Luke 16:6 - BAṈARA KO VAIRU AMA LEVELEVEO

⁶ Ni vota o vati tiorikake ni eri kiolake, ‘Siotolu paizana qaloni Olive oela.’ Nio voa vailo ko maba ta o bazuevake vo ni eri va kiolake, ‘Uri tu koa komi ṉoko lipulipu ko pepa ni papi tu rikieka ni taka lipueka ariku paizana!’ kiolake.

Luke 16:6 Iomraidhean Croise

Matiu 20:8

“Sipole ṉaniu o sulupou kiola keru inio nea vaini kiaro ko tanala ta o bazuevake vovo iruruputo maba ko kuleto ala tu vota o odiemou seke iruruputani tu o tabarimo se. Nio vo o tabarima keru vota o taniekake tabarimo se tova ke taniteni iruruputo kasi azo ti obeta baroake se kuleto ke iruruputeni kasi.

Luke 16:12

Ni meta pui kerula me elou edolola maba ko lomaloma kale, ta vo Baṉara ta pui opa roveovou katimelo me ko quli me ṉavi koko raki meda ka elo ama quli.

Luke 16:5

“So sole vota o nokaemake kiadamu se lipulipu samu vovo lekasa kasi. Ni vota o kuimaevake kuleto ala maba, ‘Latau kio ṉoko lipulipu aṉavo lekasa kasi ama?’ kiolake.

Luke 16:7

Nio vota mata o kuimaevake omuqala pado maba ni eri kiolake, ‘Latau kio ṉoko lipulipu?’ Ni voa maba ta o opatake, ‘Omadeu vuro baeke vuiti, kiolake. Vailo ko maba ta eri kiolake, ‘Komi kio ṉoko lipulipu ko pepa, sole rikieka siotolu paizana!’ kiolake.

Luke 16:9

Ni Jisu ta obeta olake pesio ni eri kiolake, “Aṉata a bazuemela me, tu kai lolopareomo komia peuru ma peuru kale ama batiro meko mai tauveko kale edolomu, ni so keru koko paitou keru, inio vo Baṉara ta o baroekimelou me voko noqola kama pade kale.

Jone 2:6

Se Jiu amu ko lotu ko kama bazu ta pusailo ikio, sole koko kio kale avo ta varimuja matu vaka ju ta kobeta papuake sai, ko omadeu ta karabete ma zouke toni qaloni ju ko teamukako.

Taitasi 2:10

ni pui keta ma kuilikou seko quli. Melai seta kiada keru ta kasa ke ikou seko uri ni kerula elo, tu seta olaupo saṉa ke ikou animevo Pakio Baṉara ko nianiiekato seke erekako quli kale.