Luke 7:8 - BAṈARA KO VAIRU AMA LEVELEVEO

⁸ Ako aṉa inio se raura kamu ko zara lala sole, ni sea solodia madu ta aṉako zara kamu. Nio aṉata a bazueva kala, ‘Ola!’ va kiala, ni vota o ola. Mata aṉata a bazueva kala, ‘Kua!’ va kiala, ni vota o kueva. Ni aṉata a bazueva aṉavo nabulu, ‘Ereka komi!’ va kiala, ni vota o ereka ko. Sole ṉoko pesio melai soa pizato kota elou,” kiolake.

Luke 7:8 Iomraidhean Croise

Luke 7:7

Ni aṉa melai pui a male tu a qilo ṉokasi, melai pesio kale pala ṉo qasekou koa mauruto ni aṉavo nabulu ta o urikou.

Luke 7:9

Nio Jisu ta ota vuzeike so keru vo ota va viqa keru koa pesio, so sole vota o vabaliake, ni eri kiolake koa matu vaki kasi, se vo ke lulueveni, “Aṉata a bazuemela me, komi jari ama oqu sala maba ta puliakoi aba veve, se Izireli amu kasi melai pui aba keve soama oqu!” kiolake.

Iruruputo 23:17

Nio Paula ta o nokaevake kala pado se sirula poso kale ala, ni eri kiolake vokasi, “Vati ola nea vairu ala maba se solodia madu vo kuleto ala kasi, vota oka zaria tu ovai bazueko vo kama quli sole,” kiolake.

Iruruputo 23:23

Nio vo solodia madu vo kuleto ala ta o nokaekake omuqa voko sirula kidi ni eri ka kiolake, “Qeta inainaemoko omuqa paizana solodia madu tu ke zio Sizaria peuru kale, sikeura toni solodia hose topi ke zazuani sate, ni omuqa paizana sopere ke borikani sate, tu ke vaekou koi oduadu ipu kale siakava koloko kale.

Iruruputo 23:26

“Aṉa Kolodiasi Laisiasi lala taṉa paṉao kale ṉoa Qavuna Filekisi ṉa. Matu uri aṉata a rovea rikieko komia leta ṉokasi.

Iruruputo 23:31

Nio sea solodia madu ta ke luluekake seko soru sama bazu. Ni koa ipu kale seta ke odievake vo Paula ni ke vati olake Anitipatirasi peuru kale.

Iruruputo 24:23

Ni vota o bazuevake kala pado sirula tu vota o vati uria vailo vo Paula, melai vota oma zarievou tu voko baerebaere poso ta ke kilo vokasi tu seta ke kativo vo oka zariovo ama quli.

Iruruputo 25:26

Melai aṉata pui aqai nianiia aṉa a rikieko ama quli koa voko tavai bazuto ko leta kale. So inio aṉata lula a vati kuela koi meko tanama kale—ni matuma quli ta ṉoa Aikovakova Aqiripa ṉa ko tanama kale! — nio so keru aṉa aqai nianiiovou keru voko vai kuiriziako quli, nio aṉata ada va rikiekou ko quli.

Kolosi 3:22

Ni me mabaku poso mela, meta zorimomo meko miduku kale ama lekasa poso kiadama quli kale, erekomo ko, pui so keru seke melati vaila keru me pala, omadeuvo sea maba poso se kekai zariani tu seko lekasa poso ta ke melo jari, tu seta ke rauraemo. Melai meta erekomo koa koidi meko pado ama bulo sate kiada keru, ako meta me rauraeva mevo Lekasa Jisu sole.