuda'-tuda' sapi' deléi mangun ku baré luk nguit pedo' inan Tuhan.

LUN LUK MADA' 9:10

Do' mekél nganau' amung kekamenmu, ngaceku su luk inan até — su luk ulekmu ineh, na luk idi kekamen, terawé, ileh, idi do' kali'.

YEREMIA 4:14

O Yerusalim, maru' sala' luk bang niatmu, pad iko miak uen ngulun. Tuda' io iko ngerawé luk dat baruh teh?

YEHISKIEL 14:14

Sagan tu pana' Noh, Danel, idi Ayub idi arangdeh, kekamendeh luk do' ineh miak ngulun burur diteluh sebuleng mo'.”. Tuhan Allah pangeh nepebala.

LUKAS 1:75

pad tau meligan idi matu pa kiungNeh ruked-ruked ulun tau.

LUKAS 18:7

Naké Allah miak, ngedengan anid-anid lemulun luk pinili'Neh luk nawar Neneh tebaco kedangan? Miakké Ieh nginiuk ngedengan nedeh?

YAHYA 11:55

Idi Irau Paska lun Yahudi pangeh muneng, idi mula' lemulun rat bawang ineh iné' Yerusalim, pad ideh uen ngeligan kareb nateh irau ineh.

KEKAMEN RASUL-RASUL 21:26

Paulus nenguit lemulun ineh maya' neneh, idi kenebpa ieh nengeligan bururneh sebuleng dengandeh. Ieh nesemuet bang Ruma' Allah idi nemada' ratnan tuda' aco luk inandeh uen ngeligan ineh, pad ideh miak maré luk baréndeh ineh.

KEKAMEN RASUL-RASUL 8:22

Do' iko uren ratnan terawému luk dat ineh idi sembayang pad Tuhan maré do' namu.

1 KORINTUS 4:5

Ngaceku ineh aleg muyuh ngukum idé-idé pana' kareb nateh karebneh, ieh ineh kareb nateh Tuhan macing. Ieh miak ngegala' anun-anun luk inapung bang dacem, idi Ieh ngelio amung-amung pinian niat lemulun. Anid-anid burur miak ngalap ubur ratnan Allah.

2 KORINTUS 11:2

Ui merapang ngaceku muyuh, dengan rapang luk ratnan Allah, ngaceku ui pangeh nenuduk nemuyuh dengan seburur deléi, ieh ineh Keristus mepad kudeng seburur anak luk pun mebaruh luk meligan.

EPESUS 6:18

Nganau' amung ineh dengan sembayang idi putuh. Megéi' sembayang dengan Roh. Ngaceku ineh, do' lutep idi aleg metalang niat. Megéi' sembayang kuan lun manu.

SEMUIL LUK PUN-PUN 16:5

Idi kebalaneh, “Do'. Lawéku ini pian maré baré kuan Tuhan. Ngeligan burur muyuh idi maya' negku.” Idi ieh nengeligan ni Isai idi amung anak deléineh. Idi ieh nenawar nedeh amé' su luk inan maré ineh.