Luke 19:13 - BAṈARA KO VAIRU AMA LEVELEVEO

¹³ Nio puliako vo zio, vota o nokaemake toni voko nabulu madu ni vota omai okotikake katimo sea kiadamu omaomadeu ko qolo seleni, ni eri ma kiolake se, ‘Meta kai iruruputomo ni mata kai komo kama seleni aṉa zio maqa,’ kiolake.

Luke 19:13 Iomraidhean Croise

Matiu 25:16

Nio voa nabulu vo o kativeni sike vuro takula ta o olake ni okai iruruputake koa seleni ni o puratikake mata kama sike vuro takula.

Matiu 25:20

Nio vo o kativeni sike vuro takula ta o kuevake, ni eri kiolake, ‘Lekasa, ṉota ṉo qatile aṉa sike vuro takula ni aṉata mata a qoa kama sike vuro takula ni kota ṉoko toni vuro, ṉoṉo qatilema ni aṉa a buratikako,’ kiolake.

Matiu 25:22

“Ni vo o kativeni omuqa vuro takula ta mata o kuevake ni eri kiolake, ‘Lekasa, ṉota ṉo qatile aṉa omuqa vuro takula, ni aṉata mata a qoa kama omuqa vuro takula ni komi ta ṉoko ariku vuro takula,’ kiolake.

Matiu 25:24

“Ni vo o kativeni omadeu vuro takula ta mata o kuevake ni eri kiolake, ‘Lekasa, aṉata aṉai nianiia ta ṉota tapata kala maba ṉa, ako ṉota ṉo qajorani ṉa sai pui ṉoṉo bapatakoi, ni ṉo qoazatani ṉa sai pui ṉoṉo iruruputakoi.

Luke 19:12

So sole vota eri kiolake, “Omadeu taku kala pado raura kala maba ta obeta evake, vo o keveni kama pado matu vaṉama peuru kale lekasa puilole, ni sai kazo inio o vaitou o peuru kale kioveni.

Luke 19:14

Melai voko peuru kale amu ta kevai kideipake vo, so sole seta ke vati luluekake kama pado bazu ko eri kikolako, ‘Eṉeta pui ṉeva zaria nea maba tu vota eṉevo lekasa o elo,’ kikolako.

Jone 12:26

Vo oka zariani la nabuluputo aṉa ta o luluelo aṉa, tu voa aṉavo nabulu ta o elou aṉa sase sai aṉa a eloa koi. Ni aṉavo Mama ta o rauraevou vo vo ola nabuluputo ala aṉa,” kiolake.

Qelesia 1:10

Noni, aṉa so kio kale ta meta me qerukeruta ta aṉata aqa zaria tu zolemo se maba poso kimela? Maba pui! Ako aṉata Baṉara inio ava zaria zolevo sole. Ni aṉata aqa zaria tu zolemo se maba madu pala tea aṉata pui vo Karisito vo nabulu lala inio.

Jemisi 1:1

Aṉa Jemisi lala, vo Baṉara ni Lekasa Jisu Karisito vo nabulu lala, ta a rikieka komia roquano sama leta kiadama vo Baṉara ko maba poso mela me lula birebirea elo me evani mela kasi kiadama peuru ma peuru kale.

2 Pita 1:1

Aṉa Saimone Pita lala vo Jisu Karisito vo nabulu ni apositolo lala. Aṉata a joroeka aṉako riki mekasi, me matu qulepo ama oqu samela kasi eṉe ṉe qoema oqu jari ama. Ni meta me ṉeamuka koa oqu ako animevo Baṉara ni Pakio Jisu Karisito ta ijatiniavo o kavani ni sidopu ala sole.