Luke 3:8 - BAṈARA KO VAIRU AMA LEVELEVEO

⁸ Meta erekomo ko quli ko kasa ko iko ama ko meta lula meda lilizia meko sarueko poso kale azo kikovo ama quli, saita inio me qilou ni bapitaiso me elou. Ni meta pui tanieko eri kio me navio kude, ‘Ebarahami nio eṉevo taite kio, ni so inio eṉeta ṉeda ka lapasou koko kilo ama koqotato,’ pui so kimevou. Aṉata a bazuemela me, vo Baṉara ta o roveo nio varieko vo Ebarahami ko vikuvikula komia lado kale sole!

Luke 3:8 Iomraidhean Croise

Matiu 21:43

Ni Sokale avo inio aṉata a bazuemela me, vo Baṉara ko lekasa puo ko mauruto ta ota mela kovou me ni o katimou sea qoqono, seke zoriko amu voko soru.”

Matiu 3:8

Meta erekomo ko quli ko kasa ko iko ama ko meta lula meda lilizia meko sarueko poso kale azo kikovo ama quli, saita inio me qilou ni bapitaiso me elou.

Matiu 3:9

Ni meta pui eri kio me ṉavio kude, ‘Ebarahami nio eṉevo taite kio, ni so inio eṉeta ṉeda ka lapasou koko kilo ama koqotato,’ pui so kimevou. Aṉata a bazuemela me, vo Baṉara ta o roveo nio varieko vo Ebarahami ko vikuvikula komia lado kale sole!

Luke 13:25

Ako vo pade sala maba ta o tibulikou koa pade ko veutu nio meta me lojou pade kupekupe ni meta me dubitubiekou ko tibulu ni eri kimevou, ‘Lekasa, ṉela veuka ko veutu,’ kimevou, melai vota eri mela kiovou me, ‘Aṉata pui a melai nianiia me ni pui aqai nianiia sai meme quevakoi kazo!’

Luke 13:26

Nio meta eri kimevou, ‘Eṉeta ṉe vuate ni ṉe nozute ṉo sase, ni ṉota ṉo nianiiekate eṉeko peuru kale!’

Luke 14:9

nio vo o baroekatani, vo o taipaziqelani qea kiada qela, ta o kilou ni eri ṉa kiovou, ‘Va vaeka koa zae.’ Sai nio ṉota ṉoda quratou ṉoko papu kale matu zara kama zaekale.

Luke 19:40

Nio Jisu ta o mati tiorikake se ni eri kiolake, “Aṉata a bazuemela me, ke moizailou se tea, ko lado poso ta kota tanito nio velavelao,” kiolake.

Luke 19:9

Nio Jisu ta eri kiolake vo ni sai ke evani kasi, “Pakio ta kokai baroa komia pade vairutu, ako nea maba melai kala pado vo Ebarahami ko vikuvikula kale ala sole.

Luke 5:21

Nio se Mosese ko Bazu kekai nianiiekatani maba poso ni se Parese madu ta ke kuimaekiniake ke ṉavio kude ni eri kikelake, “Lala inio nea maba vo o aṉararaivani ta vota Baṉara jari inio! Ako vo Baṉara o kiada inio o roveani akoeko sole ko sarueko,” kikelake.

Jone 8:33

“Eṉeta Ebarahami ko vikuvikula ṉela inio, ni eṉeta pui mabaku ṉela. Nio loma ikio koko kalo ko ‘Meta me rupasiovou’ ka kiṉolako?” kikelake.

Jone 8:39

Nio seta ke vati tiorikake vo, “Eṉevo mama ta Ebarahami tivoine,” kikelake. Nio Jisu ta eri kiolake, “Tuvevo avole meta Ebarahami ko meqora poso mela tea, meta me lulueko inio ereko vo o erekema sidopu.

Iruruputo 26:20

Kuleto ta Damasikasi ti Jerusalema ni koa pado ama Jiudia ni mata se pui Jiu amu kasi aṉata aba bazubazute sai tu seta ke lilizio seko sarueko poso kale azo ni ke lilizio Baṉara kasi ni ke ereko ko quli seko lilizio kasa ko iko ama.

Romu 4:16

So sole oqu tona inio koko raki ko leveleveo, tu koa leveleveo ta matu vinavina ko elou, vo Baṉara ko utuakoi zama puaro kale vo Ebarahami ko vikuvikula madu kasi, pui seke zorikani pala ko Bazu, melai se vo Ebarahami jaria oqu ke evani kasi. Ako vo Ebarahami ta animea kiada mela vo auvana kale ala taite sole;

Romu 9:7

Ni pui sea kiadamu vo Ebarahami ko vikuvikula kale amu inio vo Baṉara ko tuvevo ama meqora poso. Ako vo Baṉara ta eri kiolake Ebarahami kasi sole, “Vo Aisake kale kude inio ṉota ṉo ṉeamukou koa vikuvikula ko lula aṉa aṉa kasekema tu a qatiṉou ṉo.”

Pilipai 1:11

ni so inio vo Karisito ta o tauvemelou me ni meta me erekou kubo sidopu ama quli tu meta ṉaṉaidara me ivou ni me ilusivou vo Baṉara.