Luke 6:21 - BAṈARA KO VAIRU AMA LEVELEVEO

²¹ Meda zoleiva tisoiko me meqai luapani mela erisaṉa, ako meta me maqinou sole! Meda zoleiva tisoiko meme ziani mela erisaṉa, ako meta me niureovou sole!

Luke 6:21 Iomraidhean Croise

Matiu 5:4

“Keta zoleiva tisoiko se upotuqu ke evani, ako Baṉara ta o patukimou se sole.

Matiu 5:6

“Keta zoleiva tisoiko se kekai matu zariani ereko vo Baṉara okai zariako quli, ako vo Baṉara ta o tauvemou se matuvole sole.

Luke 1:53

Vota o maqikima seke luapani uri ama quli kale, ni o viuruema se batiro amu pulia quli sate.

Luke 6:20

Ni Jisu ta o toiritoirimake seke luluevani maba madu ni vota eri kiolake, “Meda zoleiva tisoiko me ozaoza kamela, ako meta o ṉavi Baṉara ko lekasa puo kalea mela sole!

Luke 6:22

Meda zoleiva tisoiko so keru se maba madu ke melai kideipou keru, ni ke kupemelou keru me, ni ke maulumauluemelou keru, ni ruqea mela mela kikevou keru meko luluelo kale avo aṉa maba a eveni lala!

Luke 6:25

Ni ruqe ama quli kio ko melai barolou meme maqinani mela erisaṉa, ako tova meta meda luapou sole. Ni ruqe ama quli kio ko melai barolou meme niureani mela kasi erisaṉa, ako tova meta duki meda elou ni meda zialou sole!

Jone 11:35

Ni Jisu ta ota ziake.

Jone 4:10

Nio Jisu ta o kati tiorikake, “Ṉota ṉoqai nianiia vo Baṉara oka zariako katiṉo ni ṉota ṉo nianiiela aṉa ju aṉai pasekani lala tea, ṉota ṉolai paseko inio aṉa, ni aṉata a qatiṉo inio ko saevo ko ju,” kiolake.

Jone 6:35

Nio Jisu ta eri kiolake sekasi, “Aṉata saevo ko bereti lala, sole vo o kilo ala aṉa kasi ta pui opa luapou, ni vo o tuvevo puelo ala aṉa ta pui opa rokauvou.

1 Koriniti 4:11

Ti kobeta baroa komia taku kale melai eṉeta ṉeda luapa ni ṉeda rokauva ni ruaja suma kale ṉe qiazaita ni maba madu ta ke pazoṉela, ni eṉeta puliama ṉisa pade saṉela,

2 Koriniti 11:27

Jairojairoki ama iruruputo aqai eva, ni puliama maroṉo mati; aṉata lula kubo taku ada luapa ni ada rokauva; ni lisulasu ada eva puliama aṉako sailao, ma ono, ma suma.

2 Koriniti 12:10

So sole aṉata aqai matu zoleiva ni aqai rauraraurailou aṉako lekuleku, tu aṉako lekuleku kale vo Karisito ko pizato ta ko elou aṉa tona. Vo Karisito ko ṉikale avo aṉata aqa zoleiva koa lekuleku, ni zarazarato, ni olaquavo, ni niumaniumato, ni tapata poso, ako so keru aṉa lekuleku a eva keru, so keru inio aṉata mata a bizata vo Karisito ko pizato kale sole.

2 Koriniti 6:10

eṉeta kama upotuqua ṉela, melai eṉeta ṉe zoleiva kiada keru; ni eṉeta ozaoza kaṉela inio, melai eṉeta batiro ṉe ima matu kubo madu; eṉeta pulia quli saṉela, melai koko tuveano ta eṉeta kiadama quli saṉela.

Jemisi 1:12

O zoleiva tisoiko voa maba vo o pataitani voko oqu kale tapata ko taku keru, ako voko pataito kale soama tapata keru, vota o kovou ko saevo, koa reketekete vo Baṉara lula oma inainaekako seke roquevani vo.

Kelokelozato 21:3

Ni aṉata a viqake kama pado matuma kora ko kuevako koa matuma lekasa ko papupapu kasi azo, eri kikolako, “Erisaṉa azo vo Baṉara ta maba poso kasi ota elou! Vota o elou se sase ni seta voko maba madu ke elou. O ṉavi Baṉara ta se sase o elou, ni vota sevo Baṉara o elou.

Kelokelozato 7:16

Seta pui mata kepa luapou ni kepa rokauvou, vo ṉaniu ko vualavuala ta pui kopa tolaemou se,