Luke 22:52 - BAṈARA KO VAIRU AMA LEVELEVEO

⁵² Nio Jisu ta eri kiolake se raura kama siama madu kasi ni se Jelepade ke kati vailani ko kuleto amu kasi ni lotu tanamu kasi seke kuevini sai vo vovole, “Meko kerukeru kale ta aṉata kala matu ruqe ala kuiloa lala ni pazokinio ko maba lala la kimela inio meta meda kueva benisi poso ni kubau poso sate kio?

Luke 22:52 Iomraidhean Croise

Matiu 26:47

Ni so keru Jisu obeta pesipesita keru nio Jiudasi, kala sea toni omuqa disaipeli madu kale ala, ta o baroake. Ni vo ke luluevani ta matu kubo vaki ke borikake ko benisi ni kubau, se raura kama siama madu ni se lotu tanatanamu ko soropato kale.

Matiu 26:55

Ni so keru inio Jisu ta mata eri ma kiolake sea vaki, “Meko kerukeru kale ta aṉata kala matu ruqe ala kuiloa lala ni pazokinio ko maba lala la kimela inio meta meda kueva benisi poso ni kubau poso sate tu noqoelole aṉa, kio? Aṉa inio abeta papua ni a nianiiekatani lala kiadama ṉaniu poso ubutiania Jelepade kale melai pui me noqoela sai.

Luke 22:37

Ako aṉata a melai bazueka ko Tabu ama Riki kale ko rikiziovima aṉa kale avo ko eri kikolako, ‘Vota o atailou se ruqe amu ko ataataiti kale,’ kikolako ta tuvevo avole ko ereilou, ako ko aṉa kolai rikiziovima quli ta tuvevo avole kobeta tanita ereilo sole,” kiolake.

Luke 22:4

So sole Jiudasi ta o olake se raura kama siama madu kasi ni se Jelepade ke kati vailani ko matuma maba poso ni okai pesipesitake sekasi vo o ivo avo saiqorivo vo Jisu.

Luke 22:51

Melai Jisu ta o riqaemake se ni eri kiolake, “Me baika inio!” Nio vota ota va tibaekake voa maba ko taliṉa ni o urikivake vo.

Luke 22:53

Aṉa inio abeta evani lala kiadama ṉaniu poso me sase Jelepade kale, ta pui me noqoela sai. Melai komi kio meko taku meqai iruruputako, ni kota ko kutumana ko pizato ko taku,” ma kiolake.

Jone 17:12

Ako so keru aṉa a mati eve keru miduku kale aṉata a mati vaile ṉoko ṉi ko pizato kale, koa ṉi ṉoṉo qatilema aṉa kale. Aṉata a mati vaile se ni puliala kala pado ta opa mumai, melai vo okai zuateni ko mumailo o kiada inio o mumai, tu ko Tabu ama Riki kikovevo ta tuvevo ko elo.

Iruruputo 5:26

Nio se Jelepade ke kati vailani ko kuleto ala ta o olake voko maba poso sase tu ke mati vaito se apositolo madu sekasi. Seta pui ke rajarajaemake, melai ke vanonoriemake, ako seta keta ma ṉake se maba madu ta ke taimou lado kale sole.