Luke 6:13 - BAṈARA KO VAIRU AMA LEVELEVEO

¹³ Ni koko raneo kale inio vota o nokaemake vo ke lulueveni ni vota o pitoemake toni omuqa madu, se apositolo madu ma kioveni.

Luke 6:13 Iomraidhean Croise

Matiu 10:2

Komi kio sea toni omuqa disaipeli madu ko ṉi poso, se vo Jisu apositolo madu ma kioveni. Saimone ka pado voko ṉi ta Pita, ni vovo visi Aduru, Jemisi, ni vovo visi Jone, nioqa tamania Zebeti ko meqora kidi,

Matiu 19:28

Nio vo Jisu ta eri kiolake sekasi, “Aṉata a bazuemela me, tovama ṉaniu kale aṉa maba a eveni lala a bapuvou keru aṉako ṉaṉaidara kama lekasa puo ko papupapu topi nio me aṉako toni omuqa lulupato ko maba poso mela melai me bapuvou aṉa sate me ṉaviko papupapu topi, ni mema lekasa puovou koa toni omuqa toutou Izireli.

Matiu 9:36

Ni so keru o mea keru matu kubo maba madu inio vota o matu roquemake se, ako seta duki ni puliama tauvezato samu sole, omadeuvo ko sipi puliama koko vijaro ko maba sama jari.

Maka 6:30

Ni se apositolo madu ta ke vaitake ni ke toraevake vo Jisu, ni seta kevai bazuekake kiadama quli seke erekako ni ke mati nianiiekikake se maba madu.

Maka 6:7

Ni vota o nokaemake sea toni omuqa disaipeli madu omadeukoi, ni vota o soroemake se omuomuqa kidi. Ni puliako vo soroemo se vota o katimake ko pizato tu ke reriko ko ziolo poso,

Luke 11:49

Sokale avo inio vo nianiio sala Baṉara ta eri kioveni, ‘Aṉata a joroemou sekasi se poropita madu ni apositolo madu, nio kake seta ke vouvaemou ni kake ta ke niumaniumaemou.’

Luke 22:30

Ni meta me vuatou ni me nozutou aṉako tevolo topi aṉako lekasa puo kale, ni meta me bapuvou lekasa ko papupapu topi ni mema lekasa puovou koa toni omuqa toutou Izireli,” kiolake.

Luke 6:14

Seko ṉi poso ta, Saimone (vo Pita va kioveni mata), ni vovo visi Aduru, ni Jemisi ni Jone, ni Pilipi ni Batolomiu,

Jone 4:33

So sole se disaipeli madu ta ke taniekake kuimakuimaekinio ke ṉavio kude, “Noi nio, lula kake kepa niaevala esa?” kikelake.

Iruruputo 1:13

Seta kekai amaqeake koa matu peuru ni kekai zakeike okate ama lose kale sai seke evakoi: Pita, Jone, Jemisi ni Aduru, Pilipi ni Tomasi, Batolomiu ni Matiu, ni Jemisi Alepiasi vo meqora, ni Saimone kala pado sekale ala se keka zariovini rupasimo Izireli qoqono Romu ko vailo kale azo tu ke ṉavi ke lojolo, ni Jiudasi Jemisi vo meqora.

Epesasi 2:20

Ni me melai me orumuilou koa vola topi se apositolo ni poropita madu ke erekema. Ni o ṉavi Jisu Karisito inio koko viluabara koa oruorumu ko.

Epesasi 4:11

Ni vo inio o katimeni maba poso seko puaro. Kake ta apositolo, kake ta poropita, ni kake ta ke taliekani ko Uri ama Bazu, ni kake ta lotu qoqono ko odikato ni nianiiekato ko maba poso.

Hiburu 3:1

Sokale avo, a lolo poso mela vo Karisito kalea mela, ni vo Baṉara lula o nokaemelani mela, meta kerukeruevomo vo Jisu, vo Baṉara o soroeveni tu Ṉisa Siama okai elo koa tuvevo puto anime tuvevo me ikako.

2 Pita 3:2

Ni aṉata a mela zaria me tu meta me qerukeruekou koa rukuruku poso se tabu ama poropita madu kekai bazutema lulavo ni koa bazu animevo Pakio Lekasa Jisu o vaekema, ni eṉe apositolo madu ṉela ṉe qatimelema.

Kelokelozato 12:1

Ni kama pado ṉavaṉavala kama quli ta ko puratake okale aukale vasi. Kota kama pado rekoreko okai taloako vo ṉaniu ni vota koko sabosabo jari, ni vo kaboso ta koko kiti vima koko lojoako ni toni omuqa suti sama lekasa ko tarapae ko kiakako koko lezu topi.

Kelokelozato 18:20

Mea kiada mela aukale me evani mela, meta ka zoleimo koa peuru ko biresuilo ni niumailo! Ni Baṉara ko maba poso mela, ni apositolo poso mela ni poropita poso mela, meta zoleimo! Ako vo Baṉara ta lula o titizima koa peuru kale amu ko quli seke melai erekema me kale avo sole!

Kelokelozato 21:14

Voa matu peuru ko idi ta ko erei toni omuqa lado vola ko matu lado kale, vo Sipi Meqora ko toni omuqa apositolo madu ko ṉi kokai rikiziovima.