Luke 5:24 - BAṈARA KO VAIRU AMA LEVELEVEO

²⁴ Sole aṉata kasa a mela elou me, aṉa maba a eveni lala ta pizato salala komia peuru ma peuru kale tu a akoekou maba ko sarueko poso,” kiolake. Ni vota eri kiolake voa maba vo pui o roveani vezokato kasi, “Ṉota loje ni lokieka ṉoko kobo ni ola ṉo bade kasi!” kiolake.

Luke 5:24 Iomraidhean Croise

Matiu 16:13

Nio vo Jisu ta ota olake voko disaipeli madu sate Sizaria Pilipai matu peuru ko ketaketa, sai nio vota o kuimaemake o disaipeli madu ni eri kiolake sekasi, “Lala lala ta bela kikela maba madu aṉa maba a eveni lala?” kiolake.

Matiu 25:31

Ni Jisu ta mata eri kiolake sekasi, “So keru aṉa maba a eveni lala a vaitou keru, aṉata a qilou a bizato ni ṉaṉaidara sate ni kiadama aṉako mateana madu sate, ni aṉata a bapuvou vo Baṉara ko lekasa puo ko papupapu topi.

Matiu 26:64

Nio vo Jisu ta o vati tiorikake ni eri kiolake, “Tuvevo ṉo kiṉolani nio. Ni aṉata a bazuemela me, tova inio meta me lelou aṉa maba a eveni lala ta a bapuvou vo Piza kala Baṉara ko palo rana tu a lekasa puo ni a qilou aukale ama leikale!” kiolake.

Matiu 28:18

Ni Jisu ta sipole o imake se ni eri ma kiolake, “Baṉara ta o katile aṉa ko pizato tu aṉa inio lekasa aqa elou kiadama quli aukale ama ni miduku kale ama.

Matiu 4:24

So sole vo Jisu ko bazu ta ko aerake kiadama zae poso kale ti kobeta baroake Siria rana matu peuru kale. So sole seta ke mati olake Jisu kasi kiadama maba poso se azaazama vere samu. Kake ta matuma tola samu, ni kake ta ziolo komai onobatani, ni mata kake ta pireṉe vere samu, ni mata kake ta lepu amu, melai Jisu ta o urikimake sea kiadamu.

Matiu 9:6

Sole aṉata kasa a mela elou me, aṉa maba a eveni lala ta pizato salala komia peuru ma peuru kale tu a akoekou maba ko sarueko poso,” kiolake. Nio vo Jisu ta eri kiolake voa maba kasi, vo pui o roveani vezokato, “Ṉota loje ni lokieka ṉoko kobo ni ola ṉo bade kasi!” kiolake.

Luke 5:13

Nio Jisu ta o rauqazake ni o tibaevake vo ni vota eri kiolake, “Aqa zaria, tu urike!” kiolake. Nio taukavole voa maba ta ota urikake voko pokupoku kale azo.

Luke 5:18

Ni kake ta ke kuevake seke boriveni boribori kale kala maba, vo pui o roveani vezokato, ni seta ke madoekake tu vati amaqeo pade ko poro kale tu ke tekuevo Jisu ko kuleto kikelake.

Luke 5:23

Maba pui tapata tu eri kio, ‘Noko sarueko ta kota ṉa akoiva,’ ako meta pui me qea voko sarueko ta kota va akoiva kio ma pui, melai matu tapata ikio tu eri kio, ‘Loje tu tali,’ ako mea kiada mela ta me qelou ta vota ota lojoa kio ma pui sole.

Luke 7:14

Ni Jisu ta o olake ni o tibaekake koa vouma tupu sama bourobouro, ni seke borikani ko ta keta dokolake talio. Ni Jisu ta eri kiolake, “Vairu ala maba ṉa, zolai!” kiolake.

Luke 8:54

Melai Jisu ta ota ka noqoekake koko ṉase ni o nokaekake ko ni eri kiolake, “Ṉoiza, zolai!” kiolake.

Jone 11:43

Ni voko so kio ko tova inio vota o nokaoke matuma kora kale, “Lazarasi saqore!” kiolake.

Jone 17:2

Ako ṉota ṉo lekasa puele aṉa kiadama maba poso kaqe, tu aṉata a qatimou ko noqola kama saevo sea kiadamu ṉoṉo qatileni.

Jone 3:13

Ako puliala me azo ta opa koivi aukale, melai aṉa maba a eveni lala inio a jaqoreni aukale azo.

Jone 5:27

Ni vota o katile ko pizato titizato ko, ako aṉata vo maba a eveni lala sole.

Iruruputo 14:10

ni eri va kiolake vo matuma kora kale, “Suvana lojo eve!” va kiolake. Ni voa maba ta ota sokaoke ni ota tanitake talio.

Iruruputo 5:31

Baṉara ta o koivievo vo voko palo rana vasi tu Vilua pikopiko ni Pakio o elo, tu o katimo ko taku se Izireli amu tu ke lilizio ni ke kovo seko sarueko ko akoezato.

Iruruputo 9:34

Nio Pita ta eri kiolake vokasi, “Iniasi, vo Jisu Karisito ta o urikiṉa ṉo. Loje ni lokieka ṉoko kobo,” kiolake. Nio Iniasi ta taukavole o lojoake.

Iruruputo 9:40

Ni Pita ta o saqorimake sea kiadamu koa lose kale azo, ni o iqeiqeake ni o vararaitake. Ni vota o lilitake koa vouma tupu kasi ni eri ka kiolake, “Tabita, loje!” kiolake. Ni kota ko leqosikake ko vilu, ni kota ko veake vo Pita, ni kota kota papuake.

Kelokelozato 1:13

Nio koa sikeura juke ko papupapu ko tiania ta obeta lojoake kala pado maba jaria velo ala, vo okai saboivani ko rosia sabosabo koko tava baroako o kiti raki kasi, vo qolo zadozado okai zadoekani o dumidumi.