Mark 5:23 - l'taamitsinikssin Mark manistaitsinikatoohpiayi 1972

²³ Ki isto̱nnatatsimihka'satsiiwayi: “Anna̱hka nitsi̱'nakotanahka iksi̱yiksisttsiistomiwa. Noohkohpo̱okiaahkayita ka̱hkitsitohkitsikin'sstsaaki ka̱hkitohkottotoaw a̱kitssoka'pssiwa, a̱kitsaayi'niwa.”

Mark 5:23 Iomraidhean Croise

Mark 16:18

a̱kaista̱mo'to̱yiyawa pitsi̱i̱ksiinaiksi, ki isimi̱sawa iihta̱i̱potsimao'pi, ma̱takohtohko̱yikiiwaiksawa; ki a̱akohkottotoyiiyawa a̱i̱sttsiistomiksi mata̱piiksi.”

Mark 5:24

Ki oma̱ Jesus itohpo̱komatapo̱omiiwayi. Ki omi̱i̱ksi mattsstsi̱kiiks mata̱piiks iihkana̱ohpo'kiiwooyawa. Itoma̱ta̱pohtonihkoyiiyawayi.

Mark 6:13

I̱i̱ksskai'tapiyi o̱tssaisskomoawaiks otoka̱'pato'siimoaawaiks. Ki ami̱ksao'ki a̱i̱sttsiistomikska a̱i̱kaksi'nakohpooniiyawaiks ki ita̱i̱soka'pssiawa.

Mark 7:32

Amohka ni̱naawahka ma̱tayoohtsimiiwaats ki ma̱taippomi'poyiwaatsi. Amoksi mata̱piiks iitsita̱pipiiyawayi omi̱ Jesus. Itani̱stsiiyiaw Jesus, “Noohkato̱a'piksi̱i̱nis anna̱ ni̱naawa ma̱hkoohkohtsitohkoyiso̱ka'pssi.”

Mark 8:23

Ki oma̱ Jesus a̱i'sinnikin'sstsi̱i̱piiwayi, ki itsa̱'kapi̱piiwayi aka̱i̱tapisskoyi. Ki ota̱i'saakapa̱ato'sawa omi̱ aka̱i̱tapisskoyi, niitsita̱tsim'ssokottaawa oa̱psspiiksayi ki iitsi̱tohkitsikin'sstsaakiiwayi. Itani̱stsiiwayi “Kika̱tao'maya̱apihpa?”