Luke 21:8 - BAṈARA KO VAIRU AMA LEVELEVEO

⁸ Nio Jisu ta eri kiolake, “Balauvomo, tu puliala ta o lipalipaemelou me. Ako matu kubo maba madu inio ke kilou ni eri kikevou, ‘Aṉa inio voa Pakio vo Baṉara o pitoevani lala!’ kikevou, ni Taku ta lula kota baroa!’ kikevou. Melai meta pui me luluemou se.

Luke 21:8 Iomraidhean Croise

Matiu 24:11

Ni matu kubo lipalipa kama poropita madu melai keta puratou ni ke saruemou matu kubo madu.

Matiu 3:2

Nio vota eri kiolake se maba poso kasi, “Meta liliziomo meko ruqe kale azo, ako vo Baṉara ko lekasa puo ta matu sipole sole,” kiolake.

Matiu 4:17

So sole koa taku kale inio Jisu ta o taniekake kai bazuto voko bazubazu, ni eri kiolake, “Meta liliziomo meko ruqe kale azo, ako vo Baṉara ko lekasa puo ta matu sipole sole,” kiolake.

Luke 17:23

Kama maba poso ta eri mela kikevou me, ‘Vemo unei nio vo Baṉara o pitoevani Pakio!’ ma ‘Vemo nei nio!’ melai meta pui saqoro velole vo.

Luke 21:7

Ni seta ke kuimaevake vo ni eri kikelake, “Lekasa, noi keru inio ko quli ta ko ereilou? Ni loma quli mamola ikio ko elo ama tu ko mamola pueko koko ereilo ama quli?” kikelake.

Luke 21:9

Ni so keru meme viqou keru ko matuma pazokinio ko bazu ni ke navio kude kanaekinio ko bazu melai meta pui me ṉalou, ako ko quli poso ta kota ereilou kuleto, melai kota pui ko kasekako ikio peuru ma peuru ko paitopaito ko taku ta sipole kota barou kio,” kiolake.

Jone 5:43

Aṉata a quevi a Mama ko vatolo kale, melai meta pui me baroekila aṉa, melai kala maba vo o kilo ala o ṉaviko vatolo kale ta me baroekivou vo.

Jone 8:24

Sokale avo inio aṉata a bazuemela ta meta meda vouvou meko sarueko poso sate. Ako meta pui me duvevo puekou ko ‘Aṉa inio ko Aṉa lala’ kio, ta meta meda vouvou meko sarueko poso sate,” kiolake.

Jone 8:28

So sole Jisu ta eri kiolake sekasi, “Meme zolaelou keru aṉa maba a eveni lala nio meta meqai nianiiovou ko ‘Aṉa inio ko Aṉa lala’ kio. So inio meta meqai nianiiovou ko aṉata pui a ereka a qiada kama quli, melai kota aṉavo Mama olai nianiiekikema aṉa tu a qaseko nio kimevou.

1 Koriniti 6:9

Meta pui nio meqai nianiia se ruqe amu ta pui kepa amaqeovou vo Baṉara ko lekasa puo kale? Meta me uria paqumukou komi; pui se olavo amu, ni pui seke ilusikani ko beku ni pui seke zavematani ni pui se lasive amu ke ṉavio kude ke pauvekani ruqe ama iruruputo,

Epesasi 5:6

Ni meta pui zariemo kake tu ke saruemelo me lipalipa kama bazu kale. Ako koa boutare poso aṉa abe kasekako kale avo inio vo Baṉara ko korakorailo ta komai barolou sole se pui ke zoripatani.

2 Tesalonaika 2:3

Meta pui zarievo kala tu vota o lipaemelo kama keve kale, ako koa Naṉiu ta pui erile kopa barolou sole, melai kota ko kilou kuleto kubo madu ke matu bikoirivou keru vo Baṉara ni o puratou keru vo matu ruqe ala maba, vo noqola tolailo o elo ala heli kale.

2 Timoti 3:13

ni se ruqe ama maba madu ni se lipalipa kamu ta matu ti matu ruqe avo ke kalou, ni seta ke lipaemou se edolomu ni ke lipailou ke ṉavi.

1 Jone 4:1

A baerebaere poso, matu kubo lipalipa kama poropita madu ta iniseana komia peuru ma peuru kale. So sole meta pui meda ma utu tuvevo puekou seko bazu sea kiadamu seke kasekani ko Baṉara kasi azo ama bazu kikelani. Melai meta didiekomo ni uria kerukeruekomo koa bazu poso kikolani tu kai nianiimo ta kota ko kuevako ikio vo Baṉara kasi azo ma pui kio.

2 Jone 1:7

Matu kubo lipalipa kama nianiiekato ko maba madu ta iniseana komia peuru ma peuru kale. Ni seta eri kikela, vo Jisu Karisito ta pui maba opa eve ni pui opa kuevi miduku kale koa voko maba elo kale kikela. Vo so kiolani ta lipalipa kala nianiiekato ko maba ni vo inio vo Karisito vo kana.

Kelokelozato 1:3

Maurumauru ala voa maba vo o tiromiko ala komia riki ni maurumauru amu seke viqo amu koa leveleveo sama bazubazu, ni seke zoriko amu komia riki kale ko rikiziovima quli. Ako kota pui tu kopa keuvou ti komi quli ta ko ereilou sole.

Kelokelozato 12:9

Nio voa matu ti matula dole ta o ṉamuike aukale azo, voa kuleto o eveni dole, voa ziolo ko kuleto ala vo Setani va kikelani, vo o lipalipaekeni ko pado ama peuru ma peuru. Vota o ṉamui miduku kale, kiadama voko mateana poso sate.