Luke 14:1 - BAṈARA KO VAIRU AMA LEVELEVEO

¹ Ni kama pado Sabati ṉaniu kale inio Jisu ta o zomanake vuato kala Parese madu vo kuleto ala maba ko pade kale, ni se maba poso ta kevai vilumuake vo Jisu tu keta va kelo kama saruilo kikelake.

Luke 14:1 Iomraidhean Croise

Matiu 12:12

Ni maba inio qulepo ala sipi azo! So sole kala maba ta pui o kaitizia vo Mosese ko Bazu kale tu vota o tauvemou maba poso Sabati ṉaniu kale,” kiolake vo Jisu.

Maka 3:2

Ni kake maba poso ta inisiana sai se kevai zariani vai kuiriko ko ruqe vo Jisu. So sole seta ke vati vailavailaike vo Jisu tu keta va kelo esa vota o urikatou Sabati ṉaṉiu kale.

Luke 11:37

Ni Jisu o paika keru pesio inio kala Parese ta o taipazivake vo tu vota opa keazaito vokasi, so sole Jisu ta o luluevake vo ni o amaqeake ni o papuake tu o keazaito.

Luke 14:2

Ni kala pado maba voko omuqa kiti ni omuqa palopalo kota va tubuani ta o kuevake Jisu kasi,

Luke 17:20

Ni kake se Parese madu ta ke kuimaevake vo Jisu, ni eri kikelake, “Noi keru inio vo Baṉara o lekasa puovou keru?” kikelake. Nio Jisu ta o mati tiorikake ni eri kiolake, “Vo Baṉara ko lekasa puo ta pui maba ko keako quli kio.

Luke 20:20

So sole sea lekasa poso ta ke vailikake kama keve, ni seta ke tabarimake kake tu kekai lipalipaito ko seta Mosese ko Bazu ke sidopua luluekani maba poso inio kio, ni seta ke soroemake se tu ke tulumuvo vo seko kuimakuimaevo kale vo, tu seta ke roveovou vai kuiriko kama ruqe ni ke roveovou vaevo Romu ama qavuna madu ko pizato kale.

Luke 6:7

Nio kake se Mosese ko Bazu kekai nianiiekatani maba poso ni Parese poso ta keka zariake kama keve kale tava kelo ko saruilo Jisu ko, tu kuiripato saṉa ke ivo kokale kikelake, sole seta keta vati matu vailake tu keta va kelo esa vota o urikatou Sabati ṉaniu kale.

Jone 3:1

Ni kala maba ta obeta evake o ṉi ta Nikodimasi, ni vota kala pado se Jiu amu vo vilua pikopiko, ni kala pado se Parese madu kale ala.

Iruruputo 5:34

Melai kala pado sekale ala, kala Parese Qamelieli o ṉi sala, vo Mosese ko Bazu okai nianiiekateni ni maba poso keta va matu paṉaovini, ta o lojoake ko Kauniseli kale. Ni vota o bazuemake se tu seta ke saqorimo saita kupele se apositolo madu,