Luke 16:9 - BAṈARA KO VAIRU AMA LEVELEVEO

⁹ Ni Jisu ta obeta olake pesio ni eri kiolake, “Aṉata a bazuemela me, tu kai lolopareomo komia peuru ma peuru kale ama batiro meko mai tauveko kale edolomu, ni so keru koko paitou keru, inio vo Baṉara ta o baroekimelou me voko noqola kama pade kale.

Luke 16:9 Iomraidhean Croise

Matiu 19:21

Nio Jisu ta o vati tiorikake, ni eri va kiolake, “Ṉota ṉoqai zaria matu uri ama maba ṉa elo, sole ola tu pa kai tatabaraovi kiadama ṉoko lomaloma, ni ṉota ṉo qatimou koko takula se ozaoza kamu, inio ṉota batiro saṉa ṉo elou Baṉara kasi. Saita inio ṉo luluelou aṉa,” kiolake.

Matiu 6:19

Nio vo Jisu ta obeta olake bazubazuto ni eri kiolake sekasi, “Meta pui padoeko meko batiro miduku kale, ako sai nio kota moatakou ni ko narakou, ni sai ta se kuilokuilo amu ta ke puraekou ko pade, ni ke kuilikou ko batiro sole.

Matiu 6:24

Nio vo Jisu ta obeta olake bazubazuto ni eri kiolake sekasi, “Puliala nabulu ta opa roveovou ka nabulupute omuqa lekasa. Vota o roquevou kala ni ovai keduvou kala. Vota ovai masapou kala, ni vota dikidauputole ova nabuluputou kala. Omadeuvo so jari nio meta pui meba roveovou omadeu ilusiko Baṉara ni batiro.

Luke 11:41

Melai meta katimomo se ozaoza kamu meko peleta ni kapa kale ko evako quli, nio kiadama quli ta bulebule ko melai elou vo Baṉara ko vilu kasa.

Luke 12:33

Meta kai tatabaraomo meko lomaloma poso ni katimomo koko seleni se ozaoza kamu. Koa keve kale meta erekomo kama noqola vesa seleni ko, ko pui kopa purailo ama, ni vailikomo ko aukale ama batiro, tu se kuilokuilo amu ta pui ke kovou, ni puliama kokorosi kopa niumaekou.

Luke 14:14

nio vo Baṉara ta mauru o iṉou ṉo, ako seta pui kepa roveovou ereko koko vaitotola sole. Melai Baṉara ta o katiṉou ṉo koko besibesi so keru se sidopu amu ke saevou keru voukale azo,” kiolake.

Luke 16:11

So sole meta pui kerula me elou meko kai iruruputo kale komia peuru ma peuru ama batiro, ta meta mata pui kerula meba elou meko kai iruruputo kale ko tuvevo ama batiro.

Luke 16:13

“Puliala nabulu ta opa roveovou ka nabulupute omuqa lekasa. Vota o roquevou kala ni ovai keduvou kala. Vota ovai masapou kala, ni vota dikidauputole ova nabuluputou kala. Omadeuvo so jari nio meta pui meba roveovou omadeu ilusiko Baṉara ni batiro,” kiolake vo Jisu.

Luke 16:4

Aṉata a baqumuka aṉa a qalo avo! Aṉata soa elo a elou, ti so keru aṉako koidi ko vaelou keru, aṉata baerebaere saṉa a elou seke baroekilo amu aṉa seko pade poso kasi!’ kiolake.

Iruruputo 10:31

ni eri kiolala, ‘Koniliasi! Baṉara ta ota ṉa viqala ṉoko vararaito ni vota ota ṉa keala ṉoko puaropuaro sama iruruputo se ozaoza kamu kasi.

Iruruputo 10:4

Nio vota o toiritoirivake voa mateana ni voko ṉalo sate vota eri kiolake, “Loma ikio, tanala?” kiolake. Nio vo mateana ta o vati tiorikake vo ni eri kiolake, “Vo Baṉara ta oka zoleiva ṉoko vararaito ni ṉoko tauvezato sama iruruputo, ni vota o kerukerueṉa ṉo.

2 Koriniti 4:17

Ni eṉeko komia silo ama ni puju ama tola poso ikio ko odieṉela eṉe matu ṉaṉaidara kama reketekete kale, koa matuma ni paito pide ama reketekete, ko silo jaria kelo ko ikako koa kiadama tapata poso.

Jiudi 1:21

ni meta emo vo Baṉara ko roquano ko poro kale, meko tarevo kale vo animevo Lekasa Jisu Karisito tu o katimelo me ko noqola kama saevo voko akoekato sama roquano kale.