Mark 14:12 - l'taamitsinikssin Mark manistaitsinikatoohpiayi 1972

¹² Omiiksi Jews a̱i̱skahsai'nikkiawa i'na̱kimiyi i̱mahkihkinaayi ni'tsiksi̱stsikoyi ani̱stsayito'tsstsiisi omi̱ otsi̱tohtaohkanaa'psspiawa o̱mohto̱'tsitsskihtsi̱i̱mokihpi anni̱hka maka̱'pisttsiistom'ssinihka, ki a̱nnia koo'ko̱yi ita̱oowatsiiyawaiksi. Ki omi̱i̱ksi Jesus ota̱i̱ssksinima̱atsaiksi otsi̱tanikkaiksi, “Tsima̱ nita̱kitsiiyo'sato̱o̱hpinnaana omi̱stsi i̱'ksisakoistsi iihta̱akomahksoy'sskihtsi̱i̱hpi?”

Mark 14:12 Iomraidhean Croise

Mark 14:1

Omi̱i̱ksi Jews a̱i̱saakiaissksinimmiawa otsi̱tsiksisttakoihtsi̱i̱mokoaayi anni̱i̱hka maka̱'pisttsiistom'ssinihka, ki amo̱ ni'tsstoyi̱ ita̱i̱samohkana̱atoomiawayi ni'tato̱yiksistsikoyi. Ki amostsi ihkitsi̱kiiksistsikoistsi ma̱taaksoyi̱waiksawa kohpa̱ttsstaani. Na̱to'ki̱i̱ksistsikoi saoma̱nistao'tstsiisa akitohkana̱apsa̱toomiawa, o̱miksi atsi̱mmo'totama'pssiiksi sta̱mikaka'paisskska'tsi̱mmaayawa ma̱hkani̱stohko̱ttsinnaahpiawa Jesus, ma̱hksi'nitahsayi.

Mark 14:11

Ki omi̱ksi nato̱yaapiikoaiksi i̱kohtsi'ta̱a̱mi'takiyi; otsitsiksi̱sttowakkaiksi oma̱ Judas ma̱hkohko̱yissaiksi iihta̱ohpommao'pi. Sta̱mikakiitsisimia'pa̱i̱sskska'tsimawa oma̱ Judas a̱hkanistohko̱ttsinnaahpi Jesus.

Mark 14:13

Jesus itani̱stsiiwa na̱tsitapiyi ota̱i̱ssksinima̱atsaiksi, “Stamihtsi̱sook omi̱ aka̱i̱tapisskoyi; anna̱hkayi ni̱naawa kita̱ako'ta̱atsiimawaawa, ki omi i̱sski a̱kohpa̱atsiwa aohki̱i̱ a̱kitsapihtsiihpa.