Luke 23:5 - BAṈARA KO VAIRU AMA LEVELEVEO

⁵ Melai seta kevai matu titiake vo Paelati ni eri kikelake, “Voko nianiiekato kale inio ko niumaniumato ko kerukeru ta lula ko tanita kiadama maba kasi se Jiudia peuru poso kale ke evani maba poso kasi. Vota o tanieke Qalili peuru poso kale ti obeta baroa koi vairutu,” kikelake.

Luke 23:5 Iomraidhean Croise

Matiu 11:1

Ni vo Jisu ta o paikake kai pesipesito koa voko nianiiekato o ṉaviko toni omuqa disaipeli madu kasi, ni vota o vaekake koa zae, ni ota olake nianiiekatole ni bazubazutole Qalili zavaṉa poso kale.

Matiu 2:1

Vo Jisu ta o alilake Betelihema peuru kale Jiudia rana, koa taku vo Herodi aikovakova obeta eva keru sai. Nio puliako tu keu kake maba poso ke lezumatani ko suti poso ko kavani ta ke kuevake ṉaniu ko peatakoi vasi azo Jerusalema peuru kale.

Matiu 27:24

Ni vo Paelati ta o keake ta pui opa roveovou dokolimo se ni seta keta matu korakorailou ni keta niumaniumatou, sole vota opa koake ko ju, ni o pusaekake voko ṉase sea vaki ko ubutiania, ni eri kiolake, “Aṉata pui kuiripato salala aba elou nea maba ko voukale avo! Melai kota me ṉaviko vatolo ikio,” kiolake.

Matiu 4:23

Nio vo Jisu ta okai taliake kiadama zae poso Qalili rana ni vota o mati nianiiekikake se maba poso seko ilusato ko pade kale, ni okai bazubazutake ko Uri ama Bazu vo Baṉara ko lekasa puo ko, ni o urikimake se maba poso kiadama azaazama vere poso samu.

Maka 1:14

Ni Jone Bapitaiso ke pirieva ko tova, nio Jisu ta ota olake Qalili ranama peuru poso kale ni okai bazubazutake vo Baṉara ko Uri ama Bazu.

Luke 11:53

Ni so keru vo Jisu o vaeke keru koa zae, inio se Mosese ko Bazu kekai nianiiekatani ni se Parese madu ta ke luluevake vo ni ke tanitake vai kuiriko kubo ruqe ama quli, ni kevai kuimakuimaekake matu kubo quli.

Luke 23:23

Melai seta matu ti matu velavelao keta evake tu Jisu ta o patoilo korosi topi, nio vota o zorikake seko velavelao kikolani jari.

Luke 23:6

Nio so keru Paelati o viqa keru ko quli, inio vota o kuimaemake se ni eri kiolake, “Sole nea maba ta Qalili ala maba inio, kio?” kiolake.

Jone 1:43

Ni koko raneo kale inio Jisu ta ota zio kiolake Qalili rana, so sole vota o zolaike ni ota olake. Ni vota o veake vo Pilipi sai ni eri kiolake vokasi, “Luluela aṉa!” kiolake.

Jone 19:15

Ni seta mata ke velavelaoke, “Vouvaevomo! Vouvaevomo! Patoevomo korosi topi!” kikelake. Ni Paelati ta o kuimaemake ni eri kiolake, “Meta meqai zaria tu aṉata a vouvaevou mevo aikovakova, kio?” Ni se raura kama siama madu ta eri kikelake, “Eṉeta omadeu pado aikovakova saṉela, ni vo inio vo Romu ala Aikovakova!” kikelake.

Jone 2:11

Jisu ta o erekake koa kuleto ama voko aqasiele ama iruruputo Kena peuru kale sai Qalili, ni koa kalo kale vota uria kasa o ikake voko ṉaṉaidara, ni voko disaipeli poso ta ke tuvevo puevake vo.

Jone 7:41

Ni mata kake ta eri kikelake, “Vo inio vo Baṉara o soroeveni Pakio!” Melai mata kake ta eri kikelake, “Pui, vo Baṉara o soroevani Pakio ta pui opa kilou Qalili ranʼazo!

Jone 7:52

Nio seta ke vati tiorikake vo, “Ṉo melai Qalili rana lana, kio? Lezumuka ko Tabu ama Riki ni ṉota ṉo baqumukou ko puliala poropita ta o purata Qalili kio, nea maba o kuevikoi kazo,” kikelake.

Iruruputo 10:37

Meta meqai nianiia koko ereima quli Izireli, koko tanitema Qalili Jone kai bazubazuto kale voko bapitaiso ko bazubazu ko tova.

Iruruputo 23:10

Ni ko zolizoliekinio ta matu ti matu naizato kota evake ni voa solodia madu ko kuleto ala ta ota ṉake tu vo Paula ta silosilo pala ke ivo. So sole vota o bazuemake voko solodia madu tu ke saqoro tu ke noqoevo vo Paula, tu ke vati zio sekasi azo idi qara ko poro kale solodia madu ko zaekale.

Iruruputo 5:33

Nio so keru koa Kauniseli ko maba poso ke viqa keru ko, seta keta matu iqaike ni keka zariake vouvaemo se apositolo madu.

Iruruputo 7:54

Ni so keru se Kauniseli kale amu keta va viqa keru vo Sitiveni ko pesio inio seta keta matu iqaike ni keta nanaburitake vai korakorailole vo.

Iruruputo 7:57

Nio se Kauniseli ko maba poso ta ke matu upaupatake ni ke sutamukake seko taliṉa seko ṉase kale. Ni sea kiadamu ta kevai rerikiniake vo,