1 YAHYA 1:2 - BALA LUK DO'

² Kareb ulun ineh pangeh ginala', kai nenier neneh, idi maré kali' idi mada' kuan muyuh ulun luk meruked, luk idi pad-pad dengan Taman idi luk pangeh ginala' kuan kai.

1 YAHYA 1:2 Iomraidhean Croise

YAHYA 1:18

Seburur pana' nateh luk nenier Allah iamo' Anak buleng ineh luk idi dengan Allah, idi luk tudo iring Taman, Ieh luk pangeh nengegala' Neneh.

YAHYA 1:4

Bala ineh lawa ulun idi ulun ineh nengacing acang kuan lemulun.

YAHYA 10:28

Ui maré kuandeh ulun luk meruked, idi na tu dumba-dumba ineh miak maté ruked-ruked peh, idi seburur pana' na miak ngaro nedeh rat bang paladKu.

YAHYA 14:6

Keburi' Yésus neneh, “Ui ini dalan idi Luk Matu idi Ulun. Seburur pana' na macing inan Taman, kudeng na ratnan Negku.

YAHYA 15:27

Muyuh pana' miak mangun ku lun nekali' Negku, ngaceku muyuh tudo denganKu rat pun-pun.

YAHYA 16:28

Ui nacing ratnan Taman, idi nesemuet bang tana' ini; iamo' nekini Ui sikal necan tana' ini teh idi amé' inan Taman.”

YAHYA 17:3

Ini ulun luk meruked, ieh ineh pad ideh miti Namu, Allah luk Sebuleng idi matu, idi Yésus Keristus luk Iko nengecuk ineh.

YAHYA 17:5

Idi nekini, O Ama', ngerayeh Negku pa kiungMu sebuleng dengan rayeh luk Ui nekali' pa kiungMu kareb nateh tana' ini pinudut.

YAHYA 19:35

Idi lemulun luk pangeh nenier ineh nemaré kali', pad muyuh miak manu. Luk nekali'neh ineh matu. Idi ieh kali' luk bilaneh ineh matu.)

YAHYA 21:14

Idi ineh luk keteluh kua'neh Yésus nengegala' bururNeh kuan anak-anak sekola'Neh muci ratnan Ieh netumui rat arang lun naté.

YAHYA 3:13

Seburur pana' nateh numak surga, baken ratnan Anak-Lemulun luk pangeh netemurun rat surga.”

YAHYA 7:29

Ui miti Neneh, ngaceku Ui nacing rat Neneh, idi Ieh luk nengecuk Negku.”

YAHYA 8:38

Ui pebala ratnan luk bida' TamanKu Negku, iamo' muyuh pana' nganau' luk bida' taman muyuh nemuyuh.”

KEKAMEN RASUL-RASUL 10:41

baken kuan amung lemulun, iamo' kuan kai luk pinili' Allah mangun ku lun nekali' Neneh. Kai ini pangeh nekuman idi nengirup denganNeh muci ratnan Ieh tinui Allah rat arang lun naté.

KEKAMEN RASUL-RASUL 2:32

Idi Yésus ini luk tinui Allah ratnan até, idi amung tau mangun ku lun nekali' Neneh.

KEKAMEN RASUL-RASUL 3:15

Idi muyuh nengaté Lawa Ulun, iamo' Allah nenui Neneh rat arang lun naté, idi kai mangun ku lun nekali' ratnan amung ineh.

KEKAMEN RASUL-RASUL 5:32

Kai ini lun nekali' ratnan amung-amung kekamen ini, idi kudeng ineh teh Roh Meligan luk biré Allah kuan amung-amung lemulun luk maya' Neneh.”

SURAT LUK BIRE PAULUS KUAN LUN RUM 8:3

Ukum ineh na miak ngagka' sala', ngaceku pinian burur lemulun luk melaya', iamo' Allah pangeh nengecuk AnakNeh sebuleng dengan ayu lemulun luk mesala' mangun ku baré ngaceku sala' ineh, pad ngukum sala' bang pinian burur.

GALATIA 4:4

Iamo' pangeh karebneh meriput Allah nengecuk AnakNeh luk tinganak ratnan seburur decur idi luk inau' mebeneh pa liang Ukum lun Yahudi,

1 TIMOTIUS 3:16

Idi rayehneh luk inalum ineh ratnan baya' tau na miak belén. Ieh pangeh linigan bang burur lemulun, idi inau' matu ratnan Roh, idi ginala' kuan melaikat-melaikat. Ieh bida' arang amung-amung pupu, idi inan merapet bang tana', idi inuit umak dengan rayeh.

2 TIMOTIUS 1:10

Iamo' nekini katu ineh pangeh ginala' kuan tau dengan acing Lun Nengulun netau, ieh ineh Keristus Yésus luk pangeh nengelaya' lalud até idi luk nengegala' ulun, idi dengan Bala luk Do', Ieh pangeh nengegala' ulun lu meruked.

TITUS 1:2

luk tipin luun rapet tau ku ulun luk meruked, luk pangeh pijani' Allah luk na miak mebalih, atun ratnan amung-amung kareb luk meruked.

1 PETRUS 5:1

Idi kuan amung lun rayeh sidang luk arang muyuh, ini aceh bada'ku, ngaceku ui pana' seburur lun rayeh teh, idi ui mangun ku lun luk nekali' ratnan dereh Keristus, idi teh ui miak ngalap babpat rayeh luk miak uen ngegala'.

1 YAHYA 1:1

Kai ngayud ratnan Bala Ulun luk idi rat pun-pun, luk pangeh pindenger kai, luk pangeh sinier dengan mateh kai, luk pangeh tinutong kai, idi luk kikem dengan ticu' kai.

1 YAHYA 2:25

Idi luk pijani' Keristus kuan tau, ieh ineh ulun luk meruked.

1 YAHYA 3:5

Muyuh kali' Keristus ineh pangeh ginala' pad Ieh ngiu' amung-amung sala' idi bang Neneh ineh na luk idi sala'.

1 YAHYA 3:8

Lemulun luk megéi' nganau' sala', ieh nacing ratnan Iblis, ngaceku Iblis ineh nganau' sala' rat pun-pun. Ini punneh Anak Allah pangeh ginala', pad Ieh miak ngusag amung-amung kekamen Iblis ineh.

1 YAHYA 4:14

Kai pangeh nenier, idi maré kali', ratnan Taman ineh pangeh nengecuk AnakNeh mangun ku Lun Nengulun tana' ini.

1 YAHYA 4:2

Kudeng ini lawéneh muyuh miak ngiti Roh Allah: idé-idé luk ngamo Yésus Keristus nacing mepad kudeng lemulun, ieh ineh ratnan Allah;

1 YAHYA 5:11

Idi ini luk nekali' luk pangeh bida'Neh: Allah pangeh nemaré ulun luk meruked kuan tau, idi ulun ineh bang Anakneh.

1 YAHYA 5:13

Ui nengayud ini kuan muyuh pad muyuh kali' idi muyuh pangeh nengalap ulun luk meruked, ieh ineh muyuh luk pangeh manu ku ngadan Anak Allah.

1 YAHYA 5:20

Tau kali' Anak Allah pangeh nacing idi pangeh nemaré ileh kuan tau pad tau miak ngiti Allah luk matu; idi tau ini idi bang Allah luk matu, ieh ineh bang AnakNeh, Yésus Keristus. Idi Ieh ineh Allah luk matu, idi ieh ineh ulun luk meruked.