Luke 17:2 - BAṈARA KO VAIRU AMA LEVELEVEO

² Soala maba o saruevou kala nia silo amu se tuvevo ke ilani aṉa ni ota va epezikou voko lai oqu aṉa, ta uri tu kota va titiziovou voko qonaqona topi ko matu lado ni o ṉamuilou kolo tiania tu o duluilo sai.

Luke 17:2 Iomraidhean Croise

Matiu 17:27

So jari nio aniqeta Baṉara ko ṉisa peuru kalea qela sole pui qe male tu tabariko voko Jelepade ko takisi. Melai uri tu aniqeta qe tabarikou, pui uri tu qe korakoraemo sole se. Tu ṉota ola koa toupa kale ni ṉo risaekou ṉoko tali ni vo kuleto ṉo vovo ala niuniu ta ṉoda va akarikou voko suto ni ṉo qovou ko takula ko maleziko ama aniqeko tabariko ko Jelepade ko takisi,” kiolake vo Jisu.

Matiu 18:10

Nio vo Jisu ta mata eri kiolake sekasi, “Meta balauvomo ni pui zaraemo nia meqora poso jari amu, ako seta mateana samu sole aṉavo Mama kasi aukale, seke mati vailani.

Matiu 18:14

So pado jari nio mevo aukale ala Mama ta pui oka zaria tu kala nia meqora poso jari amu kale ala ta noqola tolailo o elou heli kale,” kiolake.

Matiu 26:24

Ako aṉa maba a eveni lala ta soa vou inio a elo avo ko Tabu ama Riki kikovevo sole. Melai matu ruqe ama quli kio kovai barolou voa maba vo o saiqorilo ala aṉa maba a eveni lala, ni noni kaqe inio ota alile?” kiolake vo Jisu.

Maka 9:42

Ni Jisu ta obeta olake bazubazuto ni eri kiolake, “Kala maba ta o saruevou kala nea meqora jari ala, vo o tuvevo puelani aṉa, ni ota va epezikou voko lai oqu aṉa, ta voa maba o saruevani vo ta ko male tu tava titieko ko matu lado o qonaqona topi ni duluevo vo kolo kale.

Jone 21:15

Ni seko vikalea keazaito ko tova inio Jisu ta eri kiolake Saimone Pita kasi, “Saimone, vo Jone vo meqora ṉa, ṉota ṉo qulepa roquelo aṉa komi quli kale azo, kio?” kiolake. Ni vo Pita ta o opatake ni eri kiolake, “Tuvevo, Lekasa, ṉota ṉoqai nianiia aṉata a roqueṉa ṉo,” kiolake. Sai nio Jisu ta o bazuevake vo, “Ṉota niaeka aṉako sipi meqora poso,” va kiolake.

1 Koriniti 9:15

Melai aṉata pui aba ka zariovi kovo koa kiadama aṉako male ama quli. Ni aṉata pui a rikieka komi quli erisaṉa tu aṉata ada mela kovo kama quli. Ako aṉata a vouvou melai uri, melai aṉata pui ada mela kovou kama quli sole! So inio puliala ta opa roveovou parakiko aṉako sidopu ama kai raurailo aṉako tabara pidea puariko ko Uri ama Bazu!

1 Koriniti 9:22

Se lekuleku ama kerukeru samu kasi a eva keru ta aṉa melai se jaria lekuleku a eva, tu se jaria lulueko kama tabu kale aṉata a lilimo se. So sole aṉata a mati ijatinia puekinia kiadama maba poso kiadama quli kale, tu kiadama keve kale aṉata a lilimou kake.