Luke 12:21 - BAṈARA KO VAIRU AMA LEVELEVEO

²¹ Ni Jisu ta eri kiolake, “Omadeuvo so jari inio keta elou sea kiadamu seke padoekani ke ṉaviko batiro poso, melai seta ozaoza kamu vo Baṉara ko vilu kasa,” kiolake.

Luke 12:21 Iomraidhean Croise

Luke 12:33

Meta kai tatabaraomo meko lomaloma poso ni katimomo koko seleni se ozaoza kamu. Koa keve kale meta erekomo kama noqola vesa seleni ko, ko pui kopa purailo ama, ni vailikomo ko aukale ama batiro, tu se kuilokuilo amu ta pui ke kovou, ni puliama kokorosi kopa niumaekou.

Luke 16:11

So sole meta pui kerula me elou meko kai iruruputo kale komia peuru ma peuru ama batiro, ta meta mata pui kerula meba elou meko kai iruruputo kale ko tuvevo ama batiro.

Luke 6:24

“Melai ruqe ama quli kio ko melai barolou me erisaṉa batiro me evani mela, ako meta lula me qoa meko patukato sole, ti kota kota korota inio, puliama mata kama meba kovou!

Romu 2:5

Melai ṉota lado buloa laṉa so sole ṉota ṉo badoeka ṉo ṉavi vo Baṉara ko korakorailo so keru koa matuma ṉaniu voko sidopu ama titizato ko elou keru.

2 Koriniti 6:10

eṉeta kama upotuqua ṉela, melai eṉeta ṉe zoleiva kiada keru; ni eṉeta ozaoza kaṉela inio, melai eṉeta batiro ṉe ima matu kubo madu; eṉeta pulia quli saṉela, melai koko tuveano ta eṉeta kiadama quli saṉela.

1 Timoti 6:9

Melai se keka zariani kovo ko batiro ta zolizolito ko moa ni keta tulumua kubo ruqe ama ni niumaniuma kama zario poso kale, koko niumaekake seko oqu.

Jemisi 2:5

Lolo poso, me a roquemelani mela, meta viqomo! Vo Baṉara ta lula o pitoema se peuru ma peuru kale ama ozaoza kamu tu seta piza kama oqu saṉa ke elo ni jiku ke iko vo Baṉara oma inainaekako quli voko lekasa puo kale seke roquevani vo.

Kelokelozato 2:9

Aṉata aqai nianiia meko tapata poso; aṉata a melai nianiia ta meta ozaoza kamela, melai meko noqola kama batiro ta maba matuma! Aṉata aqai nianiia seko zarazaraemelo se ‘Eṉe inio ko Jiu amu ṉela’ kikelani, melai seta pui so, ako seta vo Setani ko qoqono kale amu inio sole.