AYUB 1:1 - BALA LUK DO'

¹ Inan aceh lemulun luk ngadan Ayub, luk tudo bang bawang Us. Ieh sembayang inan Allah idi lutep maya' Neneh. Ieh ineh aceh lemulun luk pelaba do', idi luk na pian nganau' anun-anun luk dat.

AYUB 1:1 Iomraidhean Croise

PUDUT 10:23

Idi inul Aram, ieh ineh pupu Us, Hul, Geter, idi Misek.

PUDUT 17:1

Kareb ulun Abram iwa' ngepulu' iwa' lak idi Tuhan nesilagan neneh, idi kebalaNeh, “Ui ini Allah luk Melalud. Idi do' iko maya' balaKu, idi nganau' luk matu.

PUDUT 22:12

Idi kebala Melaikat ineh, “Aleg iko ngaté anak ineh, idi aleg nganau' anun-anun kuanneh. Nekini Ui kali' iko matot inan Allah. Ngaceku sagan pana' ieh anak bulengmu, na iko ngibpeng neneh kuanKu.”

PUDUT 36:28

Idi Disan ineh tepun inul Us idi Aran.

PUDUT 42:18

Bang aco luk keteluh kebala Yusup nedeh, “Ui ini matot inan Allah, idi muyuh miak mulun kudeng muyuh nganau' kudeng ini:

PUDUT 6:9

Ini bala ratnan Noh. Ieh inan teluh anak, Sem, Ham, idi Yapet. Noh ineh selemulun luk matu idi mesiri niat arang lemulun bang kareb ineh. Idi ieh perurum dengan Allah.

RACA'-RACA' LUK KEDUEH 20:3

“O Tuhan, do' Iko ngerawé ratnan ui pangeh nenalan pa kiungMu dengan amung do' idi letep niatku. Idi pangeh ui nenganau' luk matu pa kiungMu.” Idi ieh pelaba tangi'.

INUL LUK PUN-PUN 1:17

Idi anak Sem ineh: Elam, Asur, Arpaksad, Lud, Aram, Us, Hul, Gitar, idi Misek. Idi anak inuldeh titen maya' ngadan tepundeh.

AYUB 1:8

Kebala Tuhan, “Kali'mu demulunKu Ayub? Luun tana' ineh, seburur pana' nateh luk lutep idi do' mepad kudeng ieh. Ieh sembayang Negku idi na pian nganau' luk dat.”

AYUB 2:3

Kebala Tuhan, “Kali'mu demulunKu Ayub? Luun tana' ineh seburur pana' nateh luk lutep idi do' mepad kudeng ieh. Ieh sembayang Negku idi na pian nganau' luk dat. Iko luk nengubuk Negku, pad Ui nenima' namu ngedereh neneh, dengan na punneh, iamo' Ayub lutep idi do' niat macing nekini.”

AYUB 28:28

Kebala Allah kuan lemulun, “Do' muyuh matot inan Tuhan pad muyuh mileh, idi teketed ratnan luk dat, pad muyuh do' kali'.”

AYUB 4:6

Iko nesembayang inan Allah, idi na iko nenganau' sala'. Petulu iko merapet.

AYUB 9:21

Ui na mesala', iamo' na mekudeh. Ui musam mulun. Na mekudeh; mesala' idi na mesala', Allah miak ngaté netau.

PURA' 18:21

Iamo' do' iko mili' tuda'-tuda' lun luk mileh mangun ku lun rayeh pa luun meribu burur, meratu burur, limeh ngepulu' burur, idi pulu' burur. Idi do' ideh lun luk matot inan Allah, idi luk inan merapet, ieh ineh lun luk na ngalap suap.

BALE' 14:16

Lemulun luk do' kali' buro ratnan luk dat, iamo' lemulun luk mebacé na ngerawé do'-do'.

BALE' 14:2

Kudeng iko matot inan Tuhan, iko maya' dalan luk mesiri, iamo' lemulun luk nganau' luk tekilu' na ngerawé Allah.

BALE' 16:17

Lemulun luk do' mili' dalan luk mado ratnan luk dat. Lemulun luk matar lawéneh nginita ulunneh.

BALE' 16:6

Do' iko méi' nelun idi lutep maya' jani', idi Allah maré do' ratnan sala' mu. Do' iko matot inan Tuhan, idi luk dat na miak macing namu.

BALE' 20:7

Samal kuan anak luk inan taman luk mesiri idi luk nganau' luk matu.

BALE' 3:7

Aleg ngedita' ilehmu sebuleng; iamo' do' matot inan Tuhan, idi na nganau' sala'.

BALE' 8:13

Lemulun luk matot inan Tuhan megateh inan luk dat. Ui megateh inan dita' niat idi sido' niat, dalan luk dat idi bala luk mebalih.

TIDO YEREMIA 4:21

O lun Edom idi lun Us, do' muyuh meriruh idi mawang niat nekini. Iamo' kareb susa' macing nemuyuh, kali' rungen muyuh migu' idi lubpa.

YEHISKIEL 14:14

Sagan tu pana' Noh, Danel, idi Ayub idi arangdeh, kekamendeh luk do' ineh miak ngulun burur diteluh sebuleng mo'.”. Tuhan Allah pangeh nepebala.

YEHISKIEL 14:20

sagan tu pana' Noh, Danel, idi Ayub tudo su ineh, Ui ini Tuhan Allah luk mulun pebala, diteluh na miak ngulun anak diteluh sebuleng pana'. Kekamen diteluh luk do' ineh miak ngulun burur diteluh sebuleng mo'.”

LUKAS 1:6

Idi didueh ineh lemulun luk matu pa kiung Allah, idi maya' amung-amung bala idi ukum Tuhan dengan na sala'.

BADA' RATNAN UKUM 18:13

Idi do' muyuh lutep inan Tuhan Allah muyuh dengan na perapid terawé.

YAKUB 5:11

Lemulun luk mulai niat ineh tau mala samal. Muyuh panegh neninger ratnan ulai niat Ayub, idi muyuh kali' kudeng apeh Tuhan nengasa' neneh kareb kekiped derehneh. Ngaceku Tuhan pelaba éi' idi mekatu.

1 PETRUS 3:11

Do' ieh umai ratnan luk dat idi nganau' luk do', do' ieh nakap pedo', idi nakap neneh do'-do'.