Luke 24:44 - BAṈARA KO VAIRU AMA LEVELEVEO

⁴⁴ Ni vota eri kiolake sekasi, “Komi kio aṉa lula a melai bazuekema quli me so keru aṉa a melati eve keru me. Koa kiadama quli koko rikiziovima aṉa kolai ereivako Mosese ko Bazu kale, ni se poropita madu ko riki kale ni Devita ko kera kale ama ta tuvevo kota elou,” kiolake.

Luke 24:44 Iomraidhean Croise

Matiu 1:22

Koa kiadama quli ta ko erei tu vo poropita Aisea Baṉara ko soru kale o pidokikema quli ta tuvevo ko elo, ko eri,

Matiu 16:21

Koa taku kale azo inio Jisu ta o taniekake mai uria bazubazueko o disaipeli madu voko talio, ni eri kiolake, “Aṉata a ziovou Jerusalema ni sai nio aṉata ke tolaelou kubo quli kale se lotu tanatanamu ni se raura kama siama madu ni Mosese ko Bazu kekai nianiiekatani. Ni seta ke vouvaelou aṉa, melai zouke ala ṉaniu kale inio aṉata mata a jaevou,” kiolake.

Matiu 26:54

Melai kota pui so kopa kalou, ako so ko kalou ta ko Tabu ama Riki kikovevo ta pui nio tuvevo kopa elou sole,” kiolake.

Matiu 26:56

Melai komi quli koko ereivako ta se poropita madu ko riki kikovevo ko tuvevo puilo sole,” kio ke viqake, nio sea kiadama disaipeli madu ta keta va soqoike.

Maka 9:31

ako vota o nianiiekima sole voko disaipeli madu ke kiadakoi. Ni vota eri kiolake sekasi, “Aṉa maba a eveni lala ta ke vaelou se ruqe ama maba poso ko ṉase topi, tu seta ke vouvaelou, melai zouke ama ṉaniu kale aṉata mata a jaevou.”

Luke 21:22

Ako koa taku kale inio vo Baṉara ta o koqotaemou se maba poso tu ko Tabu ama Riki kikolani ta tuvevo ko elou.

Luke 22:37

Ako aṉata a melai bazueka ko Tabu ama Riki kale ko rikiziovima aṉa kale avo ko eri kikolako, ‘Vota o atailou se ruqe amu ko ataataiti kale,’ kikolako ta tuvevo avole ko ereilou, ako ko aṉa kolai rikiziovima quli ta tuvevo avole kobeta tanita ereilo sole,” kiolake.

Luke 24:46

ni vota eri kiolake sekasi, “Kota lula ko rikiziovi ko eri, vo Baṉara o soroevani Pakio ta o tolailou ni o vouvailou ni zouke ama ṉaniu kale vota mata o tova saevou voukale azo,

Luke 9:22

Ni vota mata eri kiolake sekasi, “Aṉa maba a eveni lala ta a matu tolailou ni kelai keduvou se lotu tanatanamu, ni se raura kama siama madu, ni Mosese ko Bazu kekai nianiiekatani. Ni seta ke vouvaelou aṉa, melai zouke ala ṉaniu kale inio aṉata mata a jaevou,” kiolake.

Luke 9:44

“Meta pui ukaka me ikou ko quli aṉa a melai bazueko ama quli me! Eri nio: aṉa maba a eveni lala ta ke vaelou se ruqe ama maba poso ko ṉase topi,” kiolake.

Jone 3:14

“Ni omadeuvo lulavo vo Mosese ta o zolaeke o ṉavi o erekema lipalipa dole kotoku topi lealea kama zaekale, se maba madu ke kevema ni ko saevimema, so jaria zolailo inio a elou aṉa maba a eveni lala,

Jone 5:39

Meta me lezumuka ko Tabu ama Riki kikolani, ako meta eri kimela ta kokale inio me qovou ko noqola kama saevo kimela sole. Maba ko ikio koa Tabu ama Riki ko kolai bazutako aṉa,

Jone 5:46

Meta lula maba tuvevo pueko me eva vo Mosese ko riki kikolani tea, meta me duvevo puelo inio aṉa, ako vota lula o kasele aṉa voko riki kale sole.

Iruruputo 13:40

So sole meta balauvomo, so inio se poropita madu ke kasekema quli ta pui ko elou me tona, ko eri kikevema:

Iruruputo 2:27

ako ṉota pui ukaka ṉoba ilou voumu ko zaekale sole; ṉota pui ṉoba zarielou aṉa ṉovo tabu ala nabulu lala tu aṉata a japeo niami kale.

Iruruputo 3:18

Melai vo Baṉara ta lula o pidokike se poropita madu kale kude ta vo o soroevo ala Pakio ta o tolailou; ni kota tuvevo ko evake vokale.

Iruruputo 7:37

Ni Mosese inio vo eri kioveni sea Izireli ama maba poso kasi, ‘Baṉara ta o melai soroevou me kala pado Poropita, omadeuvo vota o soroela aṉa jari, ni vota kala pado me ṉaviko qoqono kale ala,’ kioveni.

Hiburu 10:1

Mosese ko Bazu ta omadeuvo kama pado mamola koko kasekako koa uri ama quli Karisito o kati kuevako, kota pui ko ṉavi koa tuvevo ama quli Karisito o kati kuevako. So sole se siama madu ta upo ke kati ijaeka ereko koa omadeu keve siqato kiadama sabere ma sabere poso. Koa siqato ko ereko ta maba pui ko korotima se maba poso tu seta ke zio Baṉara ko sipole sidopu amu voko tanama kale.

Hiburu 3:5

Mosese ta kerula kala nabulu o eve Baṉara ko qoqono kasi voko mai bazueko kale se maba poso ko quli Baṉara o kaseko ama quli.

Hiburu 7:1

Voa Melekizedeki ta Selema peuru kale lekasa o eveni ni Matu Raura kala Baṉara vo siama. So keru Ebarahami obeta vaita keru pazokinio kale azo opa ruvurime keru ariku lekasa, so keru inio Melekizedeki ta opa toraevake vo, ni vota o maurumauruevake vo,

Hiburu 9:8

Kiadama ko quli kale Tabu ala Auvana ta uria kasa o mela ika anime ko anime mebeta ziovou lulueko ko tepe pade ko kalo tea, animeta pui nio me zarizia amaqeo ko Matu Tabu ama Zaekale, vo Baṉara ko tanama kale.

1 Pita 1:11

Ako vo Baṉara o soroeveni Pakio ko Auvana ta se poropita madu tona ko evake. Ni voa Auvana inio oma kasekeni se voa Pakio o kovo ama tola ni vou, ni voko ṉaṉaidara o kovo ama koa tolailo ni vou ko tova. Ni se poropita madu ta ke madoekake tu kekai nianiio vo Tabu ala Auvana oma kasekema quli ta noi keru ni lave ko taku kale inio ko ereilou.

Kelokelozato 19:10

Aṉata a loqunake voko kiti raki kasi tu a ilusivo vo kialake, melai vota eri kiolake aṉa kasi, “Pui ilusilo aṉa! Ako aṉata kala pado ṉokale ala nabulu lala inio, ni ṉoko lotu tamania kalea lala, ni seke kati inazani vo Jisu o puratikema tuveano kalea lala sole. Ilusiva vo Baṉara o kiada. Ako koa tuveano vo Jisu o puratikema ikio se poropita madu komai avoziako sole,” kiolake.