Luke 1:2 - BAṈARA KO VAIRU AMA LEVELEVEO

² Seta ke rikieke ko quli sea maba poso kuleto kekai nianiiekateni komia Uri ama Bazu ke vilu kale ke kevema quli koko tanitanila kale, ko se kekai bazubazutema eṉe kasi.

Luke 1:2 Iomraidhean Croise

Maka 1:1

Komia Uri ama Bazu ta Jisu Karisito, Baṉara vo Meqora ko kasevako,

Maka 16:20

Ni koko tova inio se disaipeli madu ta ke olake kiadama zae poso kale ni kekai bazubazutake ko Uri ama Bazu sai. Ni vo Lekasa Jisu ta o tauvemake se, ni ko quli se kekai bazubazutake quli ta oma mamola puekake koko tuveano. Ako koa omadeuma taku kale inio seta ke erekake sole ko aqasiele ama iruruputo voko pizato kale.

Maka 4:14

Nea maba vo o risarisaekani ko sisu, ta omadeuvo kala maba, vo okai bazubazutani vo Baṉara ko Bazu jari.

Luke 24:48

Me inio me ziovou nio meqai bazutoa, mela komi quli meme qeako quli se maba madu kasi.

Jone 15:27

Ni me melai so, meta melai bazubazutou aṉa, ako koko tanitanila keru azo meta me eve aṉa kasi sole.

Jone 16:4

Melai aṉata erisaṉa a melai bazueka me ko quli seke melai ereko ama quli, tu so keru ko ereilou keru soama quli, meta me qerukeruekou ko aṉata lula a bazuemele me kio,” kiolake vo Jisu. Nio Jisu ta obeta olake mati pesio voko disaipeli madu, ni eri mati kiolake, “Kuleto aṉata pui aba melai bazueke me ko quli poso, ako aṉata abeta eva me sase miduku kale sole.

Iruruputo 1:3

Ni ariku toni ṉaniu ko poro kale voko vou ko tova inio vota omai purapurataitake kubo taku matu zakaremu ama kalo kale, tu seta pui niuniala kekai elo ta vota lula mata ota saevala kio, ni seta ke veake vo, ni vota omai bazuekake se vo Baṉara ko lekasa puo.

Iruruputo 1:8

Melai so keru vo Tabu ala Auvana o kilou keru mekasi inio ko pizato ta ko melai sukatou me, nio meta melai bazubazutou aṉa sai Jerusalema, ni koa pado ama Jiudia ni Sameria peuru poso kale, ti kobeta barolou peuru ma peuru ko pakale,” kiolake.

Iruruputo 14:25

Sai nio nioqata qo bazubazutake Peqa peuru kale, ni qota saqorake Atalaea zavaṉa kale,

Iruruputo 16:6

Ni seta keta olake koa Pirijia ni Qelesia ranama peuru poso kale kude, ako vo Tabu ala Auvana ta pui o zariemake se tu seta kekai bazubazuto ko Uri ama Bazu Eisia ranama peuru poso kale sole.

Iruruputo 17:11

Ni saizama maba poso ta uri ama kerukeru samu pui se Tesalonaika mu jaria ruqe amu. So inio seta ke matu uria didiekake ko bazubazu, ni kiadama ṉaniu seta ke tiromikake ko Tabu ama Riki tu keta ka kelo vo Paula ni Sailasi kiqolani koko tuveano kikelake sole.

Iruruputo 26:16

Melai ṉota zolai ni loje. Aṉata kasa aṉai eva ṉo ako a bitoeṉa ṉo tu ṉota aṉavo nabulu ṉo elou. Ṉota ṉomai bazuekou maba poso ṉoṉo ilania lelo aṉa vairutu ni ko quli aṉa aṉa kaseko ama quli ko kilo ama taku kale.

Iruruputo 4:20

Ako eqeta pui qepa roveovou epezo kaseko ko eqe lula qe kevema ni qe viqema quli sole,” kiqolake.

Iruruputo 8:4

Ni seke tuvevo putani se azama buara ke eveni kiadama zae poso kale ta kekai bazubazutake ko Uri ama Bazu maba poso kasi.

Romu 15:16

vo Jisu Karisito nabuluputo kale se pui Jiu amu ma koidipo kale. Aṉata a nabuluputa kala pado siama jari kai bazubazuto kale vo Baṉara kasi azo ko kuevako Uri ama Bazu, tu se pui Jiu amu ta koroto ama siqasiqa jari ke elou Baṉara kasi tu seta tabu ke elou vokasi vo Tabu ala Auvana kale.

1 Koriniti 4:1

So sole meta kerukerueṉelomo eṉe apositolo madu ṉela ta vo Karisito nabulu ṉela pala, voko tauvezato ṉela vo o ṉelai keruani ṉela tu ṉeqai bazubazuto ko omele ama tuveano Baṉara ko.

Hiburu 2:3

So sole nonia soqoilo inio me elou anime pui me didiekou ni varokou ta koa raura kama pakiezato ko bazu? O ṉavi Lekasa Jisu inio kuleto o kasekeni koa pakiezato sole, ni se keta va viqeni vo ta ke vinaeke kaseko anime kasi ta kota tuvevo ama kio.

1 Pita 5:1

Me lotu qoqono ko vilua pikopiko madu mela, aṉata aqa zaria melai bazueko me kama quli aṉako pado ama bulo sate. Ako aṉa melai kala vilua pikopiko lala ni aṉa inio a qeveni lala vo Karisito ko tola ni vou sole. Ni aṉa inio mata aqai zomanoa lala voko ṉaṉaidara vo Karisito o vaitou keru. Nio aṉa inio a bazuemela me

2 Pita 1:16

Eṉeta lula ṉe melai bazueka me vo animevo Lekasa Jisu Karisito ko kilo pizato kale. Ni komia bazu ta pui kala ko bazubazulao bazu, melai eṉeta ṉe qeve Jisu ko ṉaṉaidara ṉe ṉaviko vilu kale.