Luke 16:2 - BAṈARA KO VAIRU AMA LEVELEVEO

² So sole voa lekasa ta o odievake voa vailo ko maba ni eri va kiolake, ‘Noi nio ko quli aṉa ṉo ada ṉa viqako? Kati kua ko iruruputo ko buka tu korotika ataeko, ako ṉota ṉo baika aṉavo vailo ko maba elo erisaṉa sole,’ kiolake.

Luke 16:2 Iomraidhean Croise

Matiu 12:36

Aṉata a bazuemela me, so keru vo Baṉara o titizimelou keru me, vota o melai titizikou me kiadama ruqe ama pesio me erekako kale.

Matiu 20:8

“Sipole ṉaniu o sulupou kiola keru inio nea vaini kiaro ko tanala ta o bazuevake vovo iruruputo maba ko kuleto ala tu vota o odiemou seke iruruputani tu o tabarimo se. Nio vo o tabarima keru vota o taniekake tabarimo se tova ke taniteni iruruputo kasi azo ti obeta baroake se kuleto ke iruruputeni kasi.

Luke 12:20

Melai vo Baṉara ta eri kiolake vokasi, ‘Noa sarubea laṉa! Komia ipu inio ṉoko saevo ta ko paitou, ni lala inio o ṉeamukou kiadama koa lomaloma poso ko ṉo lula ṉo inainaekema?’ ”

Luke 12:42

Nio vo Lekasa Jisu ta o tiorizatake, ni eri kiolake, “Lala inio vo kerula kala ni nianiiola nabulu? Vo raura o ivo ala vovo lekasa, tu o mati vailo koa pade kale ke iruruputani ni oma puariko ala ko sailao koa korokoroti ama vuato ko taku kale.

Luke 16:1

Ni Jisu ta mata eri kiolake voko disaipeli madu kasi, “Inevoana kala pado batiro ala maba vo o ṉeamuvani kala vailo ko maba vo o kati vailani ni o korotikani voko seleni ni lomaloma. Ni voa batiro ala maba ta ovai kuirikake ta vovo vailo ko maba ta lula ota va ajoeka voko seleni kiolake.

Luke 16:3

Nio voa vailo ko maba ta eri kiolake voko kerukeru kale, ‘Aṉavo lekasa ta o epezilou aṉa aṉako iruruputo kale azo. Sole loma ikio aṉata a erekou? Aṉata pui a male tu a deliko ko totoqela ni ada quratou tu pasepaseto.

Romu 14:12

So sole animea kiada mela ta me qasekou animeko saevo vo Baṉara kasi.

1 Koriniti 1:11

Ako kake maba poso ko Kaloe ko saidi kale amu ta ke uria bazuela aṉa, a qaka ni visi poso, ta meko tiania ta aivekinio ta ikoana kikela.

1 Koriniti 4:2

Ko quli koka zariako quli nabulu poso kasi ta seta kerula kamu ke elo seko lekasa madu kasi.

1 Koriniti 4:5

So sole meta pui me ditizatou puliako koko tutututuki ama taku baro. Ko tuvevo ama titizato ta ko ereilou so keru animevo Lekasa o kilou keru. Vo inio zakaremu o iko ala se maba poso ko mutamuta kale ama kerukeru ni vatolo. Ni animea kiada mela ta meqai okotou kovo animeko male ama ilusato Baṉara kasi azo.

2 Koriniti 5:10

Ako animea kiada mela ta kasa me elou vo Karisito ko tanama kale, vo o titizatou keru, tu kalakala me ṉavi ta meda ka kovou animeko miduku kale ama iruruputo ko tabara. Animeta meda ka kovou ko uri ama iruruputo ko malezikako reketekete ni meda ka kovou ko ruqe ama iruruputo ko malezikako vaitotola.

1 Timoti 4:14

Ṉota kai irurupute koa bokao vo Tabu ala Auvana o katiṉema ṉo, so keru se lotu tanatanamu ṉase keṉai ivike keru ama.

1 Timoti 5:24

Kama maba poso ko sarueko ta ko uria keazaiva, ni seko sarueko poso ta ko mati ola se titizato kale, melai kake ko sarueko ta kasa ko elou tova.

1 Pita 4:10

Ako meta me qoani mela sole vo Baṉara ko azaazama puaro. Ni vo Baṉara inio o mela kaseke me voko tauvezato sama roquano voko katimelo kale koa azaazama puaro. Ni meta nabulu poso jaria mela koko raki meda ka evani mela kai iruruputo Baṉara ko puaro. So sole mea kiada mela ta uri ama nabulu emo ni kai iruruputomo me ṉaviṉavi ko puaro tu kai tauvekiniomo me ṉavi.

1 Pita 4:5

Melai seta ke uria kasa puekou seke erekako ruqe Baṉara kasi voko titizato ko ṉaniu kale, vo lula o inainaovani tu o titizimou se saevomu ni se lula ke vovini.

Kelokelozato 20:12

Ni aṉata a meake se voumu lekasa poso ni botoroa maba poso se kebeta lojoani koa papupapu ko kuleto. Ni se mateana madu ta ke redanikake se voumu ko iruruputo ko bazu sama buka poso, ni mata ka pado ko noqola saevo samu ko ṉi ko buka ta ke redanikake. Ni se voumu ta ke koake koko vaitotola ma koko reketekete ko se lula ke erekako ruqe ni uri kale avo, ko lula buka poso kale ko rikiziako kale.