Luke 13:19 - BAṈARA KO VAIRU AMA LEVELEVEO

¹⁹ Kota omadeuvo eri jari nio. Kala maba ta o borika ko masitadi ore ko sisu ni vota o papaka voko kiaro kale. Koa papapapa ta ko qotupa ni kota ore ko eva ni ko akazako biaṉabiaṉa poso ta ko ereka koko ere poso koa ore ko kata poso topi,” kiolake vo Jisu.

Luke 13:19 Iomraidhean Croise

Matiu 17:20

Nio Jisu ta eri ma kiolake se, “Meko oqu ta matu silo inio pui me rovea. Melai tuvevo ama quli aṉata a melai bazuekou, meko oqu ko matu ta pui kokai paloasou koa matu mina kama masitadi ore ko rui, melai meta meda roveovou eri kio koa sopu kasi, ‘Vatute ni papi edolokoi!’ kimevou ni kota so kota kalou. So sole pulia quli ta tapata kopa elou mekasi.”

Maka 4:30

Ni vo Jisu ta eri ma kiolake se, “Vo Baṉara ko lekasa puo ta eria podetiko inio a elou podepodeti kale.

Luke 17:6

Nio vo Lekasa ta o mati tiorikake se ni eri kiolake, “Meta masitadi ore ko sisu silo ama jaria pado ama oqu samela tea, me roveo nio kati pesio komia ivili, ‘Rabui ni pa papai ivere kale!’ kati kimevo ti kota ko zorimelo inio,” kiolake.

Iruruputo 2:41

Ni kubo madu ta ke tuvevo puekake voko bazubazu ni seta bapitaiso ke evake, ni zouke vuro maba madu ta ke amaqeake seke tuvevo puteni ko poqala kale koa ṉaniu kale.

Iruruputo 21:20

So keta va viqa keru vo nio sea kiadamu ta ke ilusivake vo Baṉara. Ni seta eri kikelake, “Baerebaere Paula, ṉota no rovea melo matu kubo vuro Jiu amu ta lula ke tuvevo puta, ni sea kiadamu ti kekai pataita zoriko vo Mosese ko Bazu.

Iruruputo 4:4

Melai kubo madu seke viqeni koa bazubazu ta ke tuvevo putake, ti seko ataataiti seke tuvevo puteni ko ta kokai baroi sike vuro madu.

Romu 15:19

ni aqasiele ama iruruputo ni urikato ko pizato kale, ni vo Baṉara ko Auvana ko pizato kale. So inio kiadama talio kale Jerusalema azo ti ko baroa Ilirikamu peuru kale, aṉata lula aqai bazubazuta ko Uri ama Bazu Karisito ko kasevako.

Kelokelozato 11:15

Ni mata sikeurala mateana ta o puzekake voko kuvili, so keru inio matuma kora poso ta ko kuevake aukale azo, ko eri kikolako, “Peuru ma peuru kai lekasa puilo ko pizato ta erisaṉa ta animevo Lekasa Baṉara ko, ni vo o pitoeveni Pakio ko, ni koa lekasa puo ta ko elou latau ṉaniu ni ka ṉaniu!”