Luke 5:17 - BAṈARA KO VAIRU AMA LEVELEVEO

¹⁷ Ni omadeu ṉaniu kale Jisu ta o nianiiekatake, nio kake se Parese madu ni se Mosese ko Bazu kekai nianiiekatani ta kebeta papuake sai seke kuevini kiadama peuru poso kale azo Qalili ni Jiudia, ni Jerusalema azo. Ni vo Baṉara ko pizato Jisu tona ko evako kale vota o urikimake se vere amu.

Luke 5:17 Iomraidhean Croise

Matiu 11:5

se leqa kamu ta keta keazata, ni se raiqo amu ta keta talia, ni se pokupoku amu ta keta urika, ni se qiqili amu ta keta viqaviqazata, ni se voumu ta mata ke tova saeva, ni ko Uri ama Bazu ta ko kaseiva se olaquamu kasi. Ako aṉa inio a erekani lala ko quli.

Matiu 15:1

Nio kake se Parese madu ni se vo Mosese ko Bazu kekai nianiiekatani seke kuevini Jerusalema azo ta ke kuevake Jisu kasi tu ke kuimaevo vo

Maka 1:45

Melai so keru voa maba o vaita keru, vota o taniekake kai bazubazuto koa kiadama zae poso kale. Ni Sokale avo inio Jisu ta pui o roveake talio maba ko vilu kasa koa peuru poso kale. Melai vota o evake koa peuru poso ko kupekupe, sai maba poso pui ke evakoi, melai sai melai sea maba poso ta kebe vai olaolaitake seke kuevani azaazama peuru poso kale azo.

Maka 16:18

Ni seta kebe kamakou ko vou sama dole, ni ke nozuekou vou sama quli melai pui kepa vouvou. Ni kemai ivikou seko ṉase se vere amu ni seta keta urikou,” kiolake vo Jisu.

Maka 3:22

Ni kake vo Mosese ko Bazu kekai nianiiekatani seke kuevini Jerusalema azo ta eri kikelake, “Nea maba ta vo Setani inio ovai onobata. Vo Setani ziolo poso vo lekasa inio o kativa vo ko pizato inio o rerika ko ziolo,” kikelake.

Maka 5:30

Ni koa omadeuma taku inio Jisu ta okai nianiiake ta voko pizato ta ko urikiva kala maba, so sole vota o lilitake sea vaki kasi ni eri kiolake, “Lala inio ota la tibaeka aṉako sabosabo?” kiolake.

Maka 7:1

Ni kake Parese madu ni vo Mosese ko Bazu kekai nianiiekatani, seke kuevini Jerusalema azo, ta ke aramuvake vo Jisu.

Luke 15:2

nio se Parese madu ni se Mosese ko Bazu kekai nianiiekatani ta ke taniekake ṉuruṉuruo ni eri kikelake, “Nea maba ta o baroekima se ruqe ama maba madu ni o mati palaita se!” kikelake.

Luke 2:46

Ni zouke ama ṉaniu kale nioqako vaeko Jerusalema ko tova inio nioqata qo veake vo Jelepade ko ko poro kale, obeta papuake se nianiiomu sase, o viqaviqazatake ni o kuimakuimaemake se.

Luke 5:21

Nio se Mosese ko Bazu kekai nianiiekatani maba poso ni se Parese madu ta ke kuimaekiniake ke ṉavio kude ni eri kikelake, “Lala inio nea maba vo o aṉararaivani ta vota Baṉara jari inio! Ako vo Baṉara o kiada inio o roveani akoeko sole ko sarueko,” kikelake.

Luke 5:30

Nio kake Parese madu ni se Mosese ko Bazu kekai nianiiekatani maba poso ta ke ṉuruṉuruake vo Jisu ko disaipeli poso kasi ni eri kikelake, “Noi sole inio meta me qeazata ni me nozuta nia maba poso se takisi ke koani ni se ruqe amu sase?” kikelake.

Luke 6:19

Ni kiadama maba poso ta ke madoekake tu ke tibaevo vo ako pizato ta ko kuevake vokasi azo ni ko urikimake kiadamu seke tibaevani vo sole.

Luke 7:30

Melai se Parese madu ni Mosese ko Bazu kekai nianiiekatani ta ke tizaekake vo Baṉara ko vatolo sekale avo ama, ni keta lupaoke bapitaiso puilo vo Jone ko bapitaiso kale.

Luke 8:46

Melai Jisu ta eri kiolake, “Kala ta o tibaelala aṉa, ako aṉata aqai nianiia ta aṉako pizato ta ko urikivala kala maba,” kiolake.

Jone 3:10

Nio Jisu ta o vati tiorikake vo, “Ṉota kala pado se Izireli amu vo matula titisa ṉa melai ṉota pui ṉo vakakuka komi quli, kio?

Jone 3:21

Melai seke erekani ko uri ama iruruputo ta ke kueva voa zakaremu kasi ni voa zakaremu ta uria kasa ota ma ika seko zorivo vo Baṉara,” kiolake vo Jisu.

Iruruputo 19:11

Ni vo Baṉara ta o erekake edoloma ko pui kiada keru o erekako jari ama aqasiele ama iruruputo Paula kale kude.

Iruruputo 4:30

Kasa ika ṉoko pizato tu ṉoko urikato ni aqasiele ama iruruputo poso ta ko ereilou ṉovo tabu ala Nabulu Jisu ko ṉikale,” kikelake.

Iruruputo 5:34

Melai kala pado sekale ala, kala Parese Qamelieli o ṉi sala, vo Mosese ko Bazu okai nianiiekateni ni maba poso keta va matu paṉaovini, ta o lojoake ko Kauniseli kale. Ni vota o bazuemake se tu seta ke saqorimo saita kupele se apositolo madu,