Luke 9:41 - BAṈARA KO VAIRU AMA LEVELEVEO

⁴¹ Ni vo Jisu ta o vati tiorikake vo, ni eri kiolake, “Mea maba poso komia taku kalea mela ta puliama oqu samela ni sarusarua mela. Noi tinia tu keu nio a elou mekasi? Aṉata aqai aquria meko bulo ko zokele sole!” So sole vota eri kiolake voa maba kasi, “Vati kua ṉovo meqora koi,” kiolake.

Luke 9:41 Iomraidhean Croise

Matiu 11:28

Kuemo mea kiada mela aṉa kasi, meme jairokani mela meko boriko meko duki ama bouro poso, tu aṉata a qatimelo ko mamazo.

Matiu 12:39

Melai vota o mati tiorikake ni eri ma kiolake se, “Mea maba poso mela komia taku kalea mela ta me baseka kama aqasiele ama iruruputo, melai meta ruqea mela ni pui meqa zariani mela vai nianiio vo Baṉara! Omadeu pado aqasiele ama iruruputo ko kiada ikio me qelou, koa omadeuma vo poropita Jona kova ereima jari lulavo.

Matiu 12:45

Ni so keru koko vaita keru kota ko mati ola mata kama sikeura ziolo se kekai paloasani koko ruqe, ni seta ke ola ni ke eva voa maba tona. Ni koa taku voa maba ko saevo ta matu ruqe kota eva kokai paloasa kuleto ama taku o evevo. So jari pado inio mea ruqe ama maba madu mela komia taku kalea mela. Meko saevo ta ruqe kokai paloasa meko lulama saevo,” kiolake.

Matiu 16:4

Mea maba poso komia taku kalea mela ta me baseka kama aqasiele ama iruruputo, melai meta ruqea mela ni pui meqa zariani mela vai nianiio vo Baṉara! Omadeu pado aqasiele ama iruruputo ko kiada ikio me qelou, koa omadeuma vo poropita Jona kova ereima jari lulavo,” ma kiolake. Nio sai nio vota o vaemake se.

Matiu 17:17

Nio Jisu ta eri kiolake, “Mea maba poso komia taku kalea mela ta puliama oqu samela ni sarusarua mela. Noi tinia tu keu nio aṉata a elou mekasi? Aṉata aqai aquria meko bulo ko zokele sole! Vati kuemo voa rusu aṉa kasi!”

Matiu 23:36

Tuvevo avole aṉata a bazuemela me, mea erisaṉama maba poso mela inio meda ka kovou koko tokaka, se lulavo ke vouvaemeni ko,” kiolake vo Jisu.

Matiu 3:7

Nio so keru vo Jone o meve keru matu kubo Parese madu ni se Sadiusi madu seke kuevini vokasi bapitaiso elole, sai nio vota eri ma kiolake, “Meta dole jaria ruqea mela! Noi sole inio meta eri kimela, ‘Eṉeta bapitaiso ṉe elou inio eṉeta ṉeda ka lapasou koa koqotato vo Baṉara o soroeko ama,’ kimela?

Maka 10:14

Ni so keru vo Jisu o kati inota keru ko quli vota omai korakoraivake ni eri kiolake voko disaipeli madu kasi, “Meta pui kaitimo se meqora poso tu ke kilo aṉa kasi, ako se maba poso nia sasa rusu jari ke kalo amu nio ke ṉeamukou vo Baṉara ko lekasa puo kale ama mauruto sole.

Maka 10:49

Nio vo Jisu ta o dokolake ni eri kiolake, “Nokaevomo vo.” So sole seta ke nokaevake voa leqa kala maba ni eri kikelake, “Zolei tu zolai ako vota o nokaeṉa sole,” kikelake.

Maka 9:19

Nio Jisu ta eri kiolake, “Mea maba poso mela komia taku kalea mela ta puliama oqu samela. Noi tinia tu keu nio aṉata a elou mekasi? Aṉata aqai aquria meko bulo ko zokele sole! Vati kuemo voa rusu aṉa kasi!” kiolake.

Luke 8:25

Ni vota eri ma kiolake sea disaipeli madu, “Noi nio meta puliama oqu samela?” ma kiolake. Ni seta keta vuzeike ni keta ṉake, nio eri kikelake ke ṉavio kude, “Lala inio nea maba? Ako ururu ni ololobagea melai o riqaekani ni ko zorivani!” kikelake.

Luke 9:40

Nio aṉata a basema ṉoko disaipeli madu tu keta va ṉamuko kiala melai seta pui ke rovea,” kiolake.

Luke 9:42

Ni so keru voa rusu o kueva keru vo Jisu kasi inio koa ziolo ta ko pivake vo miduku kale ni kota ko matu niuqeniuqelivake. Nio Jisu ta o riqaekake koa ziolo, ni o urikivake voa rusu, ni vota o kativake vovo mama.

Jone 14:9

Nio Jisu ta o vati tiorikake vo, “Lula rosi ama taku a eva mea kiada mela kasi, melai ṉota pui nio ṉolai nianiia, kio, Pilipi? Ako vo lula o leani aṉa ta lula o veani vo Mama. Noi sole inio ṉota ‘Ṉela kaseva vo Mama’ kiṉola?

Jone 20:27

Sai nio vota eri kiolake Tomasi kasi, “Tomasi, ṉota kua tu kea aṉako omuqa ṉase, ni sukueka ṉoko seseu koi, ni rauqaze ni ika ṉoko ṉase aṉako ropa kale. Epeze niuniala elo, melai ṉota tuvevo pute!” kiolake.

Iruruputo 13:18

Seta meomeo kamu melai vota pui o aquriake mati vailo se ariku toni sabere lealea kama zaekale.

Iruruputo 2:40

Ni Pita ta o balauvimake se komi kale ni mata kubo voko piza kama pesio kale, ni eri ma kiolake, “Meta pakiemo koa koqotato kasi azo vo Baṉara o soroeko ama se erisaṉama ruqe ama maba poso kasi se kevai keduini sevo Pakio!” ma kiolake.

Romu 2:4

Ṉo ṉoqai keduani ṉa voko matuma roquano, ni kaitizio, ni inobe, ta tuvevo avole ṉota pui ṉoqai nianiia vo Baṉara ko roqueṉo ṉo ta vota obe madoe odieṉo ṉo tu o liliṉo, kio?

Hiburu 3:19

So sole animeta me vakakuma ta seta pui kepa roveovi amaqeo koa zaekale, ako seta pui kepa tuvevo pueke vo Baṉara kiovevo sole.

Hiburu 4:11

So sole animeta me matu madoekou tu me qovo koa pakio ko mamazo, tu puliala ta se kekai evevoa kabao okai elou ko, ako seta ke bikobikoirate sole.

Hiburu 4:2

Ako animeta lula me viqa ko Uri ama Bazu, lulavo kemai bazuekema jari ama. Seta ke viqe koa bazu, melai kota pui kopa tauveme se, ako so keru seke viqe keru ko, ta pui kepa ṉeamuke ni pui kepa kai oqui sole.

Hiburu 7:25

Sokale inio vota pizato sala koko pakiemako kiada keru se maba madu seke kuevani Baṉara ko kuleto vokale kude, ako vota noqola tu o mati petao se vo Baṉara kasi.