AYUB 1:12 - BALA LUK DO'

¹² Kebala Tuhan inan Sétan, “Mo, amung binawehneh bang paladmu, iamo' aleg iko ngedereh ni Ayub.” Kareb ineh, idi Sétan neburo.

AYUB 1:12 Iomraidhean Croise

PUDUT 16:6

Idi kebala Abram, “Demulunmu ineh inan bang paladmu. Nganau' anun luk pianmu kuanneh.” Idi Sarai megateh neneh, pad Hagar neburo rat neneh.

RACA'-RACA' LUK PUN-PUN 22:22

Idi kebala ada' ineh, ‘Ui miak mangun ku ada' luk mebalih bang tang amung nabi Akab ineh.’ Idi Tuhan nepebala, ‘Amé' naluk nedeh. Luk bilamu miak mangun.’

RACA'-RACA' LUK PUN-PUN 22:23

“Idi nekini Tuhan pangeh nemaré ada' luk mebalih bang tang amung nabimu ini. Idi Tuhan pangeh nengeletep susa' kuanmu.”

INUL LUK KEDUEH 18:21

Idi kebala ada' ineh, ‘Ui miak mangun ku ada' luk mebalih bang tang amung nabi Akab ineh.’ Idi Tuhan nepebala, ‘Amé' naluk neneh. Luk bilamu miak mangun.’

AYUB 1:11

Iamo' kudeng Iko ngalap amung binawehneh, kali' rungen ieh ngediman Namu.”

AYUB 1:13

Idi bang aceh aco kareb anak Ayub nenganau' irau déi' ruma' kinanakdeh luk rayeh,

NANI UBUR 76:10

Useh lemulun pana' mangun ku ubur kuanMu; Iko ngalap kuanMu luk ketecan ratnan bunu' kai.

YESAYA 27:8

Ukum Tuhan kuan Israil, ieh ineh Ieh nemaré nedeh tebanen. Ieh nemalid nedeh ku bui luk dat rat pa busat aco.

YEREMIA 38:5

Idi kebala Raca' Sedekia, “Do', pad pian muyuh. Ui na miak mebpeng nemuyuh.”

LUKAS 12:23

Ngaceku ulun ineh meluun raga ratnan luk kenen, idi burur ineh meluun raga ratnan ayung.

YAHYA 19:11

Idi kebala Yésus neneh, “Iko na melalud pa luunKu, kudeng na biré namu ratnan Allah. Ngaceku ineh lemulun luk nemaré Negku kuanmu meluun rayeh sala'.”

1 KORINTUS 10:13

Anid-anid tutun luk pekalai inan lemulun mo' pangeh nacing nemuyuh. Iamo Allah ineh lutep maya' jani', idi na Ieh nima' nemuyuh tetunin meluun ratnan tueh muyuh, iamo' dengan tutun ineh Ieh sikal nganau' aceh dalan mepuit, pad muyuh miak tuman.

2 KORINTUS 12:7

Idi ngaceku bala luk linio ineh pelaba ula', pad ui na ngedita' bururku, idi pangeh biré kuanku aceh tabpa' luk nebpek bururku, ieh ineh aceh ét luk icuk Sétan, luk ngedereh negku, pad ui na ngedita' bururku.