Mark 6:14 - l'taamitsinikssin Mark manistaitsinikatoohpiayi 1972

^14-16 Itohka̱naomatapa̱niitsitsinika'si anna̱hk Jesus manista̱i̱sspi. Ki omi̱i̱ksi mata̱piiks oto̱o̱htookiks, itani̱i̱yaw, “Ska̱yito̱maanistsimmayaw anni̱kskai ni̱naayi ano̱o̱m a̱i̱soka̱i̱'poatomoyi anniisk A'pistotookiyi.” Anni̱ksiao'ki mata̱piiks a̱waaniiks, “Annaok anna̱hk Elijah.” Ki anni̱ksao'ki mata̱piks a̱waaniiks “Annaok anna̱hka Johnahka, anna̱hk a̱waatoyistta̱'pinakiwahka; ikkama̱'pattssksipoyitapiiyissi. Annihka̱yi iihta̱ohkottsipisatsistotaki.” Anna̱hk istsi̱i̱pihkini̱naawahka Herod ota̱yoohtsi's a̱mohka, itani̱i̱wa, “A'ya̱a, a̱nnohkaok anna̱hka John. Niisto̱wa, nita̱a̱nii a̱hksikahko'kiaahsi, ki anno̱hk a̱i'ssksipoaowa.”

Mark 6:14 Iomraidhean Croise

Mark 1:28

ki omi̱ Jesus ota̱i'tsitsinikatahsaw iksikka̱mohkanoa̱a̱niitohtsima'siwa omi̱ Galilee.

Mark 1:45

Ki oma̱ ni̱naawa miskito̱matapa̱niitsinikatooma otsi̱tapoohpistsi; a̱nnihkayi anniisk Jesus ma̱tohkottohtsitapoowaatsiksini aka̱i̱tapisskoyistsi. Ki a̱nnihkayi istsi̱'nakohsa̱atoma amoistsi aka̱i̱tapisskoyistsi; ki omi̱i̱ksi mata̱piiksi miski̱tsaakapo̱oyawa otsi̱tota'pssa̱mmokaiks.

Mark 8:28

Omi̱i̱ksi otohpoko̱omiks otsi̱tanikkaiks, “Anni̱i̱ksiayi a̱waaniiyawa ksiisto̱wa kita̱a̱mihpiihka anna̱hk Johnahk a̱waatoyistta'pinakiwahka. Ki anni̱i̱ksi a̱waaniiyi kita̱m'ssi Elijah ki a̱kikka̱mohta̱nihpa o̱miiksi istsi̱kiiks a̱i̱'powatomoyiiks A'pistotookiyi.”