AYUB 1:11 - BALA LUK DO'

¹¹ Iamo' kudeng Iko ngalap amung binawehneh, kali' rungen ieh ngediman Namu.”

AYUB 1:11 Iomraidhean Croise

PUDUT 26:11

Idi Abimelek nemebpeng nelun mula', kebalaneh, “Idé-idé luk ngesusa' lemulun ini dengan awanneh miak pitayen.”

AYUB 1:12

Kebala Tuhan inan Sétan, “Mo, amung binawehneh bang paladmu, iamo' aleg iko ngedereh ni Ayub.” Kareb ineh, idi Sétan neburo.

AYUB 1:21

Kebalaneh, “Ui tinganak lubpa idi miak maté lubpa teh. Tuhan nemaré luk amung-amung, idi nekini Ieh pangeh nengalap ineh. Do' ngadanNeh buren!”

AYUB 1:5

Kareb anid irau ineh pangeh, Ayub megéi' kulat muka pekak idi maré baré ku ngeligan anakneh. Ieh megéi' nganau' kudeng ineh. Ngaceku ieh ngerawé kian seburur rat arangdeh lek pangeh nenganau' sala' idi nenguyo Allah dengan na kali'.

AYUB 19:21

Muyuh ineh lun rurumku! Do' muyuh méi' negku! Allah pangeh nenecat negku.

AYUB 2:3

Kebala Tuhan, “Kali'mu demulunKu Ayub? Luun tana' ineh seburur pana' nateh luk lutep idi do' mepad kudeng ieh. Ieh sembayang Negku idi na pian nganau' luk dat. Iko luk nengubuk Negku, pad Ui nenima' namu ngedereh neneh, dengan na punneh, iamo' Ayub lutep idi do' niat macing nekini.”

AYUB 2:5

Iamo' kudeng Iko ngedereh bururneh sebuleng, ieh miak nguyo namu.”

AYUB 2:6

Idi kebala Tuhan inan Sétan, “Mo, Ayub ineh bang paladmu, iamo' aleg iko ngaté neneh.”

AYUB 2:7

Idi Sétan neburo rat pa kiung Tuhan, idi ieh nenganau' puruh luun aput burur Ayub.

AYUB 2:9

Idi kebala awan Ayub neneh, “Lutepké iko macing nekini teh? Ngudehké iko na nguyo Allah idi maté?”

AYUB 4:5

Iamo' nekini iko nekaneh susa', idi iko negagap pad iko na miak tuman.

NANI UBUR 105:15

“Aleg ngesusa' demulun luk pinili'Ku, idi aleg ngedereh nabi-nabiKu!”

YESAYA 5:25

Tuhan museh inan pupuNeh idi pangeh nenatang ticu'Neh sikal ngukum nedeh. Pegkung miak meruyuh, idi butung lun naté tacin luun dalan mepad kudeng arap. Sagan tu pana' kudeng ineh useh Tuhan na ugka' iamo' ticu'Neh uen natang sikal ngukum teh.

YESAYA 65:3

Dengan na migu' ideh megéi nganau' Negku museh. Ideh maré baré bang kabun su luk inandeh sembayang inan Allah baken, idi teh ngeseb umau luk do' buen luun bubpun allah ineh.

YESAYA 8:21

Lun mula' miak nalan-nalan bang bawang dengan melau idi mesusa' niat. Ngaceku lau idi usehdeh, ideh miak ngediman raca'deh idi Allahdeh. Ideh tengook idita',

SEKARIA 2:8

Idé-idé luk necat nemuyuh, ieh ineh luk necat luk meluun raga kuanKu.” Idi Tuhan luk Melalud nengecuk negku nated bala ini kuan pupu baken luk nengaro bawang pupuNeh, kebalaNeh.

BALA LUK LINIO 12:10

Idi ui neninger aceh arod déi' surga, luk pebala, “Nekini pangeh macing ulun, lalud, idi Imet Tuhan tau, idi lalud KeristusNeh; ngaceku luk ngadu' kinanak tau pangeh tila', ieh ineh luk ngadu' nedeh pa kiung Tuhan tau tebaco kedangan.

BALA LUK LINIO 16:11

idi ideh nenguyo Allah luk déi' surga ngaceku étdeh idi kimuhdeh ineh. Iamo' nateh ideh sikal uren ratnan kekamendeh ineh.

BALA LUK LINIO 16:21

idi udan batu netemurun rat bang langit nengeritep lemulun idi beratneh tudu' ngepulu' limeh kati. Idi lemulun ineh pana' nenguyo Allah ngaceku ratnan dereh udan batu ineh, ngaceku dereh ineh pelaba rayeh.

BALA LUK LINIO 16:9

Idi lemulun neseb ku pelaba lau', idi ideh nenguyo ngadan Allah luk melalud pa luun amung-amung dereh ineh. Iamo' nateh ideh sikal uren pad maré rayeh kuanNeh.