Luke 6:12 - BAṈARA KO VAIRU AMA LEVELEVEO

¹² Ni kama poso ṉaniu ko tova inio Jisu ta o peatake kala sopu kale vararaitole, ni koa pado ama ipu vota o vararaitake Baṉara kasi.

Luke 6:12 Iomraidhean Croise

Matiu 5:1

Jisu ta o meake matu kubo vaki, nio vota ota kailake sopu kale, ni ota papuake sai. Nio voko disaipeli madu ta ke aramuvake papu vo Jisu.

Matiu 6:6

Melai meta pui so me qalou. So keru meme vararaitou keru meta me amaqeovou meko lose kale ni me dibulikou ko veutu, ni me vararaitou mevo mutamuta kala Mama kasi, vo puliala o veani, ni mevo Mama vo o keani ko meme erekako quli moiza kalo kale, vo inio o katimelou me meko reketekete.

Maka 1:35

Omadeu vikale, puliako ṉaniu peato inio Jisu ta ota toiratake nio o vaekake Saimone ni Aduru ko pade. Ni ota olake koa peuru kale azo ivulu ama zaekale vararaitole.

Maka 3:13

Ni vo Jisu ta ota kailake sopu kale ni vota o nokaemake se maba poso o ṉavi omai zariani, ni seta ke olake vokasi.

Maka 6:46

Nio o vaitoema sea vaki ko tova inio vota ota olake sopu kale vararaitole.

Luke 5:16

Melai vota ota olake mati maba pide ama zaekale, ni sai nio o vararaitake.

Luke 6:11

Melai sea tanatanamu ta keta matu korakoraivake, ni seta kekai pesipesitake se kevai ereko ama quli vo Jisu.

Luke 6:17

Ni sea toni omuqa sate inio Jisu ta o saqorake sopu kale azo, ni vota o baroake kama pado sare ama zaekale sai mota kamu vo ke luluevani maba madu ke toraevekoi. Ni mata kubo maba madu ta ke padoivake sai seke kuevini Jiudia ranʼazo ni Jerusalema azo ni koa omuqa matu peuru Taea ni Saidoni ko keta kalea vasia ranama peuru poso kale azo,

Luke 9:18

Omadeu ṉaniu kale Jisu obeta vararaita keru o kiada inio voko disaipeli madu ta kevai kuevake vo. Ni vota o kuimaemake se ni eri kiolake, “Lala lala ta bela kikela se maba poso?”

Luke 9:28

Ni omadeu vuiki ko tova vasi vo so kiove saita, inio Jisu ta o odiemake Pita, ni Jone ni Jemisi ni ke peatake kala sopu kale vararaitole. Ni Pita ni voko baerebaere kidi ta keta maroṉake.

Luke 9:29

Ni so keru vo obeta vararaita keru inio voko loilo ta kota besiziake ni edolovoa velo ota evake, ni voko sabosabo ta kapi jaria tapo simanamanato kota evake.

Jone 6:3

Nio Jisu ta o saqorake vaka topi azo ni o peatake kama pado sopu kale ni o papuake sai voko disaipeli madu sate.

Kolosi 4:2

Pui lalamato vararaito vo Baṉara kasi meko zakaremu ama kerukeru kale, ni meta kativomo meko uriavo vo Baṉara.

Hiburu 5:7

So keru Jisu obeta saeve keru miduku kale vota o ereke voko paseto sama vararaito matuma kora kale ni deumu sase Baṉara kasi, tu vota o pakievo vo voukale azo. Baṉara ta ota va viqake voko vararaito ako vota o zarazaraivani ni ota va panaovani vo Baṉara sole.