Luke 4:23 - BAṈARA KO VAIRU AMA LEVELEVEO

²³ Nio vota eri kiolake sekasi, “Aṉata a melai nianiia me, ta meta eri la kimevou ko aṉa koa podepodeti pesio kale, ‘Dokita ṉa ṉo elou ta, ṉota urikiovi ṉo ṉavi. Ṉota ereka koi ṉo ṉaviko ṉisa peuru kale sai Keponeami ṉo erekema aqasiele ama iruruputo jari ama, ko eṉe ṉe viqema’ la kimevou.”

Luke 4:23 Iomraidhean Croise

Matiu 13:54

ni vota ota vaitake o ṉaviko ṉisa peuru kale Nazareti. Sai nio vota o nianiiekata seko ilusato ko pade kale, ni seke didievani vo ta aqasiele keva evake ni eri kikelake, “Lai nio o koa komia upo kale ama nianiio ni voko ereko komia aqasiele ama iruruputo?

Matiu 4:13

Vota o olake Nazareti peuru kale, melai sai kazo inio ota vatutake tu o elo Keponeami peuru kale Qalili toupa ko ketaketa, koa omuqa toutou Zebuloni ni Napitalai ko vikuvikula miduku kale.

Matiu 4:23

Nio vo Jisu ta okai taliake kiadama zae poso Qalili rana ni vota o mati nianiiekikake se maba poso seko ilusato ko pade kale, ni okai bazubazutake ko Uri ama Bazu vo Baṉara ko lekasa puo ko, ni o urikimake se maba poso kiadama azaazama vere poso samu.

Maka 6:1

Ni Jisu ta o vaekake koa zae ni ota vaitake o ṉaviko ṉisa peuru kale Nazareti, ni voko disaipeli madu melai ke luluevake vo.

Luke 2:39

Ni so keru nioqa lula qo paika keru ereko koa kiadama quli koko kaseima tu qo ereko meqora ko kovo ko tova vo Baṉara ko Bazu kale, nioqata qota vaitake Qalili, nioqako ṉisa peuru kale Nazareti.

Luke 2:51

So sole Jisu ta ota vaitake Nazareti nioqa sate, sai vo o zorikekoi nioqa. Ni voko niania ta ko tukiekake kiadama quli koko bulo kale.

Luke 4:16

Ni Jisu ta o olake Nazareti peuru kale, sai voko rusu keru o evekoi, ni vota o olake Sabati ṉaniu kale ilusato ko pade kale kiada keru obeta kavani. Ni vota o lojoake sai tu o tiromiko ko Tabu ama Riki,

Luke 4:31

Ni Jisu ta o olake Keponeami, kala pado peuru Qalili ala, ni sai nio vota o nianiiekimake se maba poso Sabati ṉaniu kale.

Luke 4:35

Nio vo Jisu ta o riqaekake koa ziolo ni eri ka kiolake, “Ṉota moizai, ni saqore nea maba tona azo!” kiolake. Nio koa ziolo ta ko pivake voa maba miduku kale seko vilu kasa ni kota saqorake vo tona azo, melai kota pui tabi ko ivake vo.

Luke 6:42

Ṉota pui eri kio ṉovo lolo kasi, ‘Zariela tu aṉata ada ṉa kazieko ṉoko vilu kale ama vuruvuru,’ kiṉovou, melai ṉo ṉaviko vilu kale ta ikoana matuma kobukobu! Noa lipalipa kala ṉa! Kazieka kuleto ṉo ṉaviko vilu kale ama kobukobu, saita inio ṉota ṉo qelou ni ṉo qaziekou ṉovo lolo ko vilu kale ama vuruvuru,” kiolake.

Jone 4:28

Nio koa rekoreko ta ko vaekake ko vaka ju, ni ko vaitake peuru kale, ni ko bazuemake sai ke evani maba poso,

2 Koriniti 5:16

Sokale avo inio eṉeta pui mata ṉeba tova podetimou se maba poso komia peuru ma peuru ko podepodeti kale. Omadeuvo vo Karisito ṉe ivevo jaria podetivo komia peuru ma peuru ko podepodeti kale lulavo, melai erisaṉa ta pui soa kerukeruevo ṉe eva.