Luke 8:18 - BAṈARA KO VAIRU AMA LEVELEVEO

¹⁸ “So sole meta kati vailomo ko meme viqako quli, ako vo lula o koani koa nianiio ta vo Baṉara ta o kativou mata kama, melai vo puliama sala ta vo Baṉara ta ota va parakikou koa silo pala nianiio ka kiolake kobe evako vo tona,” kiolake.

Luke 8:18 Iomraidhean Croise

Matiu 13:12

Ako voa maba vo lula o koani koa nianiio ta vo Baṉara ta o kativou mata kama, melai vo puliama sala ta vo Baṉara ta ota va parakikou koa silo pala nianiio kobe evako vo tona.

Matiu 25:29

Ako vo uria kai iruruputo o evani vo o koako ta vovo lekasa ta mata o kativou vo mata kama, tu kota kubo kova elo. Melai vovo lekasa ta ota va kovou vo pui okai uria iruruputani voko puaro koa silo pala melai.

Maka 13:14

Ni Jisu ta mata eri kiolake sekasi, “Meta me qelou ṉaloṉalo ama kapakapato ko quli ko ke lojoeko ama Jelepade Tabu ama Zaekale, sai pui ko maleakoi.” (Ni meme diromikoa mela komia pesipesi ta uria paqumukomo ko kikolani.) “Ni me Jiudia rana mu mela me qelou keru koa kapakapato ko quli meta me joqoilou sopu poso kale.

Luke 19:26

Ni vota eri kiolake, ‘Aṉata a bazuemela me, vo uria kai iruruputo o evani vo o koako ta vovo lekasa ta mata o kativou vo mata kama, tu kota kubo kova elo. Melai vovo lekasa ta ota va kovou vo pui okai uria iruruputani voko puaro koa silo pala melai.

Luke 9:44

“Meta pui ukaka me ikou ko quli aṉa a melai bazueko ama quli me! Eri nio: aṉa maba a eveni lala ta ke vaelou se ruqe ama maba poso ko ṉase topi,” kiolake.

Jone 15:2

Nio vota o kobueka ni o ṉamuka kiadama kata poso ko pui ko epamatako aṉa kasi azo, ni vota o puputika kiadama kata poso koko epamatako tu kota tova ko matu velokou.

Iruruputo 10:33

So sole aṉata a joroemala se ṉokasi maba koa taku kale, ni matu uri ṉota ṉo rovela kilo. Nio erisaṉa ta eṉea kiada ṉela ta ṉebeta eva koi vo Baṉara ko tanama kale ṉebe tareka tu ṉe viqo ko quli vo lula oṉai bazuekako ṉo tu ṉo ṉelai bazuekou eṉe,” kiolake.

Iruruputo 17:11

Ni saizama maba poso ta uri ama kerukeru samu pui se Tesalonaika mu jaria ruqe amu. So inio seta ke matu uria didiekake ko bazubazu, ni kiadama ṉaniu seta ke tiromikake ko Tabu ama Riki tu keta ka kelo vo Paula ni Sailasi kiqolani koko tuveano kikelake sole.

Romu 12:3

Ako vo Baṉara ko roquano sama puaro vo o katilako aṉa kale ta eri kiala mea kiada mela kasi: Meta pui aikailo me ṉavi melai meta zarazaraimo meko kerukeru kale, vo Baṉara o katimelako oqu ko malezikako kale.

1 Koriniti 14:37

Kala ta o kerukerutou ta vota Baṉara ko bazu o koani nio ma Tabu ala Auvana sala kiovo ala, ta o paqumuko koa kiadama aṉako riki ta vo Lekasa Jisu ko bazu ikio ko kio.

1 Koriniti 3:18

Puliala maba ta opa lipailou o ṉavi. Kala me azo voko kerukeru kale ta nianiiola komia ruqe ama peuru ma peuru kale ama nianiio kale kiovou, uri tu vota sidopu o elou, komia ruqe ama peuru ma peuru kale amu sarube ka kikelako sidopu. So inio vota tuvevo avole nianiiola ota elou vo Baṉara ko kelokelozato kale.

1 Koriniti 8:2

Ni kala maba ta vo inio vo matu nianiiola kiovo ala voko kerukeru kale, vota pui nio okai baroa koa nianiio koko male tu kai nianiio.

Pilipai 3:4

Ni aṉata soa kerukerueko aṉako tupu kale ama saevo a elou, ta aṉata maba pulia quli lala inio. Ni kala ta eri kiovou, “Aṉata koko kalo sate inio a qerukerutani ta Baṉara ta sidopu la kiola aṉako tupu kale ama saevo kale avo,” kiovou, ta vota okai nianiiovou ta aṉa inio matuma kalo salala tu soa kerukerueko a elo a ṉaviko saevo.

Hiburu 2:1

Sokale avo inio animeta me uria didieko ni varoko ko tuvevo ama quli ko lula anime me viqako vo Baṉara vo Meqora kale avo, tu animeta pui me epeilou.