Mark 14:2 - l'taamitsinikssin Mark manistaitsinikatoohpiayi 1972

² Iitani̱sttsiyiyawa, “Ma̱takohkottstamanisttso'pa anno̱hk a̱mostska kano̱o̱hsiistska; o̱tapiy'ssina a̱hkitsitohta̱'so̱ka'pssiwa.”

Mark 14:2 Iomraidhean Croise

Mark 11:18

Ki omi̱i̱ksi o̱mahkato̱yaapiikoaiksi ki o̱miksi a̱i̱ssksinima̱atstohkatoomiks atsi̱moyihkaokakihtsimaanists ota̱'ohtsimatahsawa omi̱ ota̱nisttsiihpiayi Jesus, itoma̱tapa'psskska'tsimayawa ma̱hkanistohkottsi'nitahpiawayi; iihta̱i'ssimmiaawayi ota̱i'pisatsimmahsaawayi omi̱i̱ksi mata̱piiksi manista̱i̱ssksinimaatstohkihpiayi Jesus.

Mark 14:1

Omi̱i̱ksi Jews a̱i̱saakiaissksinimmiawa otsi̱tsiksisttakoihtsi̱i̱mokoaayi anni̱i̱hka maka̱'pisttsiistom'ssinihka, ki amo̱ ni'tsstoyi̱ ita̱i̱samohkana̱atoomiawayi ni'tato̱yiksistsikoyi. Ki amostsi ihkitsi̱kiiksistsikoistsi ma̱taaksoyi̱waiksawa kohpa̱ttsstaani. Na̱to'ki̱i̱ksistsikoi saoma̱nistao'tstsiisa akitohkana̱apsa̱toomiawa, o̱miksi atsi̱mmo'totama'pssiiksi sta̱mikaka'paisskska'tsi̱mmaayawa ma̱hkani̱stohko̱ttsinnaahpiawa Jesus, ma̱hksi'nitahsayi.

Mark 14:3

Ki oma̱ Jesus ita̱o̱piiwa omi̱i̱m Bethany ooko̱o̱wayi Simon, a̱nnahka̱yi i̱i̱kayissinaotsi̱mahk omi̱ maka̱'pisttsiistom'ssini a̱i̱stamaopitsiniihkawa oosto̱mi. Ki omi̱ Jesus otsa̱a̱kia̱ooy'ssi, oma̱ aaki̱i̱wa iihpitsi̱tapo̱owayi omi̱ i'na̱ksaakokottoisskowa niita̱'pitsoa'pohtayitsiimio'so'pa. Iitsika̱yinnima̱yi, omi̱ Jesus iihtsitsi̱ta'soyi̱nnakiiwa̱yi o'toka̱ani.