Luke 3:23 - BAṈARA KO VAIRU AMA LEVELEVEO

²³ Ni Jisu o tanieke keru voko iruruputo ta vota esa zouke toni sabere ala keru inio. Jisu ta Josepa vo meqora inio, kikelake se maba poso. Josepa ta Heli vo meqora,

Luke 3:23 Iomraidhean Croise

Matiu 1:1

Komi kio vo Jisu Karisito ko taite poso ko ṉi poso, vo Devita ni Ebarahami ko toutou kale ala.

Matiu 1:16

Ni vo Josepa ta Jekopi ko toutou kale ala, vo inio Mere vo tanala, ni ko ikio vo Jisu ko niania, voa Pakio vo Baṉara o pitoeveni.

Matiu 1:6

ni vo Aikovakova Devita ta Jese ko toutou kale ala. Ni vo Solomone ta Devita ko toutou kale ala, ni voko niania ta Uraia ko reko vo Devita ota va ravekema.

Matiu 13:55

Ako nei ta vo kamada vo meqora inio ni Mere ikio voko niania, ni Jemisi ni Josepa ni Simeoni ni Jiudasi ta voko visi poso,

Matiu 4:17

So sole koa taku kale inio Jisu ta o taniekake kai bazuto voko bazubazu, ni eri kiolake, “Meta liliziomo meko ruqe kale azo, ako vo Baṉara ko lekasa puo ta matu sipole sole,” kiolake.

Maka 6:3

Ako vota kamada inio, ko Mere vo meqora, ni voko visi poso inio se Jemisi ni Josepa ni Jiudasi ni Saimone, ni voko saqi poso melai koi nio seko peuru melai,” kikelake. So sole seta maba kevai kaikuapake se Nazareti amu.

Luke 2:48

Ni voko mama ni niania ta qota matu polosake so keru nioqa qo veve keru vo, nio voko niania ta eri kikolake vokasi, “Meqora, noi sole inio ṉota ṉo erekala eri ama quli eqe kasi? Ṉovo mama ni aṉa ta matu tiṉoliṉoli qeta eva vailiṉole ṉo,” kikolake.

Luke 3:31

Elaiakimi ta Melea vo meqora, Melea ta Mena vo meqora, Mena ta Matata vo meqora, Matata ta Netani vo meqora, Netani ta Devita vo meqora,

Luke 4:22

Nio sea kiadamu ta keva matu zoleike vo ni aqasiele kekai evake koa matu ileile ama pesio poso vo o rukuekema. Nio seta eri kikelake seko vuzeilo kale, “Koe, nei ta pui vo Josepa vo meqora soikoni!” kikelake.

Jone 1:45

Nio Pilipi ta o luluevake vo Jisu, ni koko tova inio vota o veake vo Nataniala ni o bazuevake vo, “Eṉeta ṉe veala vo tivoine vo o kaseini vo Mosese ko Bazu kale, ni se poropita madu ko riki kale. Vo inio vo Nazareti ala Jisu, Josepa vo meqora,” kiolake.

Jone 6:42

Sai nio seta eri kikelake, “Pui nea maba inio vo Jisu, vo Josepa vo meqora? Vo eṉe ṉeda vai nianiiani voko mama ni niania kidi. Noi sole inio vota so kiola, vota o saqoreni aukale azo?” kikelake.

Iruruputo 1:1

Ṉova Tiopilasi: Aṉako kuleto ama buka kale ta a rikieke kiadama vo Jisu o erekema quli ni nianiiekato vo o tanieke keru iruruputo keru azo ama,