Luke 11:2 - BAṈARA KO VAIRU AMA LEVELEVEO

² Nio Jisu ta eri kiolake sekasi, “So keru meme vararaitou keru, meta eri kimevou: Eṉevo Mama ṉa, ṉoko tabu ama ṉi ta ko raurailou; ṉoko lekasa puo ko kilo.

Luke 11:2 Iomraidhean Croise

Matiu 10:32

Ni Jisu ta mata eri kiolake, “Aṉata a bazuemela me, vo o bazubazuemo ala se maba madu ko vota aṉavo inio, aṉa melai a bazuevou aṉavo aukale ala Mama ta vota aṉavo inio.

Matiu 3:2

Nio vota eri kiolake se maba poso kasi, “Meta liliziomo meko ruqe kale azo, ako vo Baṉara ko lekasa puo ta matu sipole sole,” kiolake.

Matiu 5:16

Meta soa talolo emo meko kalo kale maba poso kasi tu seta ke kelo meko uri ama iruruputo ni seta ke ilusivou mevo aukale ala Mama,” ma kiolake.

Luke 11:1

Kama pado ṉaniu kale inio Jisu ta o vararaitake kama pado zaekale. Ni vo o paika keru vararaito inio kala vovo disaipeli ta eri kiolake vokasi, “Lekasa, ṉelati vakakuka eṉe ko vararaito ko kalo, omadeuvo vo Jone o mati vakakuke jari voko disaipeli madu,” kiolake.

Romu 1:7

Aṉata a rikita mea kiada mela Romu peuru kale me evani mela kasi vo Baṉara o roquemelani kasi ni vo lula o nokaemelani tu o ṉaviko mela me elo. Vo Baṉara animevo Mama ni vo Lekasa Jisu Karisito ko pakiezato sama roquano ni bule ta ko elou me tona.

Romu 8:15

Ako koa Auvana vo Baṉara lula o puarikema mekasi ta pui ṉalo ko mabaku ko imela, melai kota o ṉavi Baṉara ko meqora poso ko imela me, ni koa Auvana ko pizato kale inio animeta mevai zaivota vo Baṉara ni eri kimela, “Mama, a Mama!” kimela.

1 Koriniti 1:3

Vo animevo Mama Baṉara ni animevo Lekasa Jisu Karisito ko pakiezato sama roquano ni bule ta ko elou me tona.

2 Koriniti 1:2

Vo animevo Mama Baṉara ni animevo Lekasa Jisu Karisito ko pakiezato sama roquano ni bule ta ko elou me tona.

Qelesia 1:4

Vo Jisu inio o katimeleni anime voko saevo tu o akoeko animeko boutare ni o rupasimelo anime komia peuru ma peuru anime meqai evako ko ruqe ama pizato poso kale azo, ako so inio vo Baṉara ko vatolo kikovevo sole.

Epesasi 1:2

Ni aṉata a vararaita, tu vo Baṉara animevo Mama ni vo Lekasa Jisu Karisito ta o katimelou me voko roquano ni bule.

Pilipai 1:2

Ni aṉata a melati vararaita, tu vo Baṉara animevo Mama, ni vo Lekasa Jisu Karisito ta o katimelou ko pakiezato sama roquano ni bule.

Pilipai 4:20

Nio animeta me ilusivo animevo Mama Baṉara latau ṉaniu ni ka ṉaniu. Emeni.

Kolosi 1:2

Aṉata a joroeka komia leta me Kolosi peuru kale amu mela kasi vo Baṉara ko qoqono mela kasi, eṉeko kerula kama tamania kale amu mela, lula omadeu me evani mela vo Karisito sase. Eqeta qe vararaita tu vo Baṉara animevo Mama ta o katimelou ko tauvezato sama roquano ni bule.

1 Tesalonaika 1:1

Aṉa Paula lala ta a rikieka komia leta, Sailasi ni Timoti sase, mea Tesalonaika peuru kale ama lotu qoqono mela kasi, vo Baṉara animevo Mama ko madu mela ni animevo Lekasa Jisu Karisito ko madu mela kasi. Ni aṉata a vararaita tu vo Baṉara ko roquano ni bule ta ko elou me tona.

1 Tesalonaika 1:3

Ako vo animevo Baṉara ko tanama kale eṉeta ṉe matu kerukerueka ko meko oqu ko puratikako iruruputo, ni meko roquano ko imelania matu nabuluputo, ni meko pizaka vai keru vo Jisu Karisito tu kovo ko noqola kama saevo ko imelania vinavina.

2 Tesalonaika 2:16

Ni eṉeta ṉe melati vararaita me, o ṉavi animevo Lekasa Jisu Karisito kasi, ni Baṉara animevo Mama kasi, vo o roquemeleni anime, ni voko pakiezato sama roquano kale o katimeleni anime noqola kama zuvarato ni piza kama bokero tu animeta meqai keru voko leveleveo.

Kelokelozato 11:15

Ni mata sikeurala mateana ta o puzekake voko kuvili, so keru inio matuma kora poso ta ko kuevake aukale azo, ko eri kikolako, “Peuru ma peuru kai lekasa puilo ko pizato ta erisaṉa ta animevo Lekasa Baṉara ko, ni vo o pitoeveni Pakio ko, ni koa lekasa puo ta ko elou latau ṉaniu ni ka ṉaniu!”

Kelokelozato 15:4

Lala inio pui opa taṉa panaovou, Baṉara? Lala inio ota ka lupaovou taṉa kaseko ṉoko naizato? Puliala! Ṉo tisoiko ṉo qiada Tabua laṉa. Kiadama toutou poso ta ke kilou ilusatole ṉoko taqo kale ako kiadamu ta lula ke kea ta ṉoko iruruputo ta sidopu ama sole.”

Kelokelozato 19:6

Ni aṉata a viqake matuma vaki ko kora jari ama kora, omadeuvo ko matuma tovoko zara kale ama ko qurumo jaria qurumo ama, ni au kalea paka ko seqelo jaria kelato ama. Ni aṉata ada ma viqake seko eri kio, “Ilusivomo vo Baṉara! Ako vo Baṉara, vota animevo piza kala Lekasa ni noqola lekasa puola sole!

Kelokelozato 20:4

Sai nio aṉata a qeake kama lekasa ko papupapu poso, ni sea maba poso sai ke papuani; seta ke koake ko titizato ko pizato tu seta ke ereko ko titizato. Ni aṉata mata a qeake seke lezuemeni maba poso ko auvana se kekai bazubazuteni koa tuveano vo Jisu o puratikema ni vo Baṉara ko bazu. Se pui kepa ilusiveni vo biaṉa ni voko beku, ni se pui kepa koeni vo biaṉa ko mamola seko kape poso topi ni seko ṉase poso topi. Se inio ke saeve ni aikovakova poso ke eve ni ke lekasa puake vo Karisito sate omadeu vuro sabere ko tiania.