Luke 16:8 - BAṈARA KO VAIRU AMA LEVELEVEO

⁸ “Ni koa kalo vo o erekako kale avo inio vo lekasa ta o rauraevake voa lipalipa kala vailo ko maba voko roverove ama kalo kale. Aṉata aqai bazubazuta ko quli ako komia ruqe ama peuru ma peuru kale ama maba poso ta roverove amu ni kemai paloasa se Baṉara ko zakaremu kale ke evani seko korotiko kale ke ṉaviko uri sole.”

Luke 16:8 Iomraidhean Croise

Matiu 12:32

Vo o ruqe kaselo ala aṉa maba a eveni lala ta kota va akoilou koa sarueko. Melai vo o ruqe kasevo ala vo Tabu ala Auvana ta pui kopa tava akoilou koa sarueko komia miduku kale ni mata tova aukale.

Matiu 17:26

Pita ta o vati tiorikake ni eri kiolake, “Se edolomu inio,” kiolake. So sole vo Jisu ta mata eri kiolake, “Ṉoda tuveana. Sole se edolomu pala inio ke tabarikou, melai se koa ṉisa peuru kale amu ta pui.

Luke 16:10

Vo kerula o evani silo ama quli kale ta kerula o elou matuma quli kale; vo saqaiqara o evani silo ama quli kale ta saqaiqara o elou matuma quli kale.

Luke 16:4

Aṉata a baqumuka aṉa a qalo avo! Aṉata soa elo a elou, ti so keru aṉako koidi ko vaelou keru, aṉata baerebaere saṉa a elou seke baroekilo amu aṉa seko pade poso kasi!’ kiolake.

Luke 16:7

Nio vota mata o kuimaevake omuqala pado maba ni eri kiolake, ‘Latau kio ṉoko lipulipu?’ Ni voa maba ta o opatake, ‘Omadeu vuro baeke vuiti, kiolake. Vailo ko maba ta eri kiolake, ‘Komi kio ṉoko lipulipu ko pepa, sole rikieka siotolu paizana!’ kiolake.

Luke 18:6

Ni vo Lekasa Jisu ta obeta olake pesio ni eri kiolake, “Tava viqomo vo ruqe ala titizato ko maba ko pesio kikolani.

Luke 20:34

Nio Jisu ta o mati tiorikake se, “Komia miduku kale ama saevo kale ta lasive ni reko ta ke raekinia,

Luke 20:35

melai so keru seke malezikani ko voukale azo ama mata saevo ke tova saevou keru ta seta pui kepa rorotou.

Jone 12:36

Ko zakaremu mekasi palate, meta tuvevo puekomo koa zakaremu, tu meta zakaremu ko maba mela me elou,” kiolake. Nio Jisu ko so kio ko tova inio vota ota olake edolokoi ni vota ota daipaivake sekasi azo.

1 Koriniti 3:18

Puliala maba ta opa lipailou o ṉavi. Kala me azo voko kerukeru kale ta nianiiola komia ruqe ama peuru ma peuru kale ama nianiio kale kiovou, uri tu vota sidopu o elou, komia ruqe ama peuru ma peuru kale amu sarube ka kikelako sidopu. So inio vota tuvevo avole nianiiola ota elou vo Baṉara ko kelokelozato kale.

Epesasi 5:8

Ako koko paloasako taku kale meta kutumana kamela, melai erisaṉa meta animevo Lekasa ko zakaremu kalea mela. Ako ko zakaremu ikio ko kati kuevi sole kiadama uri ama ni sidopu ama ni tuveano sama kalo. So sole meta saevomo se zakaremu ko maba poso ko malezikako saevo kale.

Pilipai 3:19

Ako koa kalo se kekai saevako ta ko odiema sole se heli kale ama noqola tolailo kale, seta pui keva nabuluputa sole vo Baṉara melai seta ke ereka sole seko tupu kokai zariako quli. Ni kekai raurarauraiva sole koa qurato sama quli, ni kiada keru viluloqu kekai eva komia miduku kale ama quli.

1 Tesalonaika 5:5

Mea kiada mela ta zakaremu ko maba poso mela, ni ko ṉaniu ko maba poso mela. Ako animeta pui ipu ni kutumana ko maba poso mela.

1 Pita 2:9

Melai me inio voko pitopito ama qoqono mela, ni voko siama madu mela meva nabuluputani mela vo Aikovakova Baṉara, voko tabu ama maba poso mela, ni o ṉaviko jiku mela. Ni me inio vo Baṉara o pitoemeleni mela tu meqai bazutou koa aqasiele ama quli vo o mela erekema. Ako vota o nokaemele sole me kutumana kale azo o ṉaviko aqasiele ama zakaremu kale sole.

1 Jone 3:10

So sole animeta memai nianiia inio vo Baṉara ko meqora poso ni vo Setani ko meqora poso. Ako se pui ke erekani ko sidopu ta pui vo Baṉara ko meqora poso inio, ni se pui ke roquemani seko lotu tamania kale amu melai pui vo Baṉara ko meqora poso.