Luke 18:34 - BAṈARA KO VAIRU AMA LEVELEVEO

³⁴ Melai se disaipeli madu ta pulia quli ke paqumukake vo kiolani, koa pesio poso ko kio ni kalo ta kota ma daipaike sole, so sole seta pui kekai nianiiake vo Jisu o kasekema quli.

Luke 18:34 Iomraidhean Croise

Maka 9:32

Melai seta pui ke paqumukake voko nianiiekato kikolani, ni keta paṉaoke tu kevai kuimaeko.

Luke 18:33

Ni seta ke sisiparu puelou ni ke vouvaelou, melai zouke ala ṉaniu kale inio aṉata mata ada tova saevou,” kiolake.

Luke 2:50

Melai nioqata pui qo paqumukake vo kiolani nioqa kasi.

Luke 24:25

Nio Jisu ta eri kiolake nioqa kasi, “Qea sarubea qela, matu niuniala inio qeta eva, nio pui qe tuvevo pueka kiadama quli se poropita madu kikevevo seko riki kale!

Luke 24:45

Nio vota oma veukake seko kerukeru tu seta ke paqumuke Tabu ama Riki poso kikolani,

Luke 9:45

Melai se disaipeli madu ta pui ke paqumukake koa pesio ko kio ni kalo. Kota kota ma daipaike, so sole seta pui ke vakakukake ko, ni seta keta paṉaoke tu vai kuimaeko vo koko kio ni kalo.

Jone 10:6

Jisu ta omai bazuekake koa podepodeti, melai seta pui ke paqumukake vo o kasekema quli sekasi.

Jone 12:16

Ni voko disaipeli poso ta pui ke paqumukake koa taku kale, melai koko tova, voko mata saevo keru voko ṉaṉaidara sate inio seta ke kerukeruekake ta koa Tabu ama Riki va kikovevo ikio koko ereima quli Jisu kasi kikelake.