Luke 2:48 - BAṈARA KO VAIRU AMA LEVELEVEO

⁴⁸ Ni voko mama ni niania ta qota matu polosake so keru nioqa qo veve keru vo, nio voko niania ta eri kikolake vokasi, “Meqora, noi sole inio ṉota ṉo erekala eri ama quli eqe kasi? Ṉovo mama ni aṉa ta matu tiṉoliṉoli qeta eva vailiṉole ṉo,” kikolake.

Luke 2:48 Iomraidhean Croise

Matiu 12:46

Ni vo Jisu obe mati pesipesita keru maba poso pade kale inio voko niania ni visi poso ta kebe baroake. Ni seta ke lojoake kupekupe, ako seta keva zariake vati pesio sole vo Jisu.

Luke 2:49

Nio vota o kati tiorikake nioqa ni eri ka kiolake, “Noi sole inio qeta qe vaililala aṉa? Qeta pui qekai nianiia ta ko male tu aṉata koi a Mama ko pade kale abeta eva kio?” kiolake.

Luke 3:23

Ni Jisu o tanieke keru voko iruruputo ta vota esa zouke toni sabere ala keru inio. Jisu ta Josepa vo meqora inio, kikelake se maba poso. Josepa ta Heli vo meqora,

Luke 4:22

Nio sea kiadamu ta keva matu zoleike vo ni aqasiele kekai evake koa matu ileile ama pesio poso vo o rukuekema. Nio seta eri kikelake seko vuzeilo kale, “Koe, nei ta pui vo Josepa vo meqora soikoni!” kikelake.

Jone 1:45

Nio Pilipi ta o luluevake vo Jisu, ni koko tova inio vota o veake vo Nataniala ni o bazuevake vo, “Eṉeta ṉe veala vo tivoine vo o kaseini vo Mosese ko Bazu kale, ni se poropita madu ko riki kale. Vo inio vo Nazareti ala Jisu, Josepa vo meqora,” kiolake.