Luke 3:22 - BAṈARA KO VAIRU AMA LEVELEVEO

²² ni vo Tabu ala Auvana ta o saqorake vo tona, ni voa Auvana ko velo ta ova kurou jari ala. Ni vota o viqake ko kora aukale azo ama ko eri kikolako, “Ṉota a ṉavivo meqora ṉa, a matu roqueṉani ṉa. Ṉo inio aṉa aṉa matu zoleivani ṉa,” kikolako.

Luke 3:22 Iomraidhean Croise

Matiu 12:18

“Nei nio aṉavo Nabulu vo a bitoeveni, ni vo a matu roquevani ni vo ava matu zoleivani. Aṉata a joroekou aṉako Auvana vo tona, ni vo inio okai velavelaovou sidopu ko keve kiadama komia peuru ma peuru kale ama maba poso kasi.

Matiu 17:5

Nio so keru vo Pita obeta pesipesita keru, inio ko simanamana kama lei ta ko boulumake se ni seta ke viqake Baṉara ko kora koa leikale, ni eri kikolake, “Nei nio vo a ṉavivo Meqora, vo a matu roquevani. Vo inio vo aṉa ava matu zoleivani, tu tava viqomo vo ni luluekomo vo kiolani,” kikolake.

Matiu 27:43

Ako vota tuvevo o ivani vo Baṉara, kiolani, ni okai nokaivani Baṉara vo Meqora. Sole me velo, Baṉara ta obe pakievou vo ma pui,” kikelake.

Matiu 3:13

Nio koa taku kale inio Jisu ta o baroake Jodani sukuru kale Qalili ranʼazo, tu Jone ta bapitaiso o ivo vo.

Matiu 3:16

Nio soa bapitaiso o evake vo Jisu ti obeta kailake inio ju ko tana topi. Koa taku kale inio ko au ta kota veukaziake vokasi, nio vota o veake vo Baṉara vo Auvana vai saqoro vo, ni voa Auvana ko velo ta ova kurou jari ala.

Matiu 3:17

Ni vota o viqake ko kora aukale azo ama ko eri kikovema, “Ṉota a ṉavivo Meqora ṉa, a matu roqueṉani ṉa. Ṉo inio aṉa aṉa matu zoleivani ṉa,” kikovema.

Maka 1:11

Ni vota o viqake ko kora aukale azo ama ko eri kikolako, “Ṉota a ṉavivo Meqora ṉa, a matu roqueṉani ṉa. Ṉo inio aṉa aṉa matu zoleivani ṉa,” kikolako.

Maka 1:9

Puliako tu keu Jisu ta o kuevake Nazareti peuru kale azo, Qalili ranʼazo, nio Jone ta bapitaiso o ivake vo Jodani sukuru kale.

Maka 9:7

Nio kama pado lei ta ko boulumake se, ni seta ke viqake Baṉara ko kora koa leikale, ni eri kiolake, “Nei nio vo a ṉavivo Meqora, vo aṉa a matu roquevani, tu tava viqomo vo ni luluekomo vo kiolani,” kiolake.

Luke 2:14

“Naṉaidara vo Baṉara kasi ko matu okate ama aukale, ni bule maba poso kasi vo omai zoleivani miduku kale!” kikelake.

Luke 4:21

Ni vota o taniekake pesipesito sekasi, ni eri kiolake, “Komia kobu Tabu ama Riki ta tuvevo ko eva vairutu, ko lula aṉa a diromikalama ni lula me viqalama,” kiolake.

Jone 1:32

Ni vo Jone ta omai bazuekake vo o kevema quli, “Aṉata a veve vo Baṉara vo Auvana o saqore keru aukale azo, ni voa Auvana ko velo ta ova kurou jari ala, ni vota ovai satoke voa maba.

Jone 12:28

Mama, ṉota ṉaṉaidara pueka ṉoko ṉi!” kiolake. Sai nio kama pado kora aukale azo ta ko kuevake, “Aṉata lula a ṉaṉaidara pueka ko, ni mata aṉata ṉaṉaidara a ikou ko,” kikolako.

Jone 5:37

Ni vo Mama, vo o soroeleni aṉa, vo melai olai bazubazutani aṉa. Melai meta puliama taku kale inio meba tava viqe voko kora, ni pui meba tava keve voko loilo,

Iruruputo 10:38

Meta meqai nianiia vo Baṉara ko vai raibiko vo Tabu ala Auvana ko pizato vo Nazareti ala Jisu Karisito tona. Vota o keve kiadama zae poso kale, ni vota o ereke uri ama iruruputo, ni o urikime kiadamu se Setani ko pizato kale ke eveni, ako vo Baṉara ta o eve vo sate sole.

Kolosi 1:13

Baṉara ta o pakiemele anime kutumana ko pizato kale azo ni o amaqimele anime vo o matu roquevani Meqora ko lekasa puo kale,

1 Pita 2:4

Vo Lekasa Jisu inio kala saevola lado jari ala, ni vo inio se maba poso komia peuru ma peuru kale amu pui kepa vai zarini. Melai vo inio voa lado vo Baṉara o pitoeveni ako vota matu qulepo ala vokasi sole. So sole meta kuemo vokasi.