Luke 15:2 - BAṈARA KO VAIRU AMA LEVELEVEO

² nio se Parese madu ni se Mosese ko Bazu kekai nianiiekatani ta ke taniekake ṉuruṉuruo ni eri kikelake, “Nea maba ta o baroekima se ruqe ama maba madu ni o mati palaita se!” kikelake.

Luke 15:2 Iomraidhean Croise

Matiu 11:19

Ni aṉa maba a eveni lala ta a quevi ni aṉata a quani lala kiada keru ama sailao ni a nozuekani lala ko vaini ko ju kiadama maba poso jari, nio seta eri la kikela, ‘Vemo nea maba! Vota kala olavo ala ni vaini ko ju ko nozuto ko maba, vota se takisi ke koani ni se ruqe amu vo baerebaere!’ la kikela. Melai vo Baṉara ko nianiio sama nakanakati ta sea kiadamu se ko ke ṉeamukani ke puratikako epa kale inio me qelou koko tuveano,” kiolake vo Jisu.

Matiu 9:11

Nio kake se Parese madu ta ke keake ko quli, ni ke kuimaemake voko disaipeli madu, ni eri kikelake, “Noi sole inio mevo tanala ta o mati vuata nia maba poso se takisi ke koani ni se ruqe amu?” kikelake.

Luke 15:3

So sole vo Jisu ta omai bazuekake se komia podepodeti ni eri kiolake:

Luke 19:7

Nio kiadama maba poso ke keve keru koa kalo, seta ke taniekake ṉuruṉuruo, ni eri kikelake, “Nea maba ta ota ola ni ota eva vo ruqe ala maba ko pade kale!” kikelake.

Luke 5:30

Nio kake Parese madu ni se Mosese ko Bazu kekai nianiiekatani maba poso ta ke ṉuruṉuruake vo Jisu ko disaipeli poso kasi ni eri kikelake, “Noi sole inio meta me qeazata ni me nozuta nia maba poso se takisi ke koani ni se ruqe amu sase?” kikelake.

Luke 7:34

Ni aṉa maba a eveni lala ta a quevi ni aṉata a quani lala kiada keru ama sailao ni a nozuekani lala ko vaini ko ju kiadama maba poso jari, nio meta eri la kimela, ‘Vemo nea maba! Vota kala olavo ala ni vaini ko ju ko nozuto ko maba, vota se takisi ke koani ni se ruqe amu vo baerebaere!’ la kimela.

Luke 7:39

Ni so keru voa Parese o kea keru koa iruruputo inio vota eri kiolake voko kerukeru kale, “Nea maba ta tuvevo ala poropita tea, vota okai nianiio nio komia reko koko tibaevako vo, ni ota kai nianiio nio koko matu ruqe ama ni sarueko sama saevo koko elo kale!” kiolake.

Iruruputo 11:3

“Ṉota kala pado maba ṉa ṉo joipimeni ṉa se pui ke moveivani pui Jiu amu ni ṉo zomaneni ṉa vuato se sate!” kikelake.

Qelesia 2:12

Ako eri nio o kae sole. So keru Pita kuleto o kuevi keru Anitioko, vota o mati vuatake se pui Jiu ama lotu maba poso, puliako Jemisi o soroemeni Jiu ama maba poso barolo. Ni so keru sea maba poso ke baroa keru, vota ota epezake mata vuato se pui Jiu ama maba poso sase ni ota pitasiake sekasi azo. Ako vota ota ma ṉake sole se Jiu amu se kekai zariani kiadama pui Jiu ama lotu maba madu tu ke movemou.

1 Timoti 1:15

Vo Jisu Karisito ta o kuevi komia miduku kale tu vota o pakiemo se boutare samu. Kota kama pado tuvevo ama pesio, koko male ama tu kiadamu ta ke tuvevo pueko. Ako aṉata matu ruqea lala sea kiadamu sea boutare samu azo,