Luke 7:16 - BAṈARA KO VAIRU AMA LEVELEVEO

¹⁶ Ni sea kiadamu ta keta matu ṉake, ni seta ke rauraevake vo Baṉara ni eri kikelake, “Matula poropita ta o purata anime kasi!” kikelake, ni mata “Baṉara ta lula o kueva tu o pakiemo voko maba poso!” kikelake.

Luke 7:16 Iomraidhean Croise

Matiu 15:31

Nio sea maba poso ta keta vuzeike so keru ke mea keru se poka kamu ta keta pesiake ni se raiqo amu ta keta urikake ni se lepu amu ta keta taliake ni se leqa kamu ta keta keazakeazatake sole, ni seta ke ilusivake vo Izireli mu vo Baṉara.

Matiu 21:11

Nio sea vaki seke kuevini Jisu sase ta eri kikelake, “Nei ta poropita Jisu inio Nazareti peuru Qalili tanala,” kikelake.

Matiu 28:8

So sole nioqata taukavole qo vaekake koa kea ṉalole melai mata qota zoleike, tu qopa bazuemo sea disaipeli madu.

Matiu 9:8

Nio so keru sea maba poso ke kea keru ko quli ko ereivako quli, seta keta ṉake ni ke ilusivake vo Baṉara voko kativo kale ko urikato ni akoekato ko pizato ke ṉavi jari ala va kikelani.

Luke 1:65

Nio kiadama nioqako sipole ke evani ta keta matu ṉake, ni ko quli poso ko bazu ta ko aerake Jiudia ma sopu kale ama peuru poso kale.

Luke 1:68

“Animeta me ilusivo vo Baṉara, se Izireli amu vo Lekasa! Ako vota o kueva tu o tauvemo voko maba poso ni vota o rupasimo se.

Luke 19:44

Ni seta ke biresukou meko lado otu ni ke ruvurimelou me, ni pulia quli ta kopa elou sai meko peuru ko evakoi, ako meta pui me nianiieka komia taku so keru vo Baṉara oka zaria keru pakiemelo me sole,” kiolake.

Luke 2:20

Ni se sipi ke kati vailani ta keta vaitake ke sipi poso kasi, ni kera kale ke ilusivake vo Baṉara kiadama quli seke viqema ni ke kevema quli kale avo, vo mateana omai bazuekema quli.

Luke 24:19

Nio Jisu ta o kati tiorikake nioqa ni eri kiolake, “Loma quli kio ko ereilama?” kiolake. Nio nioqata qo vati tiorikake vo ni eri kiqolake, “Vo Nazareti ala Jisu kasi ko ereilama quli. Voa maba ta kala poropita ni voko piza kama rukuruku kale ni voko aqasiele ama iruruputo kale ta kasa ko eve ta vota Baṉara o roveani kerukeruevo ni kiadama maba poso melai kevai zoleivani.

Luke 5:26

Nio sea kiadamu ta keta matu vuzeike. Ni keta matu ṉake, ni seta ke ilusivake vo Baṉara ni eri kikelake, “Matu aqasiele ama quli me qealama vairutu!” kikelake.

Luke 5:8

Nio so keru Saimone Pita o kea keru ko quli ko ereima, vota o iqeiqeake Jisu ko kuleto ni eri kiolake, “Ola aṉa kasi azo Lekasa! Aṉata sarueko salala sole,” kiolake.

Luke 7:15

Nio voa voula maba ta ota saevake, ni ota papuake ni ota pesiake, ni Jisu ta o vati vaitake vo o niania kasi.

Luke 7:39

Ni so keru voa Parese o kea keru koa iruruputo inio vota eri kiolake voko kerukeru kale, “Nea maba ta tuvevo ala poropita tea, vota okai nianiio nio komia reko koko tibaevako vo, ni ota kai nianiio nio koko matu ruqe ama ni sarueko sama saevo koko elo kale!” kiolake.

Luke 8:37

Nio kiadama maba poso koa Qerasa zaekale ke evani ta ke pasevake vo Jisu tu vota o vaemo se, ako sea kiadamu saizamu ta keta ṉake sole. So sole vota ota zazuke kala koaka topi tu o vaemo se.

Luke 9:19

Ni seta eri kikelake, “Kake ta Jone Bapitaiso ṉa ṉa kikela. Mata kake ta Ilaija ṉa ṉa kikela. Ni mata kake ta mata kala lulala poropita ta mata ota tova saeva voukale azo inio ṉa kikela,” vati kikelake.

Jone 1:21

“Kio, sole lala ṉa inio ko ṉo? Ilaija ṉa inio ko ṉo kio?” va kikelake. “Pui, aṉata pui vo lala,” kiolake vo Jone. “Ṉo inio vo ṉe darevani Poropita ṉa kio?” va kikelake. “Pui,” ma kiolake voko ma opato kale.

Jone 1:25

Ni seta ke olake ni ke kuimaevake vo Jone, “Ṉota pui vo Baṉara o soroevani Pakio, ma Ilaija, ma kala Poropita ṉa kiṉola, ta noi sole inio ṉota ṉo bapitaiso puta?” kikelake.

Jone 4:19

“Tanala, vairutu pado inio aṉata a baqumuṉa ta ṉota kala poropita ṉa,” kikolake koa rekoreko.

Jone 6:14

Sai ke evani maba poso ta ke keake koa aqasiele ama iruruputo vo Jisu o erekako, nio eri kikelake, “Matu tuvevo, nei nio voa Poropita vo o kaseini tu o kilo peuru ma peuru kale!” kikelake.

Jone 9:17

So sole se Parese madu ta mata kama kuimaevo ke evake voa maba, “Ṉota so kiṉola vo inio oṉa leqosikala ṉoko vilu kiṉola—uriavo, ṉota noi nio va kiṉola voa maba?” kikelake. Nio vota o mati tiorikake, “Vota kala poropita inio,” kiolake.

Iruruputo 5:5

Nio so keru Ananaiasi o viqa keru ko, vota ota piake ni ota vouvake. Nio kiadamu seke viqeni koa bazu ta keta matu ṉake.

Iruruputo 7:37

Ni Mosese inio vo eri kioveni sea Izireli ama maba poso kasi, ‘Baṉara ta o melai soroevou me kala pado Poropita, omadeuvo vota o soroela aṉa jari, ni vota kala pado me ṉaviko qoqono kale ala,’ kioveni.

Qelesia 1:24

So sole aṉako bazu kale avo inio seta ke ilusivake vo Baṉara.