1 YAHYA 1:3 - BALA LUK DO'

³ Anun-anun luk pangeh sinier idi pindenger kai, kai mada' teh kuan muyuh, pad muyuh pana' miak perurum dengan kai; setuneh rurum kai ini inan pad-pad dengan Taman idi dengan Yésus Keristus, AnakNeh ineh.

1 YAHYA 1:3 Iomraidhean Croise

AYUB 13:1

Amung-amung luk belén muyuh, ui pangeh neninger atun. Ui kali' ilung amung ineh. Ui mepad ileh nemuyuh. Na ui meluun bacé rat nemuyuh.

NANI UBUR 2:7

Kebala raca', “Ui maré kali' luk bila Tuhan. Kebala Tuhan negku: ‘Iko anakKu. Aco sini Ui mangun ku TamanMu.

NANI UBUR 22:22

Ui miak mada' pupuku ratnan luk inau'Mu. Ui miak ngubur Namu bang tebubpundeh.

YESAYA 66:19

pad ideh kali' Ui ini luk ngukum nedeh. “Iamo' Ui miak ngulun sebuangdeh idi ngecuk nedeh amé' mada' amung pupu idi bawang luk mado luk nateh neninger ratnan ngadanKu, idi luk nateh nekali' rayeh idi laludKu: ieh ineh Spaniol, Libia, Lidia dengan lun luk mileh ngelatik ku binor, Tubal idi Grika. Ideh miak mada' ratnan rayehKu kuan pupu ini.

IAP 10:32

Idi kudeng iko amé' maya' nekai, anun-anun luk do' luk ruen Tuhan kuan kai kudeng ineh teh luk ruen kai kuanmu.”

YAHYA 17:11

Idi nekini Ui amé' Namu. Na Ui tudo bang tana' ini teh, iamo' ideh tudo bang tana' ini. O Ama' luk meligan! Ngasa' nedeh ku lalud ngadanMu luk biréMu Negku, pad ideh mangun ku sebuleng mepad kudeng Kiteh.

YAHYA 17:21

Ui mutuh pelé amungdeh mangun ku sebuleng mepad kudeng Iko bang Negku, O Ama', idi Ui pana' bang Namu, idi ideh pana' mangun ku sebuleng bang Nekiteh, pad uang tana' ini miak manu ratnan Iko luk nengecuk Negku.

YAHYA 17:25

O Ama' luk matu, tana' ini na miti Namu, iamo' Ui ini miti Namu, idi ideh pana' pangeh nekali' ratnan Iko luk nengecuk Negku.

YAHYA 17:3

Ini ulun luk meruked, ieh ineh pad ideh miti Namu, Allah luk Sebuleng idi matu, idi Yésus Keristus luk Iko nengecuk ineh.

YAHYA 19:35

Idi lemulun luk pangeh nenier ineh nemaré kali', pad muyuh miak manu. Luk nekali'neh ineh matu. Idi ieh kali' luk bilaneh ineh matu.)

KEKAMEN RASUL-RASUL 13:32

Idi kai ini nguit Bala luk Do' kuan muyuh, ieh ineh pejani' luk biré Allah kuan tepun tau,

KEKAMEN RASUL-RASUL 13:41

‘Siruh, muyuh luk situnga! Do' muyuh mawa idi maté! Ngaceku kekamen luk ruenKu bang kareb muyuh ini, luk na muyuh sikal manu, sagan pana' uen ngelio kuan muyuh.’ ”

KEKAMEN RASUL-RASUL 2:42

Idi ideh pana' lutep ninger bada' rasul-rasul idi ideh perurum seburur dengan seburur, pamung kuman, idi sembayang teh.

KEKAMEN RASUL-RASUL 20:27

Ngaceku na ui nengalum anun-anun, iamo' ui nemada' kuan muyuh amung-amung luk pian Allah.

KEKAMEN RASUL-RASUL 4:20

Ngaceku kai na miak ugka' mada' amung luk sinier kai idi luk pindenger kai teh.”

SURAT LUK BIRE PAULUS KUAN LUN RUM 15:27

Niatdeh sebuleng sigio pian nganau' ineh. Setuneh petulu ideh ngedengan kinanak-kinanak luk masi' ineh, ngaceku lun Yahudi pangeh nengacing peruan kuan lun pupu baken. Idi petulu lun pupu baken ineh ngasa' nelun Yahudi ineh dengan binawehdeh.

1 KORINTUS 1:30

Iamo' dengan peruan ratnan Allah, muyuh ini perurum dengan Keristus Yésus, luk pangeh mangun ku ileh kuan tau ratnan Allah. Ieh nganau' netau matu, idi ngeligan idi nguli' netau.

