Luke 1:41 - BAṈARA KO VAIRU AMA LEVELEVEO

⁴¹ Ni so keru Ilizabeti ko viqa keru Mere ko zoleilo sama pesio, vo meqora ta o matu bokilikake koko siapa. Ni Tabu ala Auvana ta okai sukatake ko Ilizabeti,

Luke 1:41 Iomraidhean Croise

Luke 1:15

Vota raura kala maba o elou vo Baṉara ko vilu kasa, ni vota maba pui opa nozuekou ko vaini ko ju ni piza kama ju, melai Tabu ala Auvana ta ovai sukatou vo puliako vo alilo.

Luke 1:40

Kota ko olake Zekaraia ko pade kasi ni kota kokai kiaviake ko Ilizabeti ni ko kasekake koko zoleilo kokasi.

Luke 1:42

ni ko velavelaoke matuma kora kale ni eri kikolake, “Ṉota matu maurumauru ama rekoreko ṉa kiadama rekoreko poso azo, ni voa meqora ṉoṉo vovo ala ta maurumauru ala!

Luke 1:44

Ako eria viqo a evala ṉoko zoleilo sama pesio ti obe tala matu bokilika inio zoleilole vo meqora aṉako siapa.

Luke 1:67

Nio Jone vo mama Zekaraia ta ovai sukatake vo Tabu ala Auvana ni o pidokatake, ni eri kiolake,

Luke 4:1

Nio vo Jisu ta o vaitake Jodani sukuru kale azo ovai sukateni vo Tabu ala Auvana, ni voa Auvana ta o odievake vo ni o vati olake lealea kama zaekale.

Iruruputo 2:4

Nio sea kiadamu ta omai sukatake Tabu ala Auvana, ni seta ke tanitake kai pesio edoedoloma pesio poso, voa Tabu ala Auvana ko ikirimo kale.

Iruruputo 4:8

Sai nio vo Tabu ala Auvana ko pizato ta kovai sukatake vo Pita, ni eri ma kiolake, “Me Izireli qoqono ko vilua pikopiko ni lotu lekasa poso mela!

Iruruputo 6:3

So sole lolo poso meta pitoemomo sikeura maba madu me ṉavi kasi amu, se me memai nianiiani komai sukato amu vo Tabu ala Auvana ni Baṉara ko nianiio, ni eṉeta ṉe qatimou se koa iruruputo.

Iruruputo 7:55

Melai Sitiveni, vo ovai sukatani vo Tabu ala Auvana, ta o tadatake aukale ni o keake vo Baṉara ko ṉaṉaidara ni Jisu vo obeta lojoani Baṉara ko palo rana vasi.

Iruruputo 9:17

So sole vo Ananaiasi ta o olake ni o amaqeake sai Saula o evakoi, ni vota ovai ivikake voko ṉase vo tona ni eri kiolake, “Baerebaere Saula, vo Lekasa ta o soroelala aṉa, vo Jisu, vo oṉai puratalani ṉo keve tona so keru ṉoṉo quela keru koi. Vo inio vo o soroelalani aṉa tu ṉota mata ṉo qeazatou ni oṉai sukatou vo Tabu ala Auvana,” kiolake.

Epesasi 5:18

Ni meta pui doilili kai elo ko piza kama ju. Ako ko doilili elo ta ko niumaemelou me sole. Melai meta sukatomo Tabu ala Auvana kale.

Kelokelozato 1:10

Animevo Lekasa ko tabu ama ṉaniu kale inio vo Tabu ala Auvana ta olai avoziake aṉa, nio sai nio aṉata a viqake kama pado matuma kora kuvili ko kelato jari ama kobeta pesiake aṉako tova vasi.