1 YAHYA 3:3 - BALA LUK DO'

³ Anid-anid lemulun luk merapet inan Keristus ineh, matar bururneh pad ieh meligan mepad kudeng Keristus pana' meligan.

1 YAHYA 3:3 Iomraidhean Croise

SEMUIL LUK KEDUEH 22:27

Iko ngegala' liganMu kuan lemulun luk meligan, iamo' gatehMu kuan lemulun luk tekilu'.

MATIUS 5:48

Do' muyuh meligan, mepad kudeng Taman muyuh luk bang surga ineh meligan teh.

LUKAS 6:36

Do' muyuh méi' nelun mepad kudeng Taman muyuh pana' méi nemuyuh.

YAHYA 17:19

Ui ngeligan bururKu ngaceku ideh, pad ideh pana' uen ngeligan bang luk matu.

KEKAMEN RASUL-RASUL 15:9

Idi Allah na mili' arang tau dengan lemulun ineh, idi Ieh nemaru' niatdeh ngaceku ideh manu.

SURAT LUK BIRE PAULUS KUAN LUN RUM 15:12

Idi kebala Yesaya teh, “Idi inul Isai ineh miak macing teh, idi Ieh miak uen ngikit pad ngimet lun pupu baken, idi ideh miak merapet Neneh.”

2 KORINTUS 7:1

Amung ini pangeh biré kuan tau, O lun rurumku. Ngaceku ineh do' tau ngeligan burur tau ratnan amung luk ngelutak burur idi niat, idi ngeriput ligan tau dengan matot inan Allah.

KOLOSE 1:5

Kareb Bala luk Do', ieh ineh bada' luk matu ineh nacing nemuyuh atun, muyuh neninger ratnan rapet luk barénneh. Anu idi awa muyuh tipin luun luk inan muyuh merapet ineh luk dinug kuan muyuh déi' surga.

2 TESALONIKA 2:16

Do' Tuhan tau Yésus Keristus sebuleng, idi Allah Taman tau, luk pangeh mawa netau idi nemaré ubuk luk meruked idi rapet luk do' ngaceku ratnan katuNeh,

TITUS 3:7

pad tau miak ruen matu ngaceku ratnan katuNeh, idi ngalap babpat ulun luk meruked luk inan tau merapet ineh.

IBERANI 12:14

Do' muyuh nakap pedo' dengan amung-amung lemulun idi nutun maya' ulun luk mleigan, ngaceku dengan na ligan ineh seburur pana' na miak nier Tuhan.

IBERANI 6:18

Ngaceku ineh, inan dueh punneh luk na misu', idi Allah na mebalih ratnan ineh. Idi tau luk paneh nengalap ulun bang Neneh, miak ngalap kuu', pad tau ngimet meraben rapet ineh luk pangeh rireng pa kiung tau.

IBERANI 7:26

Yésus ineh Imam Rayeh luk miak ngedengan netau. Ieh ineh meligan, idi na mesala'; Ieh pitad ratnan lemulun luk mesala', idi inau' medita' ratnan amung-amung langit.

YAKUB 4:8

Do' muneng inan Allah idi Ieh miak muneng nemuyuh. Maru' ticu' muyuh, O muyuh lun mesala'; idi ngeligan niat muyuh, O muyuh luk perapid niat.

1 PETRUS 1:15

Iamo' mepad kudeng Tuhan luk pangeh nenawar nemuyuh ineh meligan, kudeng ineh teh muyuh pana' do' meligan bang amung-amung ulun muyuh.

1 PETRUS 1:3

Do' tau ngubur Allah Taman Tuhan tau Yésus Keristus! Ngaceku éi'Neh luk pelaba rayeh, Ieh nemaré ulun luk mebaruh kuan tau, dengan nui Yésus Keristus ratnan até. Ngaceku ineh tau mepanu' ku rapet luk mulun.

2 PETRUS 1:4

Dengan dalan ineh Ieh pangeh nemaré amung baré luk pelaba do' idi luk meluun rayeh ineh luk pijani'Neh kuan tau, pad dengan baré ineh muyuh inan babpat bang ulun Tuhan, pad muit burur muyuh ratnan luk melu luk idi bang tana' ngaceku ratnan pinian burur.

2 PETRUS 3:14

Ngaceku ineh, O luk inanku mawa, laba' muyuh nganét amung-amung luk kudeng ini, do' muyuh mekél pad muyuh miak lapen dengan awang, dengan na melutak idi na mesala' pa kiung Tuhan.

1 YAHYA 2:6

Lemulun luk mala bururneh mulun bang Allah, do' ieh mulun mepad kudeng Keristus.

1 YAHYA 4:17

Dengan luk kudeng ineh awa ineh uen ngeriput bang netau, pad tau mekuu' kareb Aco Ngukum, ngaceku mepad kudeng Keristus, kudeng ineh teh tau bang tana' ini.