1 KORINTUS 1:9

Idi Allah ineh luk pangeh nenawar nemuyuh semuet bang rurum AnakNeh Yésus Keristus Tuhan tau, lutep maya' jani'.

1 KORINTUS 15:1

Idi nekini, O kinanak-kinanakku, ui pian ngelio kuan muyuh ratnan Bala luk Do' luk bida'ku atun. Muyuh pangeh nengalap ineh. Idi nekini anu muyuh mepicet ngaceku Bala luk Do' ineh.

EPESUS 3:6

Ini luk inalum ineh: dengan dalan Bala luk Do' ineh lun pupu baken ngalap babpat perian Allah pad-pad dengan lun Yahudi. Ideh mangun ku babpat sebuleng burur, idi ngalap babpat bang jani' Allah luk pijani'Neh bang Keristus Yésus.

PILIPI 1:7

Ui megéi' ngerawé nemuyuh, idi petulu ui inan terawé luk kudeng ineh ratnan muyuh. Ngaceku amung muyuh ngalap babpat pad-pad denganku, do' kareb ui kiling idi teh kareb ui mepuit, pad ui miak ngeletep idi ngasa' Bala luk Do' ineh.

PILIPI 2:1

Inanké ulun muyuh bang Keristus ngetueh nemuyuh? Inanké awaNeh ngubuk nemuyuh? Inanké rurum muyuh dengan Roh? Inanké muyuh mawa idi méi' seburur dengan seburur?

PILIPI 3:10

Luk pianku, ieh ineh ngiti Neneh idi kali' lalud tuiNeh ineh idi rurum bang derehNeh ineh, idi mangun mepad denganNeh bang atéNeh,

KOLOSE 1:13

Ieh nemuit netau ratnan lalud dacem idi nemubuh netau amé' bang imet Anak luk inanNeh mawa.

1 TESALONIKA 1:10

idi nganét acing AnakNeh luk rat surga, luk pangeh tinui rat arang lun naté, ieh ineh Yésus luk nemuit netau ratnan useh luk miak macing teh.

1 TIMOTIUS 6:2

Demulun luk inan lun rayeh luk manu, aleg ngebeneh nedeh, ngaceku ideh ineh kinanakdeh. Iamo' do' ideh meluun kél ngasa' nedeh, ngaceku lemulun luk uendeh ngasa' ineh lun manu luk inandeh mawa. Kudeng ineh teh iko mada' idi ngecuk.

IBERANI 2:12

kebalaNeh, “ui sikal mada' ngadanMu, O Allah, kuan kinanak-kinanakKu; Idi arang sidang Ui miak ngubur Namu.”

IBERANI 3:1

O kinanak-kinanakku luk meligan, luk pad-pad ngalap babpat bang tawar luk rat surga, do' muyuh ngerawé Rasul idi Imam Rayeh luk pangeh imo tau, ieh ineh Yésus.

IBERANI 3:14

Ngaceku tau pangeh nengalap babpat bang Keristus kudeng tau ngimet meraben rapet luk pun-pun ineh pad macing kekipedneh.

1 PETRUS 5:1

Idi kuan amung lun rayeh sidang luk arang muyuh, ini aceh bada'ku, ngaceku ui pana' seburur lun rayeh teh, idi ui mangun ku lun luk nekali' ratnan dereh Keristus, idi teh ui miak ngalap babpat rayeh luk miak uen ngegala'.

2 PETRUS 1:16

Na kai nemaya' dalan ago luk mebalih, kareb kai ngegala' kuan muyuh ratnan lalud idi acing Tuhan tau Yésus Keristus, iamo' kai sebuleng pangeh nenier rayehNeh.

1 YAHYA 1:1

Kai ngayud ratnan Bala Ulun luk idi rat pun-pun, luk pangeh pindenger kai, luk pangeh sinier dengan mateh kai, luk pangeh tinutong kai, idi luk kikem dengan ticu' kai.

1 YAHYA 1:5

Idi ini bada' AnakNeh luk pangeh pindenger kai rat Neneh, idi mada' kuan muyuh teh: idi Allah, Ieh ineh acang idi na tu-tu inan dacem bang Neneh.

1 YAHYA 1:7

Iamo' kudeng tau mulun bang acang, mepad kudeng Ieh pana' bang acang, idi tau perurum seburur dengan seburur, idi dara' Yésus, AnakNeh ineh, maru' netau ratnan amung-amung sala'.