AYUB 1:10 - BALA LUK DO'

¹⁰ Iko pangeh nengelibung neneh idi tetek ruma'neh idi amung binawehneh pana'. Iko megéi' ngeperuan amung luk ruenneh, idi Iko nemaré neneh mula' sapi' aput bawang ineh.

AYUB 1:10 Iomraidhean Croise

PUDUT 15:1

Pangeh ineh, bala Tuhan nacing kuan Abram bang aceh luk sinierneh. “Aleg iko matot, Abram, ngaceku Ui luk utapmu. Idi rayeh tu tabparmu.”

PUDUT 26:12

Idi Isak nenganau' lati', idi bang lak ineh ieh nengalap meratu kua' kinula' luk inisakneh, ngaceku Tuhan nengeperuan neneh.

PUDUT 30:30

Ngaceku sesuut mo' luk iko kuan kareb nateh ui nacing, idi nekini ideh iuk amé' mula'. Idi Tuhan pangeh nengeperuan namu ngaceku ui. Nekini ui pian ngakem kuan tetek ruma'ku sebuleng?”

PUDUT 30:43

Idi Yakub iuk mula' binaweh, pad inan tuda'-tuda' riudan amék, dumba, unta, idi keladai, dengan mula' demulun teh.

PUDUT 39:5

Rat pad sineh Tuhan nengeperuan tetek ruma' lun Masir ineh ngaceku Yusup. Idi Tuhan nengeperuan amung-amung luk ieh kuan, do' luk bang ruma', idi do' luk déi' lati' pana'.

PUDUT 49:25

Allah tamanmu luk ngedengan namu, idi Allah luk Melalud luk sikal maré peruan kuanmu, dengan peruan udan luk rat déi' dita', idi peruan bued abpa' luk pa liang tana', idi peruan ratnan iti' idi nakan,

AYUB 1:3

Idi teh ieh inan 7,000 dumba, 3.000 unta, 1,000 sapi', idi 500 keladai. Idi teh ieh inan pelaba ula' demulun, idi ieh aceh lemulun luk lun do' arang amung-amung lemulun luk tudo déi' pa busat aco.

AYUB 29:2

Meluun do' ui mulun mepad kudeng ulunku luk mon kareb Allah nematar negku.

AYUB 29:6

Sapi' idi amék nemaré mula' rata, idi saitunku mulun bang tana' su luk mula' batu pana'.

AYUB 31:25

idi na ui medita' niat ku ui lun do'.

AYUB 42:12

Tuhan nengeperuan kekiped ulun Ayub meluun ratnan ulunneh luk atun. Ayub inan 14,000 dumba, 6,000 unta, 2,000 sapi', idi 1,000 keladai.

NANI UBUR 107:38

Ieh nengeperuan nedeh, pad ideh mula' anak, idi mula' aya' teh.

NANI UBUR 34:7

MelaikatNeh matar lemulun luk matot inan Tuhan, idi muit nedeh ratnan dereh.

NANI UBUR 5:12

Iko, O Tuhan ngeperuan lemulun luk maya' balaMu; éi'Mu matar nedeh mepad kudeng utap.

NANI UBUR 71:21

Iko megéi' ngedita' negku, idi ngubuk negku teh.

NANI UBUR 80:12

Ngudeh Iko nengusag ar luk libut lawa ineh? Idi nekini idé-idé luk lemaba ineh miak mano bua'neh.

NANI UBUR 90:17

O Tuhan Allah kai, do' peruanMu ngedengan nekai, idi maré peruan bang amung luk ruen kai.

BALE' 10:22

Peruan Tuhan ngacing do' nelun. Kekamen luk meberat na ngula' binawehneh.

YESAYA 5:2

Ieh nengukat tana' idi nenala' amung batu. Ieh nenibu anggur luk meluun do'. Ieh nemudut lepo luk medita' pad matar kabun ineh. Ieh nenganau' su luk inan ngeradu' bua' anggur ineh. Ieh nenginulat anggur ineh melak, iamo' amung bua' ineh melam.

YESAYA 5:5

“Ini luk ruenKu kuan kabun anggurKu. Ui mubput tibu luk pekelibut, idi ngusag ar luk ngelibung neneh, pad pung luk meliput miak kuman bua'neh idi ngeradu' neneh.

SEKARIA 2:5

Tuhan pangeh nepejani', idi Ieh sebuleng miak mangun ku alad apui libut-libut bawang ineh, pad Ieh ngelibung neneh, idi tudo su ineh dengan amung uburNeh.’ ”

SEKARIA 2:8

Idé-idé luk necat nemuyuh, ieh ineh luk necat luk meluun raga kuanKu.” Idi Tuhan luk Melalud nengecuk negku nated bala ini kuan pupu baken luk nengaro bawang pupuNeh, kebalaNeh.

BADA' RATNAN UKUM 33:11

O Tuhan, ngeperuan nedeh pad ideh metueh, idi ngamo amung kekamen ticu'deh. Ngelaya' bunu'deh, pad ideh na miak tumui peh.”

BADA' RATNAN UKUM 33:27

Rat mon Allah megéi' ngelibung namu, idi iang bururmu inan ticu' Tuhan luk meruked. Ieh nengusu bunu' rat pa kiung muyuh, kebalaNeh nemuyuh, ‘Ngaté nedeh.’

BADA' RATNAN UKUM 7:13

Idi Ieh mawa nemuyuh, idi Ieh ngeperuan nemuyuh idi ngula' nemuyuh, pad muyuh mula' anak. Idi Ieh nengeperuan ulu' tana' muyuh, pad muyuh inan petap padé, abpa' anggur, idi umau saitun pana'. Anak sapi' idi anak dumba muyuh pana' uenNeh ngeperuan. Amung peruan ini miak barénNeh bang bawang luk pangeh pijani'Neh kuan tepun muyuh.

1 PETRUS 1:5

Peruan ineh isa' dengan lalud Allah ngaceku anu, pad muyuh miak ngalap ulun luk inau' temina' idi luk miak uen ngegala' bang aco kekiped.

SEMUIL LUK PUN-PUN 25:16

Idi ideh mepad kudeng aceh libung luk meraben libut-libut kai, do' macang idi medacem idi seruked kai dengandeh, matar dumba kai.