Luke 6:23 - BAṈARA KO VAIRU AMA LEVELEVEO

²³ “Zoleimo ni pekaomo meko zoleilo kale koa taku keru, ako meko reketekete aukale ama ta matu ko elou sole. Ako koa omadeuvo inio seko taite poso lulavo ke imevo jari se poropita madu, ni vo Baṉara ta o katimake se poropita madu matuma reketekete, so sole vota mata o katimelou me matuma reketekete.

Luke 6:23 Iomraidhean Croise

Matiu 5:12

Melai meta matu zoleimo, ako meko reketekete aukale ama ta matu ko elou sole. Ako koa omadeuvo inio lulavo ke imevo jari se poropita madu, ni vo Baṉara ta o katimake se poropita madu matuma reketekete, so sole vota mata o katimelou me matuma reketekete.

Luke 1:41

Ni so keru Ilizabeti ko viqa keru Mere ko zoleilo sama pesio, vo meqora ta o matu bokilikake koko siapa. Ni Tabu ala Auvana ta okai sukatake ko Ilizabeti,

Luke 1:44

Ako eria viqo a evala ṉoko zoleilo sama pesio ti obe tala matu bokilika inio zoleilole vo meqora aṉako siapa.

Luke 6:35

Pui so me qalou, melai meta roquemomo meko kana poso ni uri erekomo sekasi. Katimomo ni pui meda ka kerukeruekou koko besibesi. So inio meme qovo ama reketekete ta matuma ko elou, ni so inio kasa me ikou ta meta vo Raura kala Baṉara ko meqora poso mela. Ako vota o roquema se ruqe amu se pui ke besiekani voko roquano sole.

Iruruputo 14:10

ni eri va kiolake vo matuma kora kale, “Suvana lojo eve!” va kiolake. Ni voa maba ta ota sokaoke ni ota tanitake talio.

Iruruputo 3:8

ti obeta sokaoke inio ti ota lojoake, ni ota tanitake lebalebaito. Nio vota ota amaqeake nioqa sase Jelepade kale sokasokaitole ni o ilusivake vo Baṉara.

Iruruputo 5:41

Ni so keru se apositolo madu ke vaeke keru koa matuma padopadoilo, seta keta matu zoleike, ako Baṉara ta o kerukerueme se ta seta ke male tu tola ni qurato kekai toraeko vo Jisu ko ṉi.

Romu 5:3

Ni so jari animeta meqa zoleiva animeko tapata poso, ako me baqumuka ta ko tapata ko epa ta pizaka lojo elo,

2 Koriniti 12:10

So sole aṉata aqai matu zoleiva ni aqai rauraraurailou aṉako lekuleku, tu aṉako lekuleku kale vo Karisito ko pizato ta ko elou aṉa tona. Vo Karisito ko ṉikale avo aṉata aqa zoleiva koa lekuleku, ni zarazarato, ni olaquavo, ni niumaniumato, ni tapata poso, ako so keru aṉa lekuleku a eva keru, so keru inio aṉata mata a bizata vo Karisito ko pizato kale sole.

Kolosi 1:24

Komia taku aṉata a doraeka ko tapata ni tola meko tauvemelo kale avo, melai aṉata ada zoleiva ako aṉako tolailo ta kokai zomana okotiko vo Karisito ko tola, ko vo o lainikema voko tauvemelo kale anime vo Baṉara ko maba madu mela.

2 Timoti 2:12

Animeta me bataitou tapata kale nio animeta me lekasa puovou vo sase. Animeta meda va zoliovou vo nio vo melai ota mela zoliovou anime.

Hiburu 11:26

Vota o kerukerutake ta voa Pakio vo Baṉara o soroevo ala komia peuru ma peuru kale vai toraeko ko qurato ta kokai paloasa ko Ijipi ama batiro, ako vota okai zuatake ko reketekete vo Baṉara o kativo ama vo sole.

Hiburu 11:6

Puliala maba ta o rovea zolevo vo Baṉara oqu pide ala, ako vo oka zariani kilo Baṉara kasi ta o tuvevo puevou vo Baṉara ta inevoana, ni o tuvevo puekou ta vota reketekete saṉa o imani seke vailivani vo.

Jemisi 1:2

A lolo poso mela, meta zoleimo so keru kiadama tapata poso ko barou keru mekasi,

1 Pita 4:13

Melai meta zoleimo ako meta me qoa sole vo Karisito o koema tola jari ama tola. So inio meta me matu zoleilou so keru vo Karisito o vaitou keru voko pizato ni ṉaṉaidara sate.

Kelokelozato 2:17

“Uri tu meta paqumukomo meme viqako vo Tabu ala Auvana kiolani sikeura lotu qoqono kasi! Seke koqotaeko amu ko ruqe ta a qatimou kama koko mutaima mana. Ni aṉata amai okotimou katimo sea kiadamu ko tapo ama lado, ko vairu ama ṉi kokai rikiziovima, ko puliala kala pado maba okai nianiiako melai vo o koani ko o kiada pado inio okai nianiia.

Kelokelozato 2:26

Seke koqotaeko amu ko ruqe, ni se pui ke lalamato amu ereko ko quli aṉa aqa zariako ti kobeta barolou koko paitopaito kale inio aṉata a qatimou koa omadeuma pizato ko aṉa lula a qoema a Mama kasi azo jari ama, ko eri ama: aṉata a qatimou ko pizato tu seta kade ama lekasa poso kemai elo se pui ke zoripatani peuru ma peuru kale ama toutou poso aeani daṉa sate tu seta ke mujarikou koa toutou poso miduku raro poso ko mujario jari. Ni mata aṉata a qatimou se vo raneodola.

Kelokelozato 2:7

“Uri tu meta paqumukomo meme viqako quli vo Tabu ala Auvana kiolani sikeura lotu qoqono poso kasi! Seke koqotaeko amu ko ruqe inio aṉata a qatimou ko zariekato tu ke kuo koa ore noqola kama saevo ko puarikako ko epa koko qotupako vo Baṉara ko aukale ama kiaro kale.

Kelokelozato 21:7

Seke koqotaeko amu ko ruqe ta aṉata sevo Baṉara a elou ni seta aṉako meqora poso ke elou.

Kelokelozato 3:12

Seke koqotaeko amu ko ruqe ta piza kama jujuli barabara a imou aṉavo Baṉara ko Jelepade kale, ni seta maba pui kepa vaekou ko. Aṉata a rikiekou se tona aṉavo Baṉara ko ṉi, ni aṉavo Baṉara ko peuru ko ṉi, koa vairu ama Jerusalema, koko saqoro ama aukale azo aṉavo Baṉara kasi azo, ni a ṉaviko vairu ama ṉi.

Kelokelozato 3:5

Seke koqotaeko amu ko ruqe inio soa tapo sabosabo ke elo amu, nio aṉata pui aba tama vouvaekou seko ṉi poso ko noqola kama saevo samu ko ṉi ko buka topi azo. Aṉavo Mama ni voko mateana madu ko tanama kale inio aṉata a uria zakaremu puekou ko seta aṉa kale amu inio ko se kio.