Mark 2:13 - l'taamitsinikssin Mark manistaitsinikatoohpiayi 1972

¹³ Ki oma̱ Jesus itsski̱tapsso̱owa omi̱ o̱mahksikimi Galilee. Ki omo̱i o̱tapiy'ssini sotamitohtoa̱akkaiksi; sotamita̱o̱kakiaanistsiiwaiks.

Mark 2:13 Iomraidhean Croise

Mark 1:45

Ki oma̱ ni̱naawa miskito̱matapa̱niitsinikatooma otsi̱tapoohpistsi; a̱nnihkayi anniisk Jesus ma̱tohkottohtsitapoowaatsiksini aka̱i̱tapisskoyistsi. Ki a̱nnihkayi istsi̱'nakohsa̱atoma amoistsi aka̱i̱tapisskoyistsi; ki omi̱i̱ksi mata̱piiksi miski̱tsaakapo̱oyawa otsi̱tota'pssa̱mmokaiks.

Mark 10:1

Oma̱ Jesus itoma̱tapitapo̱owa omi̱ Judea, ki ota̱i'to'toohsiihki iitopa̱maatooma omi̱hka niyi̱tahtayihka Jordan. Otsi̱to'toohpistsi, a̱i̱ssksitaohkano'ta̱atawa, ki a̱i̱ssksaissksinima̱atstohkiwa.

Mark 2:2

Amo mattsiksi̱stsiko, oma̱ Jesus nitsi̱pssta̱o̱piwa omi̱ na̱a̱pioyisi; a̱nni niitaka̱i̱tapisskoyiihk omi̱ otsi̱tsipstaopiihpioaawayi ma̱tattohkotto̱pa'si̱i̱hka; na̱a̱matsitsoohkaohkanipoyiyawa. Ki oma̱ Jesusa a̱i̱tsinikooyiiwaiks o̱tsksksimi̱yiihpi A'pistotookiyi.

Mark 4:1

Jesus ma̱ttsitomatapi̱tssksinimaatstohki omi̱ o̱mahksikimi Galilee. Iiko̱maisskaohkoaawa iitsi̱tssapa̱oowa a̱a̱hkioohsa'tsisi. Kakohto'tsaakapa̱i'poatsiiwaiksi omi̱ a̱a̱hkioohsa'tsisi, ki o̱tapiy'ssina itohka̱naissa̱o̱piwa.