Luke 12:57 - BAṈARA KO VAIRU AMA LEVELEVEO

⁵⁷ Ni Jisu ta obeta olake pesio ni eri ma kiolake, “Noi sole inio meta pui me bitoeka tu meta me qorotiko meko tapata poso me ṉavio kude?

Luke 12:57 Iomraidhean Croise

Matiu 21:21

Nio vo Jisu ta o mati tiorikake ni eri kiolake, “Aṉata a bazuemela me, meta tuvevo putomo ni pui niuniala elo nio meta me roveovou ereko aṉa a erekako iruruputo jari ama nea piqi ore kasi. Ni pui koko kiada melai meta eri kimevou koa sopu kasi, ‘Zolai ni piave ivere kale!’ ni kota so ko kalou.

Matiu 21:32

Kota so ko kava ako meta pui tuvevo meba ive sole vo Jone Bapitaiso, vo o kuevini mela kasekole ko sidopu tu meta me erekou. Melai se takisi ke koani ni seke sasave putani inio ke tuvevo pueve, melai meta mebe keve seko kalo, melai meta pui meba besieke meko kerukeru tu me duvevo puevo vo sole,” kiolake vo Jisu.

Luke 21:30

So keru me meda ka kea keru koko vairu ama vezuvezu, meta mebe kai nianiia inio ta koa taku kiadama quli ko qotupo ko ta sipole inio kio.

Jone 7:24

Epezomo pitasiko ko sidopu ni ruqe topi ama kalo kale, melai pitasikomo sidopu ama pitasato kale,” kiolake.

Iruruputo 2:40

Ni Pita ta o balauvimake se komi kale ni mata kubo voko piza kama pesio kale, ni eri ma kiolake, “Meta pakiemo koa koqotato kasi azo vo Baṉara o soroeko ama se erisaṉama ruqe ama maba poso kasi se kevai keduini sevo Pakio!” ma kiolake.

1 Koriniti 11:13

Meta pizaekomo me ṉavi; kota koroto ama quli kio tu kama reko ta ko vararaitou vo Baṉara kasi lotu padopadoilo kale lezu bouluboulu pide ama, kio?

1 Koriniti 11:14

Keatini, animea kiada mela ta meqai nianiia ta lasive maba ko jako tou elo ta qurato sama quli,