Luke 3:1 - BAṈARA KO VAIRU AMA LEVELEVEO

^1-2 Ni vo Baṉara ko bazubazu ta ko kuevake Jone kasi, Zekaraia vo meqora lealea kama zaekale, so keru vo Taibiriasi Romu ala Matu Aikovakova ko toni sike ama sabere keru voko lekasa puo kale. So keru inio vo Ponitiasi Paelati ta Qavuna o evake Jiudia rana, Herodi ta Qalili ala lekasa, ni vovo visi Pilipi ta lekasa okai evake ko Ituria rana ni Tarakonaitisi rana. Ni so keru inio vo Laisaniasi ta lekasa o evake Abileni rana, ni Anasi ni Kaepasi ta Ṉisa Siama qo evake.

Luke 3:1 Iomraidhean Croise

Matiu 14:1

Koa taku kale inio vo Herodi Anitipasi Qalili ranala lekasa ta o viqake vo Jisu ko bazu.

Matiu 14:3

Vo Herodi ta soa pesio ota evake ako lula buti nio vota o soruemevo voko solodia madu ni ke noqoeve vo Jone, ni ke pirieve vo seini kale ni ke vaeve vo pirito pade kale. Vota o erekake ko quli ko Herodiasi ko zario kale avo, vo o raekema, melai kota vovo kaka Pilipi ko reko ikio.

Matiu 14:6

Nio vo Herodi ko alilo ṉaniu keru, ko Herodiasi ko meqora ta ko pekaoke Herodi ni sea vaki ko ubutiania, ni vo Herodi ta ota matu zoleike.

Matiu 22:17

Sole ṉota ṉela bazueka ṉoko kerukeru. Uri kio ko anime Jiu mu mela ta me buariko animeko takisi Romu ala Matu Lekasa kasi, ma pui? Noni kikola animeko Bazu?” kikelake.

Matiu 27:2

Sole seta keta va piriekake voko ṉase ni ke vati olake ni kepa vaevake vo Romu ala Qavuna Paelati ko pade kasi.

Maka 6:17

Vo Herodi ta soa pesio ota evake ako lula buti nio vota o soruemevo voko solodia madu ni ke noqoeve vo Jone, ni ke pirieve vo seini kale ni ke vaeve vo pirito pade kale. Vota o erekake ko quli ko Herodiasi ko zario kale avo, vo o raekema, melai kota vovo kaka Pilipi ko reko ikio.

Maka 6:21

Nio so keru vo Herodi ko alilo ṉaniu ko baroa keru vota o erekake ko alilo ṉaniu ko ṉojola ni o taipazimake se Qavuna madu ko tanamu ni pazokinio ko maba poso ko kuleto amu ni Qalili ama maba poso ko lekasa poso tu kekai zomano koa voko ṉojola. Ni so keru inio ko Herodiasi ta ko keake uri ama taku tu ko vouvaevo vo Jone.

Luke 13:31

Ni koa taku kale inio kake Parese madu ta kevai kuevake vo Jisu ni eri kikelake vokasi, “Ṉota saqore koi kazo ni ola edoloma zaekale, ako vo Herodi ta oka zaria vouvaeṉo ṉo sole,” kikelake.

Luke 2:1

Koa taku keru inio vo Romu ala Matu Aikovakova Auqasitasi ta o soroekake kama pado bazu koa Romu ko vailo kale ama peuru ma peuru kale amu kasi, tu seta ke zio tu kepa ataito kiolake.

Luke 23:24

Nio vo Paelati ta oma zariake tu seke pasekako quli vokasi ta ko ereilo.

Luke 3:19

Melai Jone ta o riqaevake vo Lekasa Herodi, ako vota o raekake ko Herodiasi, vovo kaka ko reko, ni vota o erekake mata kama ruqe poso sole.

Luke 9:7

Ni so keru vo Herodi Qalili ala lekasa o viqe keru kiadama quli vo Jisu o erekako koa taku keru, inio vota matu niuniala ota evake, ako kake maba poso ta vo Jone Bapitaiso ta lula mata ota saeva voukale azo kikelake sole.

Iruruputo 23:26

“Aṉa Kolodiasi Laisiasi lala taṉa paṉao kale ṉoa Qavuna Filekisi ṉa. Matu uri aṉata a rovea rikieko komia leta ṉokasi.

Iruruputo 24:27

Ni omuqa sabere kota paloasake inio Pokiasi Fesitasi ta o besievake voa Qavuna Filekisi. Ni Filekisi ta oka zariake zolemo se Jiu amu so sole vota o vaevake vo Paula pirito pade kale.

Iruruputo 26:30

Nio vo Aikovakova Aqiripa, ni Qavuna Fesitasi ni ko Benisi ni sea kiadamu sai ke evani ta ke lojoake ni keta saqorake titizikinio ko zaekale azo.

Iruruputo 4:27

Tuvevo avole Herodi ni Ponitiasi Paelati ta qo zomanake mati padoilo Jerusalema peuru kale se pui Jiu amu ni se Izireli amu tu ke korotiko seko vouvaevo vo Jisu, ṉovo tabu ala Nabulu ni vo ṉoṉo bitoeveni Pakio.