Biblia Todo Logo
Bìoball air-loidhne

- Sanasan -




1 YAHYA 2:3 - BALA LUK DO'

3 Kudeng tau maya' ukum-ukum Allah, tau kali' tau pangeh nengiti Neneh.

Faic an caibideil Dèan lethbhreac




1 YAHYA 2:3
26 Iomraidhean Croise  

Ui miak geregan maya' ukumMu, ngaceku Iko miak maré ileh luk meriput negku.


Kudeng ui ngerawé amung ukumMu, idi ui na miak migu'.


Pangeh derehNeh, Ieh ngalap awang teh pad Ieh kali' derehNeh ineh inan ulek. Ieh ineh DemulunKu luk matu, Ieh kumin kuan lun mula', pad ideh mangun ku pupuKu luk matu.


“Ngudehké muyuh nawar Negku, ‘Tuhan, Tuhan,’ iamo' na muyuh maya' luk bilaKu?


“Kudeng muyuh mawa Negku, do' maya' ukum-ukumKu.


Kudeng muyuh maya' ukum-ukumKu, kali' rungen muyuh miak lutep bang awaKu, mepad kudeng Ui pangeh nemaya' ukum-ukum TamanKu, idi nelutep bang awaNeh.


Muyuh ini lun rurumKu kudeng muyuh nganau' anun-anun luk dukenKu nemuyuh.


Ini ulun luk meruked, ieh ineh pad ideh miti Namu, Allah luk Sebuleng idi matu, idi Yésus Keristus luk Iko nengecuk ineh.


Allah luk pangeh nepebala, “Do' acang ineh merasat rat bang dacem,” Ieh ineh teh luk merasat bang niat kai, pad ngacang netau ku ileh ratnan rayeh Allah luk merasat nan kiung Yésus Keristus.


Kareb Ieh pangeh linigan, Ieh mangun ku lawa ulun luk meruked kuan amung lemulun luk maya' balaNeh,


O amung-amung taman, ui ngayud kuan muyuh ngaceku muyuh pangeh nengiti Neneh luk idi rat pun-pun. O amung-amung lun anak adi', ui ngayud kuan muyuh ngaceku muyuh pangeh nengelaya' Luk Dat ineh.


Tau kali' tau ini pangeh nepuit ratnan até amé' inan ulun, ngaceku tau mawa inan amung-amung kinanak. Idi lemulun luk na mawa lutep bang até.


Ratnan luk kudeng ineh tau kali' netau nesemuet bang luk matu, idi tau miak ngeletep niat tau pa kiung Tuhan.


Idé-idé luk mulun bang Keristus, na ieh megéi' nganau' sala', idi teh idé-idé luk megéi' nganau' sala', nateh ieh nekali' Keristus idi na ieh ngiti Neneh.


Ratnan luk kudeng ini tau kali' tau mulun bang Allah idi Allah pana' mulun bang netau, ngaceku Ieh pangeh nemaré RohNeh kuan tau.


O amung-amung luk inanku mawa, do' tau mawa seburur kuan seburur; ngaceku awa ineh ratnan Allah. Idé-idé luk inan awa, ieh ineh tinganak ratnan Allah idi ngiti Allah.


Tau kali' tau ini ratnan Allah, idi amung-amung tana' ini pa liang imet Luk Dat ineh.


Ratnan ini tau kali', idi tau mawa inan anak-anak Allah, ieh ineh kudeng tau mawa inan Allah idi maya ukum-ukumNeh.


Ngaceku ini awa inan Allah, ieh ineh maya' ukum-ukumNeh. Idi ukum-ukumNeh ineh baken meberat.


Idi galau ineh museh inan decur ineh, idi iné' pebunu' dengan inul decur ineh luk ketecan, ieh ineh amung-amung lemulun luk maya' ukum-ukum Allah idi luk lutep maya' bada' luk matu luk linio ratnan Yésus ineh.


Ngaceku ineh, na miak na pupu Allah tuman idi manu, ieh ineh lemulun luk lutep maya' ukum-ukum Allah idi lutep manu inan Yésus.


Samal kuan lemulun luk maru' kuyu'deh, pad ideh ngalap lalud amé' matun lawa ulun ineh, idi semuet bang bawang ineh maya' tanga'neh.


Lean sinn:

Sanasan


Sanasan