Luke 2:10 - BAṈARA KO VAIRU AMA LEVELEVEO

¹⁰ Melai voa mateana ta eri kiolake sekasi, “Pui ṉalo! Aṉata meko uri ama bazu salala, koko kati kilo ama ko matuma zoleilo kiadama maba kasi.

Luke 2:10 Iomraidhean Croise

Matiu 14:27

Melai Jisu ta o pesiake sekasi ni eri kiolake, “Meta pui ṉalo; aṉata Jisu lala inio,” kiolake.

Matiu 28:18

Ni Jisu ta sipole o imake se ni eri ma kiolake, “Baṉara ta o katile aṉa ko pizato tu aṉa inio lekasa aqa elou kiadama quli aukale ama ni miduku kale ama.

Matiu 28:5

Ni vo mateana ta eri kiolake nioqa omuqa rekoreko kasi, “Qeta pui ṉalo. Ako aṉata a qelai nianiia qeta qe kueva velole vo Jisu vo ke patoeveni.

Maka 1:15

Ni eri kiolake, “Ko tutututuki ama taku ta kobeta kueva, ni vo Baṉara ko lekasa puo ta sipole! Tu meta liliziomo meko ruqe kale azo ni tuvevo ikomo ko Uri ama Bazu,” kiolake.

Maka 16:15

Nio Jisu ta eri ma kiolake se, “Meta me ziovou kiadama peuru poso kale komia peuru ma peuru kale ni meqai bazutou aṉako Uri ama Bazu kiadama maba poso kasi.

Luke 1:13

Melai vo mateana ta eri kiolake vokasi, “Ṉota pui ṉalo, Zekaraia! Vo Baṉara ta lula o opatika ṉoko vararaito, nio ṉoko reko Ilizabeti ta ko vovou kala lasive meqora. Ni ṉota ṉovai nokaekou voko ṉi ta Jone.

Luke 1:19

Nio vo mateana ta o vati tiorikake vo, ni eri kiolake vokasi, “Aṉata Qebireli lala. Aṉata a lojoani lala vo Baṉara ko tanama kale, vo o soroelani lala tu aqai pesio ni a qaseko komia uri ama bazu ṉokasi.

Luke 1:30

Nio vo mateana ta eri kiolake, “Pui ṉalo, Mere, ako ṉota lula ṉo qoa vo Baṉara ko baiseo sole.

Luke 2:11

Vairutu komia ipu kale mevo Pakio ta lula o alilala vo Devita ko peuru kale; vo inio vo Lekasa ni vo Baṉara o soroevani Pakio!

Luke 24:47

ni voko ṉikale inio lilizio ni sarueko ko akoezato ko bazu ta ko kaseilou, Jerusalema ko tanitou ti kobeta barou kiadama peuru ma peuru kale ama qoqono poso kasi.

Luke 8:1

Ni kama taku poso ko tova inio Jisu ta o lipilipitake matuma ni silo ama peuru poso kale, ni okai bazubazutake ko Uri ama Bazu vo Baṉara ko lekasa puo ko. Ni sea toni omuqa disaipeli ta ke olake vo sate,

Iruruputo 13:32

Ni eqeta koi tu qe kati kilo ko Uri ama Bazu mekasi, ko eri, ko quli vo Baṉara leveleveo oma kasekema quli animeko taite poso tu o erekou, erisaṉa vota lula o ereka anime kasi, seko vikuvikula mela kasi, vo Jisu ko saevivo voukale azo ama. Omadeuvo ko lula ko rikiziovima Devita ko kera omuqa kale jari, ‘Ṉota aṉavo Meqora ṉa; vairutu aṉata a bazueṉa ṉo, ta aṉata ṉovo Mama lala,’ kiolake.

Romu 10:15

Ni noni ko kalou inio ko bazu ta ko kaseilou puliala bazubazuto ko maba o soroilou ta? Omadeuvo ko Tabu ama Riki kikovevo jari, “Matu zolezole ama quli anime kasi seko kati kilo ko Uri ama Bazu!” kikolako.

Epesasi 3:8

Ako aṉa inio matu zara kalala sole se vo Baṉara ko maba madu kasi azo. Melai vo Baṉara ta o katilake aṉa komia puaro; vota o katilake komia sake tu aṉa inio amai bazuekoa lala se pui Jiu amu vo Karisito ko aqasiele ama Uri ama Bazu, ko puliala opa roveovo ama podetiko.

Kolosi 1:23

So sole meta vinavina tuvevo puekomo ko Uri ama Bazu tu pizaka lojomo ni pui epeilo kerukerueko koa uri ama quli meme qovo ama ko lula meme viqema Uri ama Bazu kale, koa Uri ama Bazu aṉa Paula lala aqai iruruputako tu aqai bazuto kiadama maba kasi.